NEHEMAÏAH 13:13 - Khasi CL Bible (BSI)

¹³ Nga buh ïa kine ki rangbah ban khmih ïa ki kamra buh tiar: U Shelemaïah, u lyngdoh; u Sadok, u riewstad ka Hukum; bad u Pedaïah, u Lebi. U Hanan, u khun jong u Sakkur bad u ksiew jong u Mattanaïah, u long u nongïarap jong ki. Nga tip nga lah ban shaniah ïa kine ki rangbah ban lehhok ha kaba sam ïa ki mar sha ki para ba-ïatrei lang.

KA BAIBL

¹³ Bad nga la buh ïa ki nongsumar jingkynshew halor ki jaka jingkynshew, u Shelemiah lyngdoh, bad u Sadok nongthoh, bad na ki Lebi, u Pedaïah: bad uba bud ïa ki, u la long u Hanan, u khun u Sakkur, u khun u Mattaniah: namar ba la ñiew ïa ki kiba ïaineh, bad ka kam jong ki ka la long ban ïasam ha ki para jong ki.

NEHEMAÏAH 13:13 ပူးပေါင်းရင်းမြစ်များ

2 SYIEM 12:15

Ki rangbah kiba peit halor ka kam ki long kiba da khuid hok, te kim donkam ban hap ai jingkheiñ ïa ka jingmih.

2 SYIEM 12:16

Ïa ka pisa ba la ai na ka bynta ki jingainguh ba hap siew pat bad na ka bynta ki jingkñia pop ym shym thep ha ka synduk; ka dei ka jong ki lyngdoh.

2 SYIEM 22:7

Ki rangbah kiba peit halor ka kam ki long kiba da khuid hok, te kim donkam ban hap ai jingkheiñ ïa ka jingmih.”

NEHEMAÏAH 10:38

Ki lyngdoh kiba hiarpateng na u Aaron kin don bad ki Lebi ha ka por ba lum ïa kiba shiphew, bad na ka bynta ka jingpyndonkam ha ka Templ, ki Lebi kin rah sha ki kamra buh tiar ka Templ ïa kawei-na-kaba-shiphew na baroh kiba shiphew ba ki lum.

NEHEMAÏAH 11:22

U nongkhmih jong ki Lebi kiba shong basah ha Jerusalem u long u Ussi, u khun jong u Bani bad u ksiew jong u Hashabaïah. Ki kpa tymmen jong u ki kynthup ïa u Mattanaïah bad u Mika bad u long na ka kur u Asaph, ka kur kaba kitkhlieh na ka bynta ka put ka tem ha ki jingïaseng ha ka Templ.

NEHEMAÏAH 12:44

Ha kata ka por, la buh ïa ki rangbah ban khmih ïa ki kamra buh tiar ha kiba ïa ki jingai sngewbha na ka bynta ka Templ la buh, kynthup ïa kiba shiphew bad ïa u kew banyngkong bad u soh uba ih nyngkong man ka snem. Kine ki rangbah ki kitkhlieh na ka bynta ka jinglum na ki kper hajan ki nongbah ba bun, ïa ki jingai sngewbha na ka bynta ki lyngdoh bad ki Lebi, kiba ka Hukum ka dawa. Baroh ki briew ka Judah ki la sngewkmen ïa ki lyngdoh bad ki Lebi,

NEHEMAÏAH 3:30

U Hananaïah, u khun jong u Shelemaïah bad u Hanun, u khun bahynriew jong u Salaph, u tei ïa ka bynta kaba bud, ka jingtrei kaba ar jong ki. U Meshullam, u khun jong u Berekhaïah u tei ïa ka bynta kaba bud, kaba long ha khmat ka ïing jong u.

NEHEMAÏAH 7:2

Nga buh ar ngut ki rangbah ban peit ïa ka jingpynïaid ïa ka nongbah Jerusalem: u Hanani, uba shi para bad nga, bad ïa u Hananaïah, u rangbah shipai jong ka kut. U Hananaïah u long u briew ïa uba lah ban shaniah bad u briew uba sheptieng ïa U Blei, u bym don kum ma u.

NEHEMAÏAH 8:4

U Esra u ïeng ha ka jaka ba kham kynjang ba la shna da ka dieng ïa kaba la shna khnang na ka bynta kata ka por. Kine ki briew ki ïeng ha ka liang kamon jong u: U Mattithaïah, u Shema, u Anaïah, u Uriah, u Hilkaïah, bad u Maaseïah; bad kine pat ki ïeng ha ka liang kadiang jong u: u Pedaïah, u Mishael, u Malkhijah, u Hashum, u Hashbaddanah, u Sekharaïah bad u Meshullam.

LOUKAS 12:42

U Trai u la jubab, “Uei, te, uba long u shakri uba ïaineh bad uba stad? U long uta uba u kynrad jong u un buh ïa u ban khmih, ban pynïaid ïa ka longïing bad ai ha kiwei ki shakri ïa ka bhah jingbam jong ki ha ka por kaba dei.

KI KAM 4:35

bad ai ïa ka ha ki apostol; bad ïa ka pisa la ïasam ha uwei pa uwei kat kum ka jingdonkam jong u.

KI KAM 6:1

Hadien katto katne por, katba ka jingdon ki synran ka nang ïai kiew, la don ka jingïania hapdeng ki Jiw kiba kren Grik bad ki Jiw kiba kren ktien tynrai. Ki Jiw kiba kren Grik ki la kam ba ïa ki riewkynthei la leh klet ha ka jingsam pisa kaba man ka sngi.

KI KAM 6:3

Kumta te, ko hynmen ko para, to jied hynñiew ngut ki rangbah napdeng jong phi ïa kiba la ithuh ba ki long kiba dap da U Mynsiem Bakhuid bad ka jingstad, bad ngin buh ïa ki ban khmih ïa kane ka kam.

1 KORINTH 4:2

Kawei kaba donkam ïa kum uta u shakri ka long ba un long uba ïaineh ha u kynrad jong u.

1 TIMOTHI 1:12

Nga ai ïa ka jingnguh sha U Khrist Jisu uba U Trai jong ngi, uba la ai ha nga ïa ka jingkhlaiñ na ka bynta ka kam jong nga. Nga ainguh ïa u ba la ñiew ïa nga uba bit bad la thung ïa nga ban shakri ïa u, wat la ha ka por ba la leit noh nga la kren sniew ïa u bad pynshitom beiñ bad krenbeiñ ïa u.

1 TIMOTHI 3:10

Dei ban da tynjuh shuwa ïa ki, bad nangta, lada ki la biang, kin trei ïa ka kam.