NEHEMAÏAH 13:2 - Khasi CL Bible (BSI)

² Kane ka long namar ki Amon bad ki Moab kim shym la ai jingbam bad um ïa ki Israel ha ka lynti ba ki mih na Ijipt. Pynban, ki la siew pisa sha u Balaam ban tim ïa ki Israel, hynrei U Blei jong ngi u la pynkylla long ïa ka jingtim sha ka jingkyrkhu.

KA BAIBL

² namar ba kim shym la leit tan ïa ki khun Israel bad u kpu bad ka um, hynrei, ki la wer nong ïa u Balaam ban ïaleh ïa ki, ban tim ïa ki: hynrei, U Blei jong ngi u la pynkylla ïa ka jingtim sha ka jingkyrkhu.

NEHEMAÏAH 13:2 ပူးပေါင်းရင်းမြစ်များ

SALM 109:28

Ki lah ban tim ïa nga, hynrei men kyrkhu ïa nga. Ai ba ki nongpynshitom beiñ jong nga kin shahjop, bad to ai ba ma nga, u shakri jong me, ngan kmen.

MIKAH 6:5

Ko ki briew jong nga, to kynmaw ïa kaei kaba u Balak u syiem ka Moab u la thmu ban leh ïa phi bad kumno u Balaam u khun jong u Beor u la jubab ïa u. To kynmaw ïa kiei kiei kiba la jia ha lynti na ka jaka shong dara ha Akasia sha Gilgal. To kynmaw ïa kine kiei kiei bad phin shem ïa kaei kaba nga la leh ban pyllait im ïa phi.”

JINGKHEIÑ 23:18

bad u Balaam u kren ïa kane ka jingïathuhlypa: “Ale, ko Balak u khun jong u Sippor, Bad sngap aïu nga don ban ong.

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

DEUTERONOMI 23:3

“U Ammon lane u Moab — lane uno uno na ki khun ki ksiew jong ki haduh kaba shiphew pateng bynriew — ym dei ban kynthup hapdeng ki briew U Trai.

DEUTERONOMI 23:4

Ki la kyntait ban ai jingbam bad ai um ïa phi mynba phi don ha lynti na Ijipt, bad ki la khot wai ïa u Balaam u khun jong u Beor, uba na ka shnong Pethor ha Mesopotamia, ban tim ïa phi.

DEUTERONOMI 23:5

Hynrei U Trai U Blei jong phi un ym sngap ïa u Balaam; u pynkylla pynban ïa kata ka jingtim sha ka jingkyrkhu, namar ba u ieit ïa phi.

2 PETROS 2:15

Ki la iehnoh ïa ka lynti kaba beit bad ki la jah lynti; ki la bud ïa ka lynti jong u Balaam, u khun jong u Beor, uba ieit ïa ka pisa kaba u ïoh da ka kam bymhok