NEHEMAÏAH 13:14 - Khasi CL Bible (BSI)

¹⁴ To kynmaw, A Blei jong nga, ïa baroh kine kiei kiei kiba nga la leh na ka bynta ka Templ jong me bad ka jingmane jong ka.

KA BAIBL

¹⁴ “Kynmaw ïa nga, A U Blei jong nga, shaphang kane, bad wat pyndam noh ïa ki jingleh babha jong nga kiba nga la leh ïa ka ïing U Blei jong nga, bad ïa ki kam jong ka.”

NEHEMAÏAH 13:14 ပူးပေါင်းရင်းမြစ်များ

2 SYIEM 20:3

“To kynmaw, A Trai, ba nga la shakri ïa me ha ka hok bad jingïaineh skhem, bad nga la pyrshang borabor ban leh ïa kaei kaba me kwah ïa nga ban leh.” Bad u sdang ban ïamkthang.

1 KHRONIKL 29:3

Nalor kane baroh kaba nga la pynbiang, nga la ai ruh ïa ka rupa bad ka ksiar na ka jingdon jingem jong nga namar ka jingieit jong nga ïa ka Templ jong U Blei.

2 KHRONIKL 24:16

Ki la tep ïa u ha ka jingtep ki syiem ha ka Nongbah jong u Dabid kum ka dak ka jingñiewkor ïa ka jingshakri kaba u la leh na ka bynta ki paid Israel, na ka bynta U Blei bad na ka bynta ka Templ.

ESRA 7:20

Bad kano kano kaba phi dang donkam shuh ha ka Templ, phi lah ban ïoh na ka ïing jingkynshew syiem.

ESRA 7:24

La khang pyrshah ïa phi na kaba lum khajna na ki lyngdoh, ki Lebi, ki nongput nongtem, ki nongap phira, ki nongtrei lane kino kino kiba don ka jingïadei bad kane ka Templ.

ESRA 7:27

U Esra u ong, “Ïaroh ïa U Trai, U Blei jong ki kpa tymmen jong ngi! U la pynlong ïa u patsha da ka mon sngewbha ban burom ha kane ka rukom ïa ka Templ jong U Trai ha Jerusalem.

NEHEMAÏAH 13:22

Nga la hukum ïa ki Lebi ban pynkhuid ïa lade bad ban leit bad pahara ïa ki khyrdop ban pynthikna ba ïa ka sngi Sabbaton la sumar khuid ïa ka. Kynmaw ïa nga, A Blei, na ka bynta kane ruh, bad tyngkai ïa nga namar ka jingieit bakhraw jong me.

NEHEMAÏAH 13:31

nga pynkhreh ïa ki diengthang na ka bynta ki jingainguh thang ban wallam ha ki por ba la buh, bad na ka bynta ki briew ban wallam ki jingainguh da u kew banyngkong bad ki soh kiba ih nyngkong. To kynmaw ïa kane baroh, A Blei, bad to kyrkhu ïa nga.

NEHEMAÏAH 5:19

Nga duwai ha me, A Blei, to kynmaw ban kyrkhu na ka bynta kaei kaei baroh ba nga la leh na ka bynta kane ka jaitbynriew.

ISAÏAH 38:3

“To kynmaw, A Trai, ba nga la shakri hok bad ïaineh ha me, bad ba nga la pyrshang borabor ban leh ïa kaei kaba me kwah ïa nga ban leh,” bad u sdang ban ïamkthang.

HEBRU 6:10

U Blei um dei uba bishar bymhok. Un ym klet ïa ka kam kaba phi la leh lane ïa ka jingieit kaba phi la pynpaw na ka bynta jong u da ka jingïarap kaba phi la ai bad dang ïai ïarap ïa ki parabangeit.

JINGPYNPAW 3:5

Ïa kito kiba ïoh ka jingjop yn pynkup ïa ki kumne ha ki jaiñkup balieh, bad ngan ym weng noh ïa ki kyrteng jong ki na ka kitab jong kiba im. Ha ka jingdon ryngkat jong U Kpa jong nga bad ki angel jong u, ngan pynbna paidbah ba ki long ki jong nga.