NEHEMAÏAH 2:18 - Khasi CL Bible (BSI)

¹⁸ Bad nga la ong ïa ki kumno U Blei u la long ryngkat bad nga bad ïarap ïa nga, bad kaei kaba u patsha u la ong ha nga. Ki la phai ktien, “To ngin ïasdang tei pat!” Bad kumta ki la ïakhreh ban sdang ïa ka kam.

KA BAIBL

¹⁸ Bad nga la ïathuh ha ki shaphang ka kti U Blei jong nga kaba la long ka babha halor jong nga; bad ïa ki ktien u syiem ruh kiba u la kren ha nga. Bad ki la ong, “Ïa, ngin ïaïeng bad ngin tei.” Kumta, ki la pynshaitbor la ki kti ïa kane ka kam ka babha.

NEHEMAÏAH 2:18 ပူးပေါင်းရင်းမြစ်များ

2 SAMUEL 2:7

To long kiba khlaiñ bad kiba shlur! U Saul, u syiem jong phi u la ïap, bad ki paid Judah ki la pynsleh ïa nga kum u syiem jong ki.”

1 KHRONIKL 11:10

Kine ki dei ki shipai bapawnam jong u Dabid. Ryngkat lang bad kiwei de ki paid Israel, ki la ïarap ïa u ban long syiem, kumba U Trai u la kular, bad ki pynneh skhem ba ka hima jong u kan long kaba khlaiñ.

1 KHRONIKL 19:13

To long khlaiñ bad long shlur! To ngin ïaleh tyngeh na ka bynta ki briew jong ngi bad na ka bynta ki nongbah jong U Blei jong ngi. Bad to ai ba yn pyndep ïa ka mon U Trai.”

2 KHRONIKL 32:5

U syiem u pynkhlaiñ ïa ki jingïada ïa ka nongbah da kaba tei bha ïa ka kynroh, kaba tei ïa ki kut halor jong ka, bad ban shna ïa ka kynroh na shabar. Nalor kata, u tei pat ïa ki jingïada ba la tei ha ka jaka kaba la pyndap khyndew ha ka phang mihngi jong ka Jerusalem ha ka bynta kaba rim. U phah shna ruh bun bah ki sum bad ki stieh.

ESRA 6:22

Hynñiew sngi ki rakhe da ka jingkmen ïa ka Jingkhawai Niam U Kpu Bakhlem Thiat. Ki la dap da ka jingkmen namar U Trai u la pynlong ïa u patsha jong ka Assyria ban lehsbun ïa ki, ba u kyrshan ïa ki ha ka jingtrei jong ki ha ka jingtei pat ïa ka Templ jong U Blei ki Israel.

NEHEMAÏAH 2:8

Nga kyrpad ruh ïa ka shithi sha u Asaph, u nongsumar ïa ki khlaw u syiem, da kaba bthah ïa u ban ai ïa nga ki dieng na ka bynta ki khyrdop ka kut kaba ïada ïa ka Templ, na ka bynta ki kynroh ka nongbah, bad na ka bynta ka ïing kaba ngan shong ngan sah. U patsha u la ai ïa nga ïa baroh kaba nga pan, namar U Blei u la long ryngkat bad nga.

EPHESOS 6:10

Ha kaba pynkut noh, to long kiba khlaiñ ha U Trai bad ha ka bor ka jingkhlaiñ jong u.

PHILIPPI 2:13

namar U Blei u trei borabor hapoh jong phi, ban pynlong ïa phi kiba don ka mon bad kiba lah ban kohnguh ïa ka jingthmu jong u hi.

1 SAMUEL 23:16

U Jonathan u la leit sha u hangta bad u la pynshlur ïa u da ka jingpynthikna ïa ka jingïada jong U Blei,