NEHEMAÏAH 2:4 - Khasi CL Bible (BSI)

⁴ U patsha u kylli, “Kaei kaba me kwah?”

KA BAIBL

⁴ Ynda kumta, u syiem u la ong ha nga, “Kaei me kyrpad?” Hangta nga la duwai ha U Blei ka bneng.

NEHEMAÏAH 2:4 ပူးပေါင်းရင်းမြစ်များ

2 SAMUEL 15:31

Haba la ïathuh ha u Dabid ba u Ahithophel u la ïasoh lang bad ka jingïaleh pyrshah jong u Absalom, u la duwai, “Ko Trai, sngewbha pynpulom ïa ka jingaibuit u Ahithophel.”

1 SYIEM 3:5

Ha kata ka miet U Trai u la mihpaw ha u ha ka jingphohsniew bad u kylli ïa u, “Kaei me mon ïa nga ban ai ha me?”

NEHEMAÏAH 1:11

To shahshkor mynta ïa ka jingduwai jong nga bad ïa ki jingduwai jong baroh kiwei pat ki shakri jong me kiba kwah ban ai ïa me ka burom. Ai ïa ka jingjop mynta ka sngi bad pynlong ba u patsha un leh-isynei ïa nga.” Ha kita ki sngi nga la long u nongrah waiñ jong u patsha.

NEHEMAÏAH 1:4

Haba nga ïohsngew ïa kane baroh, nga shong bad nga ïam. Bun sngi nga la sngewsih bad ngam shym bam.

NEHEMAÏAH 1:5

Nga duwai ha U Blei, “A Trai U Blei jong ka bneng! Me long uba khraw, ngi ïeng ha ka jingsheptieng ïa me. Me batskhem ïa la ka jutang bad kito kiba ieit ïa me bad kiba leh ïa kaei kaba me hukum.

NEHEMAÏAH 2:20

Nga jubab, “U Blei jong ka Bneng un ai jingjop ïa ngi. Ngi long ki shakri jong u, bad ngin sdang ïa ka jingtei. Hynrei phim don hok ïa kano kano ka jingdon ha Jerusalem, bad phim ïadon bynta ha ki riti ki dustur jong ka.”

NEHEMAÏAH 2:5

Nga duwai ha U Blei ka Bneng, bad nangta nga ong ha u patsha, “Lada ma me, ko syiem, me don ka jingsngewbha ïa nga bad ai sngewbha ïa ka jingkyrpad jong nga, shah ïa nga ba ngan leit sha ka ri Judah, sha ka nongbah ha kaba la tep ïa ki kpa tymmen jong nga, khnang ba nga lah ban tei pat ïa ka nongbah.”

ESTHER 5:3

“Kaei ka jingkwah jong pha, ko Esther, ko mahadei?” u syiem u kylli. “Ïathuh ïa nga kaei kaba pha kwah, bad phan ïoh ïa kata — wat la ka long shiteng na ka hima jong nga.”

ESTHER 5:6

Katba ki dang ïadih waiñ, u syiem u la kylli ïa ka, “Ïathuh ïa nga kaei kaba pha kwah, bad phan ïoh ïa ka. Ngan ai ïa ka jingkyrpad jong pha wat la phan pan shiteng na ka hima jong nga.”

ESTHER 7:2

Katba ki dang ïadih waiñ, u syiem u la kylli biang ïa ka, “Mynta, ko Esther, ko mahadei, kaei kaba pha kwah? Ïathuh ïa nga bad phan ïoh ïa kata. Ngan ai ha pha wat shiteng na ka hima.”

SALM 136:26

To ainguh ïa U Blei jong ka bneng; ka jingieit jong u ka neh bymjukut.

PROBERB 3:6

Kynmaw ïa U Trai ha kaei kaei kaba phi leh, bad un pyn-i ha phi ïa ki lynti kaba dei.

MARKOS 10:51

“Kaei kaba me kwah ïa nga ban leh na ka bynta jong me?” U Jisu u la kylli ïa u. “Ko Nonghikai,” uta u briew uba matlah u la jubab, “Nga kwah ban ïoh imat biang.”

KI KAM 23:19

U rangbah ai hukum u la shim ïa u na ka kti, u la ïalam ïa u da lade hi, bad u la kylli, “Kaei me don ban ïathuh ïa nga?”

PHILIPPI 4:6

Wat khuslai shaphang kaei kaei, hynrei ha ki jingduwai jong phi baroh, to pan na U Blei ïa kaei kaba phi donkam, da pan borabor na u da ka dohnud kaba sngewnguh.