NEHEMAÏAH 2:13 - Khasi CL Bible (BSI)

¹³ Ka dang long mynmiet katba nga la mihnoh na ka nongbah lyngba ka Khyrdop Them shaphang sepngi bad leit shaphang shathie da kaba ïaid lait ïa ka Umpohliew u Ïakjakor sha ka Khyrdop Synrum. Katba nga dang leit, nga khmih ïa ki kynroh ba la pra jong ka nongbah bad ki khyrdop ïa kiba la pynjot da ka ding.

KA BAIBL

¹³ Bad nga la mih noh mynmiet na Ka Khyrdop Ka Them, shaphang Ka Pukri Ïakjakor, bad sha Ka Khyrdop Synrum, bad nga la khmih bha ïa ki kynroh Jerusalem, kiba la twa, bad ïa ki khyrdop jong ka, ïa kiba la thang da ka ding.

NEHEMAÏAH 2:13 ပူးပေါင်းရင်းမြစ်များ

2 KHRONIKL 26:9

U Ussaïah u pynkhlaiñ ïa ki jingker kynroh ïa ka Jerusalem da kaba tei ïa ki kut ha Khyrdop Dong, ha Khyrdop Them, bad ha ka jaka ba khun ka kynroh.

NEHEMAÏAH 1:3

Ki ïathuh ïa nga ba kito kiba dang im bad kiba la poi biang ha la ka jong ka ri, ki don hapdeng ka jingeh bakhraw bad ba ki nongwei kiba shong basah marjan, ki peitbeiñ ïa ki. Ki ïathuh ruh ïa nga ba ki kynroh ka Jerusalem ki la pra bad ba ïa ki khyrdop ym shym la pynbha pat naduh ka por ba la thang ïa ki.

NEHEMAÏAH 12:31

Nga la ïalumlang ïa ki nongïalam jong ka Judah halor jong ka kynroh bad buh ïa ki ban khmih halor ki ar kynhun kiba heh ba kin ïaid sawdong ka nongbah, ryngkat bad ki jingainguh sha U Blei. Kaba nyngkong ka kynhun ka leit shaphang kamon halor ka kynroh shaphang ka Khyrdop Synrum.

NEHEMAÏAH 2:12

bad haduh lai sngi ngam shym ïathuh ïano ïano ïa kaei kaba U Blei u la pyrsad mynsiem ha nga ban leh na ka bynta ka Jerusalem. Nangta ha shiteng jong ka miet nga ïeng joit bad mih shabar, da kaba ïalam bad nga katto katne ngut ki paralok jong nga. U jingri uba ngi la shim u dei u kada uba nga la shong.

NEHEMAÏAH 2:15

kumta nga hiar noh sharum sha ka them Kidron bad ïaid shaphrang, da kaba peit ïa ka kynroh. Nangta nga wan phai pat na kajuh ka lynti ba nga wan bad leit phai sha ka nongbah lyngba ka Khyrdop Them.

NEHEMAÏAH 2:17

Hynrei mynta nga ong ha ki, “Peit kaei ka jingeh kaba ngi don namar ka Jerusalem ka long hapdeng ka jingjot bad ïa ki khyrdop jong ka la pynjot! To ngin ïatei pat ïa ki kynroh ka nongbah bad pynkut noh ïa ka jingjahburom jong ngi.”

NEHEMAÏAH 2:3

Nga la kyndit bad nga jubab, “Ko Syiem Kynrad, to im junom! Kumno ngan lah khlem imat sngewsih haba ka nongbah ha kaba la tep ïa ki kpa tymmen jong nga ka don hapdeng ki jingjot bad ïa ki khyrdop jong ka la pynjot ha ka ding?”

JEREMAÏAH 5:10

Ngan phah ïa ki nongshun ban khet ïa ki bri sohwaiñ jong ki briew jong nga, hynrei ym ban pynjot khoit ïa ki. Ngan ong ïa ki ban khet noh ïa ki tnat jong ki, namar kito ki tnat kim dei ki jong nga.