NEHEMAÏAH 10:29 - Khasi CL Bible (BSI)

²⁹ hangne ngi ïasnohlang bad ki nongïalam jong ngi ha ka jingbam-smai, hapoh ka jingpynshitom jong ka jingtim, lada ngi pynkheiñ ïa ka, ba ngin im kat kum ka Hukum U Blei, kaba U Blei u la ai lyngba u shakri jong u, u Moses; ba ngin kohnguh ïa baroh kaba U Trai, U Trai jong ngi, u hukum ïa ngi; bad ba ngin sumar ïa baroh ki hukum bad ki jingkwah jong u.

KA BAIBL

²⁹ ki la ïasnoh bad la ki para, la ki bakhraw batri, bad ki la rung ha ka jingïatang, bad ha ka jingsmai, ban ïaid ha Ka Hukum U Blei, ïa kaba u la ai ha u Moses u shakri U Blei, bad ban rakhe bad ban leh baroh ïa ki hukum U Trai, U Trai jong ngi, bad ki jingbishar jong u bad ki aiñ jong u;

NEHEMAÏAH 10:29 ပူးပေါင်းရင်းမြစ်များ

2 SYIEM 10:31

Hynrei u Jehu um shym la kohnguh da ka dohnud baroh ïa ka aiñ jong U Trai, U Blei ki Israel; pynban u la bud ïa ka jingleh jong u Jeroboam, uba la ïalam ïa ki Israel ban leh pop.

2 SYIEM 23:3

U ïeng ha ka jaka ïeng jong ki syiem, bad pynlong ka jutang bad U Trai ban kohnguh ïa u, ban sumar ïa ki Aiñ bad ki hukum jong u, da ka dohnud bad mynsiem jong u baroh bad ban leh ïa ki jingdawa kiba ïadei bad ka jutang kumba la thoh ha ka Kitab. Bad baroh ki briew ki kular ban bat ïa ka jutang.

1 KHRONIKL 9:2

Kiba la wan phai nyngkong sha la ki jaka ha ki nongbah ki dei ki traishnong Israel, ki lyngdoh, ki Lebi, bad ki nongtrei ha ka Templ.

2 KHRONIKL 34:31

U ïeng hajan ka jaka ïeng ki syiem bad u pynlong ka jutang bad U Trai ban kohnguh ïa u, ban sumar ïa ki aiñ bad ki hukum jong u da la ka dohnud bad mynsiem baroh, bad ban pyntreikam ïa ki jingdawa ba ïasoh bad ka jutang, kumba la thoh ha ka kitab.

2 KHRONIKL 6:16

Mynta, A Trai, U Blei ki Israel, to men bat ruh ïa ka kular kaba me la pynlong ha u kpa jong nga mynba me ong ïa u ba yn don borabor uwei na ki khun ki ksiew jong u, u ban synshar kum u syiem ka Israel, tang lada ki sumar bha ban kohnguh ïa ka Hukum jong me kumba u la leh.

NEHEMAÏAH 13:25

Nga la sneng ïa ki rangbah, nga la tim ïa ki, shoh ïa ki bad pajut ïa u shñiuh jong ki. Nangta nga la pynlong ïa ki ban smai ha ka kyrteng U Blei ba kim dei shuh ba ma ki ne ki khun jong ki kin shongkha khleh bad ki nongwei.

NEHEMAÏAH 7:46

Ki kur jong ki nongtrei ka Templ kiba wan phai na ka jingshah pynryngkang par: Siha, Hasupha, Tabbaoth, Keros, Sia, Padon, Lebana, Hagaba, Shalmai, Hanan, Giddel, Gahar, Reaïah, Resin, Nekoda, Gassam, Ussa, Paseah, Besai, Meunim, Nephushesim, Bakbuk, Hakupha, Harhur, Baslith, Mehida, Harsha, Barkos, Sisera, Temah, Nesaïah, bad Hatipha.

NEHEMAÏAH 8:2

Kumta u Esra u wanrah ïa ka sha ka jaka kaba u paidbah u la ïalumlang — ki rangbah, ki kynthei bad ki khynnah kiba la san kiba la lah ban sngewthuh.

NEHEMAÏAH 8:3

Hangta ha ka jaka basawdong hajan ka khyrdop u pule ïa ka Hukum ha ki naduh dang step phyrngab haduh shiteng sngi, bad baroh ki ïasngap bha.

NEHEMAÏAH 9:38

Namar baroh kata kaba la jia, ma ngi, ki Israel, hangne ngi pynlong ka jingïakut bakyntang da ka jingthoh, bad ki nongïalam jong ngi, ki Lebi jong ngi, bad ki lyngdoh jong ngi ki buh ïa ki jingshon muhor ha ka.

SALM 105:45

khnang ba ki briew jong u kin kohnguh ïa ki aiñ jong u bad ban bat ïa ki hukum jong u baroh. Ïaroh ïa U Trai!

