NEHEMAÏAH 13:4 - Khasi CL Bible (BSI)

⁴ U Eliashib lyngdoh, uba khmih halor ki kamra buh tiar ka Templ, la slem u la don hapdeng ka jingïadei jingmut bad u Tobiah.

KA BAIBL

⁴ Te shuwa ïa kane, u Eliashib lyngdoh, uba la buh halor ki pulit ka ïing U Blei jong ngi, bad u da long uba la ïasoh lok bad u Tobiah,

NEHEMAÏAH 13:4 ပူးပေါင်းရင်းမြစ်များ

NEHEMAÏAH 12:10

U Joshua u long u kpa jong u Joïakim; u Joïakim u long u kpa jong u Eliashib; u Eliashib u long u kpa jong u Joïada;

NEHEMAÏAH 12:44

Ha kata ka por, la buh ïa ki rangbah ban khmih ïa ki kamra buh tiar ha kiba ïa ki jingai sngewbha na ka bynta ka Templ la buh, kynthup ïa kiba shiphew bad ïa u kew banyngkong bad u soh uba ih nyngkong man ka snem. Kine ki rangbah ki kitkhlieh na ka bynta ka jinglum na ki kper hajan ki nongbah ba bun, ïa ki jingai sngewbha na ka bynta ki lyngdoh bad ki Lebi, kiba ka Hukum ka dawa. Baroh ki briew ka Judah ki la sngewkmen ïa ki lyngdoh bad ki Lebi,

NEHEMAÏAH 13:28

U Joïada u dei u khun jong u Eliashib u Rangbah Lyngdoh, hynrei uwei na ki khun jong u Joïada u la shongkurim ïa ka khun jong u Sanballat na ka shnong Beth Horon, kumta nga la pynlong ba u Joïada un mihnoh na Jerusalem.

NEHEMAÏAH 2:10

Hynrei u Sanballat, na ka shnong Beth Horon, bad u Tobiah, u rangbah synshar jong ka probins Ammon, ki la ïohsngew ba don mano mano ba la wan ban trei na ka bynta ka jingbha jong ki Israel, bad ki la bitar haduh katta katta.

NEHEMAÏAH 3:1

Kane ka long kumno ba la tei pat ïa ka kynroh jong ka nongbah. U Eliashib u Rangbah Lyngdoh bad ki para lyngdoh jong u ki la tei pat ïa ka Khyrdop Langbrot, ki pynkyntang ïa ka, bad pynïeng ïa ki khyrdop. Ki la pynkyntang ïa ka kynroh haduh u Mot ki Shispah bad u Mot Hananel.

NEHEMAÏAH 6:1

U Sanballat, u Tobiah, u Geshem bad kiba sah na ki nongshun jong ngi, ki la ïohsngew ba ngi la lah pyndep ïa ka jingtei ïa ka kynroh bad ba ym don shuh ki jinglait thliew ha ka, wat la ngim pat shym la pynïeng ki khyrdop ha ki jaka ban shna ïa ki.