NEHEMAÏAH 2:17 - Khasi CL Bible (BSI)

¹⁷ Hynrei mynta nga ong ha ki, “Peit kaei ka jingeh kaba ngi don namar ka Jerusalem ka long hapdeng ka jingjot bad ïa ki khyrdop jong ka la pynjot! To ngin ïatei pat ïa ki kynroh ka nongbah bad pynkut noh ïa ka jingjahburom jong ngi.”

KA BAIBL

¹⁷ Ynda kumta, nga la ong ha ki, “Phi ïohi ïa ka jingshitom ha kaba ngi long, kumno ba ka Jerusalem ka sah khlaw, bad ba la thang ïa ki khyrdop jong ka da ka ding: ïa, ngin ïatei noh ïa ka kynroh Jerusalem, ba ngin ym long ka jinglehrain shuh.”

NEHEMAÏAH 2:17 ပူးပေါင်းရင်းမြစ်များ

ESRA 9:9

Ngi la long ki mraw, hynrei mem shym la iehnoh ïa ngi ha ka jinglongmraw. Me la pynlong ïa ki patsha ka Persia ban lehsbun ïa ngi bad ban shah ïa ngi ban dang ïoh ban im bad ban tei pat ka Templ jong me, kaba la long ha ka jingjot jingpra, bad ban ïoh ïa ka jingshongshngain hangne ha Judah bad Jerusalem.

NEHEMAÏAH 1:3

Ki ïathuh ïa nga ba kito kiba dang im bad kiba la poi biang ha la ka jong ka ri, ki don hapdeng ka jingeh bakhraw bad ba ki nongwei kiba shong basah marjan, ki peitbeiñ ïa ki. Ki ïathuh ruh ïa nga ba ki kynroh ka Jerusalem ki la pra bad ba ïa ki khyrdop ym shym la pynbha pat naduh ka por ba la thang ïa ki.

NEHEMAÏAH 2:13

Ka dang long mynmiet katba nga la mihnoh na ka nongbah lyngba ka Khyrdop Them shaphang sepngi bad leit shaphang shathie da kaba ïaid lait ïa ka Umpohliew u Ïakjakor sha ka Khyrdop Synrum. Katba nga dang leit, nga khmih ïa ki kynroh ba la pra jong ka nongbah bad ki khyrdop ïa kiba la pynjot da ka ding.

NEHEMAÏAH 2:16

Ym don na kino kino ki rangbah synshar kiba na kata ka jaka kiba la tip shano ba nga la leit bad kaei kaba nga la leh. Haduh kata ka por, ngam pat shym la ong ei ei ïano ïano ruh na ka para Jiw jong nga — ki lyngdoh, ki nongïalam, ki rangbah synshar, lane mano mano ruh u ban ïashim bynta ha ka kam.

NEHEMAÏAH 3:15

U Shallum, u khun jong u Kolhoseh, u nongsynshar ïa ka Mispah distrik, u tei pat ïa ka Khyrdop Umpohliew. U siang ïa ka lynti kaba poi sha ka khyrdop, u pynïeng ïa ka khyrdop, bad pyndait ïa ki nar-khang bad ïa ki jingkhang ka khyrdop. Ha ka Pungsum Shelah, u tei ïa ka khyrdop markhap ïa ka kper syiem, haduh ki mawjam kiba hiar sha ka Nongbah u Dabid.

SALM 102:15

Ki jaitbynriew kin sheptieng ïa U Trai; baroh ki syiem jong ka pyrthei kin sheptieng ïa ka bor jong u.

SALM 44:13

Ki paramarjan jong ngi ki ïohi ïa kaei kaba me leh ïa ngi, bad ki krenbeiñ ïa ngi bad ki rkhie ïa ngi.

SALM 44:14

Me la pynlong ïa ngi kum ka jingshah ñiewbeiñ hapdeng ki jaitbynriew; ki pynkhih ïa la ki khlieh bad krenbeiñ ïa ngi.

SALM 79:12

A Trai, to siew kylliang hynñiew shah ïa kiwei pat ki jaitbynriew na ka bynta ki jingrkhiebeiñ baroh kiba ki la shat ha me.

SALM 79:4

Ki jaitbynriew kiba don sawdong ki la rkhiebeiñ ïa ngi, ki rkhie ïa ngi bad ki beiñ ïa ngi.

JEREMAÏAH 24:9

Ngan sa pynngat ha ki ka jinglanot ha kaba ki jaitbynriew ka pyrthei baroh kin da sngewshyrkhei, ki briew kin rkhiebeiñ ïa ki; kin ïakren kai ïa ki, kin ïakynshi ïa ki, bad kin pyndonkam ïa ka kyrteng jong ki kum ka jingtim kylleng kat shaba nga pynsakma ïa ki.

SNGEWSYNEI 2:2

U Trai u la pynjot khlem ka jingisynei ïa kawei pa kawei ka nongrit ha Judah bad u la kad pynpra ïa ki kut kiba ïada ïa ka ri. U la wallam ka jingjahburom ha ka hima bad ki nongsynshar jong ka.

SNGEWSYNEI 3:51

Ka dohnud jong nga ka la sngewsih haba nga ïohi ïa kaei kaba la jia ha ki kynthei jong ka nongbah.

ESEKIEL 5:14

Uno uno na ki jaitbynriew baroh sawdong jong pha uba dei ïaid lynti un rkhiebeiñ ïa pha bad un kiar na pha.

MIKAH 7:11

Ko ki briew ka Jerusalem, ka por ban tei pat ïa ki kynroh ka nongbah ka la poi. Ha kata ka por ïa ka ri jong phi yn pynïar.

1 SAMUEL 11:2

U Nahash u jubab, “Ngan ïateh jutang bad phi halor kawei ka kyndon: Ngan khlaw ïa ka khmat kamon jong phi baroh, bad da kumta ngan pynjahburom halor ki Israel baroh.”