NEHEMAÏAH 11:1 - Khasi CL Bible (BSI)

¹ Ki nongïalam ki la shong la sah ha Jerusalem, bad kiba sah na ki briew, ki la kynting sbai ban jied kawei ka longïing na man ki shiphew tylli ki longïing ban leit shong leit sah ha ka nongbah bakhuid jong ka Jerusalem, katba kiwei pat kiba sah kin shong kin sah ha kiwei pat ki nongbah bad ki shnong.

KA BAIBL

¹ Bad ki rangbah u paidbah ki la shong sah ha Jerusalem: kiwei pat de na u paidbah ki la pynnoh ïa ki jingkhalai, ban wallam ïa uwei na shiphew ban shong duh ha Jerusalem ka nongbah bakhuid, bad ki khyndai bynta ha kiwei pat ki shnong.

NEHEMAÏAH 11:1 ပူးပေါင်းရင်းမြစ်များ

1 KHRONIKL 26:13

Kawei pa kawei ka longïing, la ka heh ne ka rit, ka kynting sbai ban tip ïa kano ka khyrdop ka kitkhlieh.

1 KHRONIKL 8:28

Kine ki dei ki kpa tymmen kiba long ki khlieh jong ki longïing kat kum ki pateng jong ki, bad ki dei ruh ki riewpawkhmat kiba shong basah ha Jerusalem.

1 KHRONIKL 9:1

Ïa baroh ki paid Israel la buh jingkheiñ kat kum ki longïing jong ki, bad ïa kane ka jingtip la buh jingthoh ha Ka Kitab jong ki Syiem ka Israel. Ïa ki paid Judah la pynryngkang par sha Babilon kum ka jingpynshitom ïa ki pop jong ki.

1 KHRONIKL 9:2

Kiba la wan phai nyngkong sha la ki jaka ha ki nongbah ki dei ki traishnong Israel, ki lyngdoh, ki Lebi, bad ki nongtrei ha ka Templ.

1 KHRONIKL 9:3

Ki paid na ki jait Judah, Benjamin, Ephraim, bad Manasseh ki leit shong leit sah ha Jerusalem.

NEHEMAÏAH 10:34

Ma ngi, ki paidbah, ki lyngdoh, ki Lebi, ngin kynting sbai man ka snem ban jied kino ki kur kin pynbiang ki dieng ban thang jingkñia ban ai sha U Trai U Blei jong ngi, kat kum ki jingdonkam ka Hukum.

NEHEMAÏAH 4:22

Ha kane ka por nga ong ïa ki rangbah kiba khmih ïa ka kam, ba ma ki bad ki nongïarap jong ki, ki hap ban sah ha Jerusalem ha ka por mynmiet, khnang ba ngi lah ban ap phira ïa ka nongbah mynmiet bad kumjuh ruh ban trei ha ka por mynsngi.

SALM 122:5

Hangne ki syiem jong ki Israel ki shong ban bishar ïa la ki briew.

SALM 122:6

To duwai na ka bynta ka jingsuk jong ka Jerusalem; “Ai ba kito kiba ieit ïa pha kin manbha.

PROBERB 16:33

Ki briew ki ïakynting sbai ban tip ïa ka mon U Blei, hynrei U Blei da lade hi u ai ïa ka jubab.

ISAÏAH 48:2

Bad pynban phi sngewsarong ban ong ba phi long ki nongshong shnong jong ka nongbah bakhuid bad ba phi shaniah ha U Blei ki Israel, uba ka kyrteng jong u ka long U Trai Badonbor Baroh.

ISAÏAH 52:1

Ko Jerusalem, to long khlaiñ bad long khraw biang! Ko nongbah Bakhuid jong U Blei, to kup ïa lade da ka burom! Kiba mane blei thala kin ym ïohrung shuh da lei lei lyngba ki khyrdop jong pha.

MATHAÏOS 27:53

Ki la iehnoh ïa ki jingtep bad hadien ba U Jisu u la mihpat na ka jingïap, ki la leit rung sha ka Nongbah Bakhuid, ha kaba shibun ki briew ki la ïohi ïa ki.

MATHAÏOS 4:5

Nangta u Soitan u la ïalam ïa U Jisu sha Jerusalem, ka Nongbah Bakhuid, bad u la buh ïa U ha ka kliar kaba jrong tam jong ka Templ,

KI KAM 1:24

Nangta ki la duwai, “A Trai, me tip ïa ki jingpyrkhat jong uwei pa uwei, kumta pyn-i ha ngi uno na kine ar ngut uba me la jied

KI KAM 1:26

Nangta ki la ïakynting sbai ban jied napdeng ki ar ngut ki rangbah, bad uta uba la jied u la long u Matthias, ïa uba la pynïasoh sha ka kynhun ki khatwei ngut ki apostol.

JOSHUA 18:10

U Joshua u la kynting sbai ban ïakren bad U Trai na ka bynta jong ki, bad u la ai ha kawei pa kawei na ki jait kiba sah jong ki Israel shi bynta jong ka ri.