SALM 119:106

Ngan bat ïa ka jingkular kyntang jong nga, ban kohnguh ïa ki jingbthah bahok jong me.

SALM 8:1

A Trai, U Trai jong ngi, ïa ka jingkhraw jong me la ïohi ha ka pyrthei baroh! Ka jingïaroh jong me ka kot haduh ki bneng;

SALM 8:9

A Trai, U Trai jong ngi, ïa ka jingkhraw jong me la ïohi ha ka pyrthei baroh!

ISAÏAH 14:1

U Trai sa shisien pat un sngewsynei ïa ki briew jong u ki Israel bad un jied ïa ki kum la ki jong. Un shah ïa ki ba kin shong kin sah ha la ka jong ka ri sa shisien pat, bad ki nongwei kin wan bad kin shong kin sah hangta bad ki.

JEREMAÏAH 26:4

U Trai u la bthah ïa nga ban ong ha ki briew, “Ma nga, U Trai, nga la ong ba phi dei ban kohnguh ïa nga da kaba bud ïa ka jinghikai kaba nga la ai ha phi,

JEREMAÏAH 34:15

Dang tang khyndiat sngi mynshuwa phi la kylla jingmut bad phi la leh ïa kaei kaba pynsngewbha ïa nga. Baroh na phi, phi la ïamynjur ban pyllaitluid noh ïa la ki para Israel, bad phi la pynlong ïa ka jutang ha ka jingdon ryngkat jong nga, ha ka Templ ha kaba la mane ïa nga.

ESEKIEL 36:27

Ngan buh ïa U Mynsiem jong nga hapoh jong phi bad ngan peit ba phi bud ïa ki aiñ jong nga bad sumar ïa ki hukum jong nga kiba nga la ai ha phi.

LEBITIKOS 20:26

Phi dei ban long kiba khuid ïa nga, namar nga long U Trai bad nga long uba khuid. Nga la pynkyrpang ïa phi na kiwei pat ki jaitbynriew ba phin long ki jong nga.

MALAKHI 4:4

“To kynmaw ïa ki jinghikai u Moses u shakri jong nga, ki aiñ bad ki hukum kiba nga la ai ha u ha u Lum Sinai na ka bynta ki paid Israel baroh ban kohnguh.

JINGKHEIÑ 5:21

to U Trai un ñiew ïa ka kyrteng jong pha kaba la tim hapdeng ki briew jong pha. To un pynstai ïa ka longkynthei jong pha bad pynsieb ïa ka kpoh jong pha.

ÏOANNIS 1:17

U Blei u la ai ïa ka hukum lyngba u Moses, hynrei ka jingaiei bad ka jingshisha ki la wan lyngba U Jisu Khrist.

ÏOANNIS 15:14

Bad phi long ki paralok jong nga lada phi leh ïa kaei kaba nga hukum ïa phi.

ÏOANNIS 7:19

U Moses u la ai ha phi ïa ka Hukum, hato ym dei kumta? Hynrei ym don uwei na phi uba kohnguh ïa ka Hukum. Balei ba phi pyrshang ban pynïap ïa nga?”

KI KAM 11:23

Haba u la poi bad u la ïohi kumno U Blei u la kyrkhu ïa ki briew, u la kmen bad u la kyntu ïa ki baroh ban ïaineh bad ban long kiba beit ha U Trai da ka dohnud jong ki baroh.

KI KAM 17:34

Katto katne ngut ki rangbah ki la ïasoh bad u, napdeng jong ki, u dei u Dionysius, u dkhot jong ka dorbar; la don ruh ka briew kaba kyrteng ka Damaris, bad kiwei pat ki briew.

KI KAM 23:21

Hynrei wat shahshkor ïa ki, namar don palat sawphew ngut ki briew ki ban rieh bad apthap ïa u. Ki la shim smai ban ym bam lane dih tad ynda ki la pynïap ïa u. Ki la khreh mynta ban leh ïa kata bad ki ap ïa ka rai jong me.”

Ka Shithi U Paul Sha Ki Nong Rom 12:9

Ka jingieit ka dei ban long kaba sngur. To isih ïa kaei kaba sniew, to batskhem ïa kaei kaba bha.

DEUTERONOMI 33:4

Ngi kohnguh ïa ka Aiñ ba u Moses u ai ha ngi, ka spah kordor tam jong ka jaitbynriew jong ngi.

DEUTERONOMI 5:1

U Moses u khot lang ïa ki Israel baroh bad u ong ha ki, “Ko phi ki Israel, shahshkor ïa ki hukum baroh ïa kiba ngan ai ha phi mynta ka sngi. Pule ïa ki bad pynthikna ba phi kohnguh ïa ki.

DEUTERONOMI 5:32

“Ko phi ki Israel, wat pep ban leh ïa kaei kaei baroh kaba U Trai U Blei jong phi u la hukum ïa phi. Wat pynkheiñ ïa kawei ruh na ki aiñ jong u.