NEHEMAÏAH 13:5 - Khasi CL Bible (BSI)

⁵ U shah ïa u Tobiah ban pyndonkam ïa ka kamra kaba heh ïa kaba la thmu tang ban buh ïa u kew jingkñia bad ka jingiwbih, ki tiar ki tar ba pyndonkam ha ka Templ, ki jingainguh na ka bynta ki lyngdoh, bad kiba shiphew na u kew, ka waiñ, bad ka umphniang Olib ba ai sha ki Lebi, ki nongtem nongput ka Templ, bad ki nongap phira ka Templ.

KA BAIBL

⁵ u la lah khreh lypa ïa u ka pulit bakhraw, ha kaba ki la buh mynshuwa ïa ki jingainguh bam, ïa ka jingiwbih, bad ïa ki pliang ki luta, bad ïa kaba shiphew na u Kew, na ka Waiñ, bad na ka umphniang, ïa kiba la ai da ka hukum ha ki Lebi, bad ha ki nongrwai, bad ha ki nongap jingkhang; bad ïa ki jingainguh kyntiew ïa ki lyngdoh.

NEHEMAÏAH 13:5 ပူးပေါင်းရင်းမြစ်များ

2 KHRONIKL 31:11

Ha ki hukum ki jong u syiem ki pynkhreh ha ka jaka jong ka Templ ïa ki kamra buh jingbuh

2 KHRONIKL 34:11

bad ki ai ïa ka ha ki misteri dieng bad ki nongtei ban thied maw bad dieng sawdong ban pyndonkam ha kaba tei pynbha ïa ki ïing kiba ki syiem ka Judah ki la ieh ba kin pyut noh.

NEHEMAÏAH 10:36

Ïa u khun nyngkong ba kha ha ngi, ngin leit rah sha ki lyngdoh ka Templ, kumba donkam da ka Hukum, ngin pynkyntang ïa u sha U Blei. Ngin pynkyntang ruh ïa uwei pa uwei u khun masi banyngkong jong ngi, bad ïa uwei pa uwei u khunlangbrot bad uwei pa uwei u khunblang jong ngi.

NEHEMAÏAH 10:37

Ngin leit rah sha ki lyngdoh ha ka Templ ïa u kpu im jong u kew ba la lum nyngkong jong kawei pa kawei ka snem bad kiwei ki jingkñia waiñ, umphniang Olib bad baroh ki jait soh. Ngin leit rah sha ki Lebi, kiba lum ïa kiba shiphew na ki jaka rep ha ki nongrit, kiba shiphew na ki jingthung kiba mih ha ka ri jong ngi.

NEHEMAÏAH 10:38

Ki lyngdoh kiba hiarpateng na u Aaron kin don bad ki Lebi ha ka por ba lum ïa kiba shiphew, bad na ka bynta ka jingpyndonkam ha ka Templ, ki Lebi kin rah sha ki kamra buh tiar ka Templ ïa kawei-na-kaba-shiphew na baroh kiba shiphew ba ki lum.

NEHEMAÏAH 12:44

Ha kata ka por, la buh ïa ki rangbah ban khmih ïa ki kamra buh tiar ha kiba ïa ki jingai sngewbha na ka bynta ka Templ la buh, kynthup ïa kiba shiphew bad ïa u kew banyngkong bad u soh uba ih nyngkong man ka snem. Kine ki rangbah ki kitkhlieh na ka bynta ka jinglum na ki kper hajan ki nongbah ba bun, ïa ki jingai sngewbha na ka bynta ki lyngdoh bad ki Lebi, kiba ka Hukum ka dawa. Baroh ki briew ka Judah ki la sngewkmen ïa ki lyngdoh bad ki Lebi,

NEHEMAÏAH 13:7

bad nga wan phai sha Jerusalem. Hangta nga la kyndit ban shem ba u Eliashib u shah ïa u Tobiah ban pyndonkam ïa ka kamra ha ka Templ.

ESEKIEL 40:38

Ha ka phyllaw kaba shabar ka la don kawei ka kamra rit ba pynïasoh bad ka khyrdop bashapoh kaba shaphang shatei. Kane ka lam sha ka kamra rung kaba pyrshah ïa ka phyllaw bad hangta ki sait ïa ki metïap jong ki mrad ba la thang tylli kum ki jingkñia.