NEHEMAÏAH 2:20 - Khasi CL Bible (BSI)

²⁰ Nga jubab, “U Blei jong ka Bneng un ai jingjop ïa ngi. Ngi long ki shakri jong u, bad ngin sdang ïa ka jingtei. Hynrei phim don hok ïa kano kano ka jingdon ha Jerusalem, bad phim ïadon bynta ha ki riti ki dustur jong ka.”

KA BAIBL

²⁰ Nga la ïathuh te ha ki, bad nga la ong ha ki, “U Blei ka bneng, ma u, un pynman bha ïa ngi; namar kata, ma ngi ki shakri jong u, ngin ïaïeng bad ngin tei: hynrei, phi, phim don ka bynta, lymne ka hok, lymne ka dak jingkynmaw, ha Jerusalem.”

NEHEMAÏAH 2:20 ပူးပေါင်းရင်းမြစ်များ

2 KHRONIKL 26:5

Katba u Sekharaïah u nongaibuit jong u ha kaba ïadei bad ka niam u dang im; u la shakri hok ïa U Trai bad U Blei u la kyrkhu ïa u.

ESRA 4:3

U Serubbabel, u Joshua bad ki rangbah kur ki ong ïa ki, “Ngim donkam ïa ka jingïarap jong phi ban tei ïa ka templ na ka bynta U Trai U Blei jong ngi. Ngin tei hi ïa ka da lade, kumba u Syros, u patsha ka Persia, u la hukum ïa ngi.”

NEHEMAÏAH 1:4

Haba nga ïohsngew ïa kane baroh, nga shong bad nga ïam. Bun sngi nga la sngewsih bad ngam shym bam.

NEHEMAÏAH 2:4

U patsha u kylli, “Kaei kaba me kwah?”

ESTHER 4:11

“Lada mano mano, u briew ne ka briew, u ban leit sha ka jaka ba kham shapoh ka phyllaw u syiem bad leit ïakynduh ïa u khlem shah khot, un ïap. Kata ka dei ka aiñ; naduh ki nongai jingmut u syiem haduh ki riewpaidbah jong ki jylla, ki tip ïa kata. Ka don tang kawei ka lynti ban lait na kane ka aiñ: lada u syiem u pyn-i ïa u diengsynshar ksiar ïano ïano, tang kata ka ban pyllait im ïa uta u briew. Hynrei ka la long mynta shi bnai ba u syiem u la phah khot ïa nga.”

SALM 102:17

Un sngew ïa ki briew jong u ïa kiba la iehnoh bad un shahshkor ïa ka jingduwai jong ki.

SALM 122:6

To duwai na ka bynta ka jingsuk jong ka Jerusalem; “Ai ba kito kiba ieit ïa pha kin manbha.

SALM 20:5

Te ngin risa da ka jingkmen halor ka jingjop jong me bad lehkmen ïa ka jingjop jong me da kaba ïaroh ïa U Blei jong ngi. To U Trai un jubab ïa ki jingkyrpad jong me baroh.

SALM 35:27

Ai ba kito kiba kwah ban ïohi ïa ka jingpynksan jong nga kin risa da ka jingkmen, bad kin ïai-ong, “Katno Uba khraw long U Trai! uba sngewbha ha ka jingjop u shakri jong u!”

SALM 51:18

A Blei, to lehbha ïa ka Seïon bad to ïarap ïa ka; to tei pat ïa ki kynroh ka Jerusalem.

EKSODOS 28:29

“Haba u Aaron u rung sha ka Jaka Kyntang, un phong ïa kane ka jingdeng shadem ha kaba la thoh ïa ki kyrteng jong ki khat-ar jait Israel, khnang ba ma nga, U Trai, ngan ïai kynmaw ïa la ki briew.

EKLESIASTIS 7:18

Kiar ïa baroh ar tylli ki tduh. Lada phi don ka jingtiengburom ïa U Blei, la kumno kumno phin long kiba jop.

ISAÏAH 56:5

te ïa ka kyrteng jong me yn ïai kynmaw ha ka templ jong nga bad hapdeng ki briew jong nga kham slem ban ïa kaba me don ki khun shynrang bad ki khun kynthei. Yn ym klet ïa me lano lano ruh.”

LEBITIKOS 2:2

U lyngdoh uba ïarap un shim shi kham uta u 'purew bani ryngkat bad ka umphniang bad ka jingiwbih baroh bad un thang ïa ka halor ka duwan kum ka dak ba la ainguh ïa ka sha U Trai. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 24:7

Buh khyndiat ka jingiwbih kaba khuid halor kawei kawei ka laiñ, kum ka dak ka jingainguh bam ha U Trai.

SEKHARAÏAH 6:14

Ka pansngiat kan long ka jingpynsah kynmaw ha ka Templ jong U Trai ha ka jingñiewburom ïa u Heldai, u Tobijah, u Jedaïah, bad u Josaïah.”

JINGKHEIÑ 10:10

Kumjuh ruh ha ki por lehkmen — ha ki Jingkhawai Niam Bnai Thymmai bad ha kiwei pat ki Jingkhawai Niam jong phi — phi dei ban put ïa ki turoi haba phi wanrah ïa ki jingainguh thang bad ki jingainguh ïasyllok jong phi. Te ngan ïarap ïa phi. Nga long U Trai U Blei jong phi.”

KI KAM 10:31

‘Ko Kornelios! U Blei u la ïohsngew ïa ki jingduwai jong me bad u la kynmaw ïa ki kam leh-isynei jong me.

KI KAM 10:4

U la khmih shaiñ ïa u angel ha ka jingsheptieng bad u la ong, “Ka dei kaei, ko Kynrad?” U angel u la jubab, “U Blei u la sngewbha ïa ki jingduwai jong me bad ïa ki kam leh-isynei jong me, bad u kloi ban jubab ïa me.

KI KAM 8:21

Mem don bynta lane ïoh bynta ha ka kam jong ngi, namar ka dohnud jong me kam long kaba beit ha khmat U Blei.