NEHEMAÏAH 13:1 - Khasi CL Bible (BSI)

¹ Katba dang pule jam ïa ka Hukum u Moses ha u paidbah, ki poi ha ka bynta kaba ong ba ym dei ban shah ïa u nong Amon ne u nong Moab ban ïasnohlang bad ki briew jong U Blei.

KA BAIBL

¹ Ha kata ka sngi, ki la pule ha Ka Kitab u Moses ha kaba ïohsngew u paidbah; bad la shem ba la thoh ha ka, ba ym bit ïa u nong Ammon bad u nong Moab ban rung hapoh ka jingïaseng U Blei lano lano ruh;

NEHEMAÏAH 13:1 ပူးပေါင်းရင်းမြစ်များ

2 SYIEM 23:2

bad baroh lang ki leit sha ka Templ, ba la synran da ki lyngdoh bad ki nongïathuhlypa bad baroh kiwei pat ki briew, kiba riewspah bad baduk kumjuh. Ha khmat jong ki baroh, u syiem u pule jam baroh kawei ïa ka Kitab ka Jutang kaba la shem ha ka Templ.

NEHEMAÏAH 13:23

Ha kata ka por, nga shem ruh ba bun na ki rangbah Jiw ki la shongkurim ïa ki kynthei na Ashdod, Ammon, bad Moab.

NEHEMAÏAH 2:10

Hynrei u Sanballat, na ka shnong Beth Horon, bad u Tobiah, u rangbah synshar jong ka probins Ammon, ki la ïohsngew ba don mano mano ba la wan ban trei na ka bynta ka jingbha jong ki Israel, bad ki la bitar haduh katta katta.

NEHEMAÏAH 2:19

Haba u Sanballat, u Tobiah, bad u nong Arab uba kyrteng u Geshem ki la ïohsngew ïa kaei kaba ngi la thmu ban leh, ki rkhie ïa ngi bad ong, “Kaei kaba phi tharai phin leh? Hato phin ïaleh pyrshah ïa u patsha?”

NEHEMAÏAH 4:3

U Tobiah uba ïeng hangta hajan jong u, u ong shuh shuh, “Kaba kum kano ka kynroh ki lah ban tei? Wat u myrsiang u lah ban pynpra ïa ka!”

NEHEMAÏAH 8:2

Kumta u Esra u wanrah ïa ka sha ka jaka kaba u paidbah u la ïalumlang — ki rangbah, ki kynthei bad ki khynnah kiba la san kiba la lah ban sngewthuh.

NEHEMAÏAH 9:3

Kumba lai kynta, ïa ka Hukum jong U Trai U Blei jong ki, la pule ha ki, bad ha ki lai kynta kiba bud, ki phla ïa la ki pop bad mane ïa U Trai U Blei jong ki.

ISAÏAH 34:16

To wad ha ka kitab jong U Trai ïa ki jingthaw ba-im bad pule ïa kaei ba ka ong. Yn ym don tang kawei ruh na kine ki jingthaw ka ban jah noh, bad yn ym don tang kawei ruh ka ban ym don lok. U Trai u la hukum ba kan long kumta; ma u hi da lade un wallam lang ïa ki.

JEREMAÏAH 48:1

Kane ka dei kaei kaba U Trai Badonbor Baroh u ong shaphang ka Moab: “Isynei ïa ki briew jong ka Nebo — ïa ka shnong jong ki la pynjot! La kurup ïa ka Kiriathaim, ïa ka kut baskhem la pynpra, bad ïa ki briew jong ka la pynlehrain; ka burom jong ka Moab ka la jah noh.

AMOS 1:13

U Trai u ong, “Ki briew ka Ammon ki la ïai leh pop, bad na ka bynta kane ngan pynshitom da shisha ïa ki. Ha ki thma jong ki ban pynïoh bun ki jaka, ki la puid wat ïa ki kynthei kiba punkhun ha Gilead.

JINGKHEIÑ 22:5

Kumta u syiem Balak u la phah ïa ki nonglamktien ban ïakynduh ïa u Balaam u khun jong u Beor, uba don ha Pethor hajan ka wah Ïuphratis ha ka ri jong ki Amaw. Ki wallam sha u ïa kane ka khubor na u Balak, “Nga kwah ïa phi ban tip ba kawei ka jaitbynriew baroh kawei ka la wan na Ijipt; kita ki briew ki la saphriang kylleng bad ki thmu ban knieh ïa ka ri jong ngi.

LOUKAS 10:26

U Jisu u la jubab ïa u, “Aïu ki Jingthoh Bakhuid ki ong? Kumno me batai ïa ki?”

KI KAM 13:15

Hadien ka jingpule na ka Hukum u Moses bad na ki jingthoh jong ki nongïathuhlypa, ki rangbah synshar jong ka synagog ki la phah khubor sha ki: “Ko hynmen ko para, ngi kwah ïa phi ban kren ha u paidbah lada phi don ka khubor ai mynsiem na ka bynta jong ki.”

KI KAM 15:21

Naba ïa ka Hukum u Moses la pule la slem bah ha ki synagog man la ka sngi Sabbaton, bad ïa ki ktien jong u la ïalap ha man ki shnong.”