NEHEMAÏAH 2:3 - Khasi CL Bible (BSI)

³ Nga la kyndit bad nga jubab, “Ko Syiem Kynrad, to im junom! Kumno ngan lah khlem imat sngewsih haba ka nongbah ha kaba la tep ïa ki kpa tymmen jong nga ka don hapdeng ki jingjot bad ïa ki khyrdop jong ka la pynjot ha ka ding?”

KA BAIBL

³ Bad nga la ong ha u syiem, “To u syiem un im junom: ka khmat jong nga kan ym i 'matsngewsih balei, haba ka nongbah, ka jaka ki jingtep ki kpa jong nga, ka sah khlaw, bad ba la thang duh ïa ki khyrdop jong ka, da ka ding?”

NEHEMAÏAH 2:3 ပူးပေါင်းရင်းမြစ်များ

1 SYIEM 1:31

Ka Bathsheba ka dem ngon bad ka ong, “Ai ba u kynrad jong nga, u syiem un im junom!”

2 SYIEM 25:8

Ha ka sngi kaba hynñiew jong u bnai uba san jong ka snem kaba khatkhyndai ka jingsynshar jong u Nebukhadnessar u syiem ka Babilonia, u Nebusaradan, u nongai jingmut ïa u syiem bad u nongai hukum ïa ka kynhun shipai jong u, u la rung sha Jerusalem.

2 KHRONIKL 21:20

U Jehoram u la don laiphew ar snem ka rta mynba u long syiem, bad u synshar phra snem ha Jerusalem. Ym don mano mano ba sngewsih haba u ïap. Ki la tep ïa u ha ka Nongbah jong u Dabid, hynrei ym ha ka jingtep ki syiem.

2 KHRONIKL 28:27

U syiem Ahas u la ïap, bad la tep ïa u ha Jerusalem, hynrei ym ha ka jingtep ki syiem, u Hesekaïah u khun jong u, u long syiem ha ka jaka jong u.

2 KHRONIKL 32:33

U Hesekaïah u la ïap bad la tep ïa u ha ka bynta ba-halor jong ka jingtep ki syiem. Baroh ki paid jong ka Judah bad Jerusalem ki ai ka burom kaba khraw ha ka jingïap jong u. U Manasseh u khun jong u, u long syiem ha ka jaka jong u.

2 KHRONIKL 36:19

U thang ïa ka Templ bad ïa ka nongbah, lem bad ki ïingsyiem baroh bad ka spah jong ka, bad u pyntwa ïa ka kynroh jong ka nongbah.

NEHEMAÏAH 1:3

Ki ïathuh ïa nga ba kito kiba dang im bad kiba la poi biang ha la ka jong ka ri, ki don hapdeng ka jingeh bakhraw bad ba ki nongwei kiba shong basah marjan, ki peitbeiñ ïa ki. Ki ïathuh ruh ïa nga ba ki kynroh ka Jerusalem ki la pra bad ba ïa ki khyrdop ym shym la pynbha pat naduh ka por ba la thang ïa ki.

NEHEMAÏAH 2:13

Ka dang long mynmiet katba nga la mihnoh na ka nongbah lyngba ka Khyrdop Them shaphang sepngi bad leit shaphang shathie da kaba ïaid lait ïa ka Umpohliew u Ïakjakor sha ka Khyrdop Synrum. Katba nga dang leit, nga khmih ïa ki kynroh ba la pra jong ka nongbah bad ki khyrdop ïa kiba la pynjot da ka ding.

ESTHER 8:6

Kumno ngan lah ban shah ïa ka lada kane ka jingjot ka wan hap ha ki briew jong nga, bad ki ba-ha-ïing ha-sem jong nga ki shah pynïap?”

SALM 102:14

Ki shakri jong me ki ieit ïa ka, wat haba la pynjot ïa ka; ki leh-isynei ïa ka, wat haba ka don ha ka jingjot.

SALM 102:15

Ki jaitbynriew kin sheptieng ïa U Trai; baroh ki syiem jong ka pyrthei kin sheptieng ïa ka bor jong u.

SALM 137:6

To ai ba ngan nym lah shuh ban rwai biang lada ngam kynmaw ïa pha, lada ngam pyrkhat ïa pha kum ka jingkmen bakhraw tam jong nga!

SALM 38:7

Nga la khluit da ka jingpang shit, bad nga la jan ïap.

JEREMAÏAH 52:12

Ha ka sngi kaba shiphew jong u bnai uba san ha ka snem kaba khatkhyndai jong ka jingsynshar u Nebukhadnessar u syiem ka Babilonia, u Nebusaradan, u nongaibuit jong u syiem bad u rangbah jong ka kynhun shipai jong u, u rung shapoh Jerusalem.

SNGEWSYNEI 2:9

Ki khyrdop ki la shah tep ha ka kynton ba la pra, ïa ki nar ker jong ki la shoh lyngkhot. U syiem bad ki riewdonburom mynta ki don ha ka jingshah ringmraw. Ïa ka Aiñ ym shym la hikai shuh, bad ki nongïathuhlypa kim don shuh kino kino ki jingïohipaw na U Trai.

DANIEL 2:4

Ki la jubab ïa u syiem ha ka ktien Aramaik, “To u Syiem Kynrad un im junom! To ïathuh ha ngi ïa ka jingphohsniew jong phi, bad ngin batai ïa ka ha phi.”

DANIEL 3:9

Ki la ong ha u syiem Nebukhadnessar, “Ai ba u Syiem Kynrad un im junom!

DANIEL 5:10

Ka kmie jong u syiem ka la ïohsngew ïa ka jingsawa ba la pynmih da u syiem bad ki rangbah donburom jong u bad ka la rung sha ka kamra jingkhawai. Ka la ong, “To u syiem un im junom! Sngewbha wat da khih khuslai than bad wat da lieh blaid blaid.

DANIEL 6:21

U Daniel u la jubab, “Ai ba u Syiem Kynrad un im junom!

DANIEL 6:6

Kumta ki la leit ban jngoh ïa u syiem bad ki la ong, “Ko syiem Darius, ai ba u Syiem Kynrad un im junom!

LEBITIKOS 26:31

Ha ka jingijli bakhraw, ngan pynjot thiaw ïa ki shnong jong phi, ngan pynpra ïa ki jaka mane blei jong phi, bad ngan kyntait ïa ki jingkñia ainguh jong phi.