NEHEMAÏAH 1:9 - Khasi CL Bible (BSI)

⁹ Hynrei lada phi phai pat sha nga bad leh ïa kaei kaba nga hukum ïa phi, ngan wallam pat ïa phi sha ka jaka sha kaba nga la jied ban mane ïa nga, wat la ïa phi la pynsakma sha kiba kut ka pyrthei.’

KA BAIBL

⁹ hynrei, lada phin phai sha nga, bad phin sumar ïa ki hukum jong nga bad leh ïa ki, la kiba la beh noh na phi ki don ha ka bakut ka bneng, pynban, ngan ïalum ïa ki nangta, bad ngan wallam ïa ki ha kata ka jaka kaba nga la jied ban sah ka kyrteng jong nga ha ka.’

NEHEMAÏAH 1:9 ပူးပေါင်းရင်းမြစ်များ

1 SYIEM 8:48

Lada ha kata ka ri ki kylla-kaba-mut da kaba shisha bad kaba sngur mynsiem, bad ki duwai ha me da kaba phai khmat sha kane ka ri kaba me la ai ha ki kpa tymmen jong ngi, sha kane ka nongbah kaba me la jied, bad sha kane ka Templ ïa kaba nga la tei na ka bynta jong me, to shahshkor ïa ki jingduwai jong ki.

1 SYIEM 9:3

U Trai u ong ha u, “Nga la shahshkor ïa ka jingduwai bad jingkyrpad rit jong me. Nga la pynkyntang ïa kane ka ïing kaba me la tei kum ka jaka ha kaba yn mane ïa nga junom. Ngan peit ïa ka bad ngan don hangta borabor.

1 KHRONIKL 16:35

To ong ha u, “Pynim ïa ngi, A Blei U Nongpynim jong ngi; lumlang ïa ngi baroh; pyllait ïa ngi na ki jaitbynriew, khnang ba ngin sngewnguh bad ïaroh ïa ka kyrteng bakhuid jong me.”

ESRA 6:12

To U Blei uba la jied ïa ka Jerusalem kum ka jaka ba yn mane ïa u, un pynjot noh ïa uno uno u syiem lane ka hima kaba ïaleh pyrshah ïa kane ka hukum bad uba pyrshang ban pynjot ïa ka Templ hangta. Ma nga, u Darius, nga la ai ïa kane ka hukum. Dei ban kohnguh lut ïa ka.”

SALM 106:47

To pynim ïa ngi, A Trai, U Blei jong ngi, bad wallam pat ïa ngi napdeng ki jaitbynriew, ba ngi lah ban sngewnguh bad ïaroh ïa ka kyrteng bakhuid jong me.

SALM 107:3

U la pyllait im ïa phi na ki nongshun jong phi bad u la wallam pat ïa phi na ki ri nongwei, na mihngi bad sepngi, na shatei bad shathie.

SALM 147:2

U Trai u tei pat ïa ka Jerusalem; u wallam pat ïa kiba la shah ringmraw.

ISAÏAH 11:12

U Trai un kyntiew ïa ka lama ai dak ban pyn-i ïa ki jaitbynriew ba u lumlang sa shisien ïa ki briew jong ka Israel bad Judah kiba la shah pynsaphriang bad u wallam pat ïa ki na ki sawdong jong ka pyrthei.

ISAÏAH 27:12

Ha kata ka sngi, na Ïuphratis shaduh u pud ka ri Ijipt, U Trai un ïalum ïa uwei pa uwei na ki briew jong u, kum uba pynkhlad ïa u kew na u stait.

ISAÏAH 56:8

U Trai Nongsynshar, uba la wallam pat ïa ki paid Israel sha ïing na ka ri ka jinglongmraw, u la kular ba un sa wallam ïa kiwei pat ki briew ban ïasoh lang bad ki.

JEREMAÏAH 12:15

Hynrei hadien ba nga la shim noh ïa ki, ngan don jingisynei halor jong ki; ngan wallam pat ïa kawei pa kawei ka jaitbynriew sha ka ri jong ka bad sha ka shnong jong ka.

JEREMAÏAH 3:14

“Ko ki briew bymïaineh, to wan noh; phi long ki jong nga. Ngan shim iwei na phi na kawei kawei ka shnong bad ar ngut na kawei kawei ka kur, bad ngan wallam pat ïa phi sha u lum Seïon.

JEREMAÏAH 31:10

U Trai u ong, “Ko ki jaitbynriew, to shahshkor ïa nga, bad to pynbna ïa ki ktien jong nga shaduh ki rud duriaw kiba jngai. Nga la pynsakma ïa ki briew jong nga, hynrei ngan lumlang ïa ki bad ïada ïa ki kumba u nongaplangbrot u ïada ïa la ka kynhun langbrot.

JEREMAÏAH 32:37

Ngan sa lumlang ïa ki briew na baroh ki ri na kiba nga la pynsakma ïa ki ha ka jingbitar bad ka jingbitar shla jong nga, bad ngan wallam pat ïa ki sha kane ka jaka bad shah ïa ki ban shong ban sah hangne ha ka jingshngain.

JEREMAÏAH 6:22

U Trai u ong, “Ki briew ki wan na ka ri ha ka phang bashatei; ka jaitbynriew kaba khrawbor na sha jngai bah ka pynkhreh ïa ka thma.

ESEKIEL 14:6

“Mynta te, to ïathuh ïa ki Israel ïa kaei kaba ma nga, U Trai Nongsynshar nga ong: To phai noh bad ieh ïa ki bleithaw ba-ijli jong phi.

ESEKIEL 36:24

Ngan shim noh ïa phi na man la ka jaitbynriew bad ka ri bad ngan wallam pat ïa phi sha la ka ri.

LEBITIKOS 26:3

“Lada phi im kat kum ki aiñ jong nga, bad kohnguh ïa ki hukum jong nga,

SEKHARAÏAH 8:7

Ngan pyllait im ïa ki briew jong nga na ki ri sha kiba la shim noh ïa ki,

MATHAÏOS 24:31

Ka turoi bakhraw kan sawa, bad un phah ïa ki angel jong u sha ki sawlyer jong ka pyrthei, ban kin lumlang ïa ki briew kiba la jied jong u na kawei ka tduh jong ka pyrthei sha kawei pat.

DEUTERONOMI 12:21

Lada kata ka jaka mane Blei ka jngai eh, phi lah, ha kano kano ka por ba phi kwah, ban pynïap ïa kano kano ka masi lane ka blang ba U Trai u la ai ha phi, bad bam ïa ka doh jong ka ha la ïing, kumba nga la hukum ïa phi.

DEUTERONOMI 12:5

Na ka ri ki jait jong phi baroh, U Trai un jied tang kawei ka jaka sha kaba phi dei ban wan mane ïa u.

DEUTERONOMI 30:1

“Mynta nga la ai ba phin jied napdeng ka jingkyrkhu bad ka jingtim. Ynda kine kiei kiei baroh ki la wan jia ha phi, bad phi shong hapdeng ki jaitbynriew sha kiba U Trai U Blei jong phi u la pynsakma ïa phi, phin sa kynmaw ïa ka jingjied ba nga la ai ha phi.