NEHEMAÏAH 13:31 - Khasi CL Bible (BSI)

³¹ nga pynkhreh ïa ki diengthang na ka bynta ki jingainguh thang ban wallam ha ki por ba la buh, bad na ka bynta ki briew ban wallam ki jingainguh da u kew banyngkong bad ki soh kiba ih nyngkong. To kynmaw ïa kane baroh, A Blei, bad to kyrkhu ïa nga.

KA BAIBL

³¹ bad ïa ki dieng ka jingainguh, ha ki por ba la buh, bad ïa ki soh nyngkong. “Kynmaw ïa nga, A U Blei jong nga, ban pynbha.”

NEHEMAÏAH 13:31 ပူးပေါင်းရင်းမြစ်များ

NEHEMAÏAH 10:34

Ma ngi, ki paidbah, ki lyngdoh, ki Lebi, ngin kynting sbai man ka snem ban jied kino ki kur kin pynbiang ki dieng ban thang jingkñia ban ai sha U Trai U Blei jong ngi, kat kum ki jingdonkam ka Hukum.

NEHEMAÏAH 10:35

Ngin leit rah sha ka Templ man ka snem, ka jingkñia u kew banyngkong ba ngi lum bad u soh nyngkong uba ih ha ki dieng jong ngi.

NEHEMAÏAH 10:38

Ki lyngdoh kiba hiarpateng na u Aaron kin don bad ki Lebi ha ka por ba lum ïa kiba shiphew, bad na ka bynta ka jingpyndonkam ha ka Templ, ki Lebi kin rah sha ki kamra buh tiar ka Templ ïa kawei-na-kaba-shiphew na baroh kiba shiphew ba ki lum.

NEHEMAÏAH 13:14

To kynmaw, A Blei jong nga, ïa baroh kine kiei kiei kiba nga la leh na ka bynta ka Templ jong me bad ka jingmane jong ka.

NEHEMAÏAH 13:22

Nga la hukum ïa ki Lebi ban pynkhuid ïa lade bad ban leit bad pahara ïa ki khyrdop ban pynthikna ba ïa ka sngi Sabbaton la sumar khuid ïa ka. Kynmaw ïa nga, A Blei, na ka bynta kane ruh, bad tyngkai ïa nga namar ka jingieit bakhraw jong me.

NEHEMAÏAH 5:19

Nga duwai ha me, A Blei, to kynmaw ban kyrkhu na ka bynta kaei kaei baroh ba nga la leh na ka bynta kane ka jaitbynriew.

SALM 106:4

To kynmaw ïa nga, A Trai, haba me ïarap ïa ki briew jong me; kynthup ïa nga ruh haba me pynim ïa ki.

SALM 25:7

Map ïa ki pop bad ki jingbakla jong ka jinglong samla jong nga. Ha ka jingieit baneh bad jingbha jong me, to kynmaw ïa nga, A Trai!

LOUKAS 23:42

Bad u la ong ha U Jisu, “To kynmaw ïa nga, ko Jisu, haba me wan kum u Syiem!”