NEHEMAÏAH 13:3 - Khasi CL Bible (BSI)

³ Haba ki Israel ki la ïohsngew ïa ka hukum ba la pule, ki la kyntait noh ïa ki nongwei na ka imlang sahlang.

KA BAIBL

³ Te ka la jia, haba ki la ïohsngew ïa ka hukum, ba ki la pynkhlad na ki Israel ïa u paidbah baïakhleh baroh.

NEHEMAÏAH 13:3 ပူးပေါင်းရင်းမြစ်များ

ESRA 10:11

Mynta, to phla ïa ki pop jong phi ha U Trai, U Blei jong ki kpa tymmen jong phi, bad to leh ïa kaei kaba pynsngewbha ïa u. Pynkyrpang ïa lade na ki nongwei kiba shong ha ka ri jong ngi bad pyllait noh ïa ki tnga nongwei jong phi.”

ESRA 9:2

Ki rangbah Jiw ki shongkurim ïa ki kynthei nongwei, bad kumta ki briew ba la kyntang jong U Blei ki kylla long kiba tngit. Ki nongïalam bad ki rangbah synshar ki long ki nongpynkheiñ hukum kiba kongsan.

NEHEMAÏAH 10:28

Ma ngi, u paid Israel, ki lyngdoh, ki Lebi, ki nongap phira ka Templ, ki nongput nongtem ka Templ, ki nongtrei ka Templ, bad baroh kiwei pat kiba ha ka jingkohnguh ïa ka Hukum U Blei, ki la pynkhlad ïa lade na ki nongwei kiba shong ha ka ri jong ngi; ma ngi, ryngkat bad ki tnga jong ngi bad baroh ki khun jong ngi kiba la lah ban sngewthuh,

SALM 119:11

Nga ri khop ïa ka hukum jong me ha la ka dohnud, khnang ba ngan ym leh pop pyrshah ïa me.

SALM 119:9

Da kumno u samla un lah ban sumar khuid ïa la ka jingim? Da kaba kohnguh ïa ki hukum jong me.

EKSODOS 12:38

Kiwei ki briew ruh kiba bun lem bad ki langbrot, ki blang, bad ki masi, ki leit ryngkat bad ki.

PROBERB 6:23

Ki jingbthah jong ki, ki long kum ka jingshai ba-thaba; ki jingsneng jong ki, ki hikai ïa phi kumno ban im.

JINGKHEIÑ 11:4

Don ki nongwei kiba ïaleit lang bad ki Israel. Kine ki don ka jingkwah palat ban bam doh, bad wat ki Israel hi ki la sdang ban ud: “A, ba ma ngi ruh ngin da ïoh khyndiat ka doh!

Ka Shithi U Paul Sha Ki Nong Rom 3:20

Naba ym don uno uno ruh uba hok ha khmat U Blei da kaba leh ïa kaei kaba ka Hukum ka dawa; kaei kaba ka Hukum ka leh ka long ban pynlong ïa u briew ban tip ba u la leh pop.

JAKOB 1:27

Kaei kaba U Blei uba U Kpa u ñiew ba ka long kaba sngur bad ka jinglong riewblei bashisha ka long kane: Ban leit khmih ïa ki khunswet bad ïa ki riewkynthei ha ka jingshitom jong ki bad ban ri noh ïa lade kiba khlem thohbria na ka jong ka pyrthei.