NEHEMAÏAH 1:7 - Khasi CL Bible (BSI)

⁷ Ngi la leh bymman pyrshah ïa me bad ngim shym la leh ïa kaei kaba me la hukum. Ngim shym la sumar ïa ki hukum kiba me la ai ha ngi lyngba u Moses, u shakri jong me.

KA BAIBL

⁷ Ngi la leh sniew eh pyrshah ïa me, bad ngim shym la sumar ïa ki hukum, lymne ïa ki aiñ, lymne ïa ki jingbishar, ïa kiba me la hukum ha u Moses u shakri jong me.

NEHEMAÏAH 1:7 ပူးပေါင်းရင်းမြစ်များ

1 SYIEM 2:3

Kohnguh ïa ki aiñ bad ki hukum jong u baroh, kumba la thoh ha ka Aiñ u Moses, khnang ba haba me leit shano shano me lah ban manbha ha kaei kaei kaba me leh.

2 KHRONIKL 25:4

Pynban um shym la pynïap ïa ki khun ki kti jong ki, hynrei u la bud ïa kaei kaba U Trai u la hukum ha Ka Hukum u Moses: “Ïa ki kmie ki kpa ym dei ban pynïap namar ki kam sniew ba la leh da ki khun jong ki, bad ïa ki khun ym dei ban pynïap namar ki kam sniew ba la leh da ki kmie ki kpa jong ki; ïa u briew dei ban pynïap tang namar ka kam sniew kaba ma u hi u la leh.”

2 KHRONIKL 27:2

U la leh ïa kaei kaba pynsngewbha ïa U Trai, kumba u kpa jong u, u la leh; hynrei, ym kum u kpa jong u, um shym la leh pop da kaba thang jingiwbih ha ka Templ. Ki briew pynban, ki dang ïai leh pop.

ESRA 7:6

U Esra u long u riewstad uba don ka jingtip bajylliew ïa ka Hukum kaba U Trai U Blei ki Israel u la ai ha u Moses. Namar ba u Esra u don ïa ka jingkyrkhu U Trai U Blei jong u, u patsha u ai kat ïa kaba u pan. Ha ka snem kaba hynñiew jong ka jingsynshar u Artakserksis, u Esra u la mih na Babilonia ban leit sha Jerusalem ryngkat bad shi kynhun ki Israel kiba kynthup ïa ki lyngdoh, ki Lebi, ki nongput nongtem ka Templ, ki nongap phira ka Templ bad ki nongtrei.

SALM 106:6

Ngi la leh pop kumba ki kpa tymmen jong ngi ki la leh; ngi la long bymman bad sniew.

SALM 89:31

lada kim suidñiew ïa ki jinghikai jong nga bad kim sumar ïa ki hukum jong nga,

SALM 89:32

Te ngan pynshitom ïa ki na ka bynta ki pop jong ki, ngan pynlong ïa ki ban jynjar na ka bynta ki jingbakla jong ki.

ISAÏAH 1:4

Phi long ba la tim, phi ka jaitbynriew bapop, phi ki riew jakhlia bad bymman! Ki pop jong phi ki tan ïa phi sha trai. Phi la kyntait ïa U Trai, U Blei bakhuid jong ki Israel, bad phi la pynphai ïa la ki ingdong sha u.

DANIEL 9:11

Ki Israel baroh ki la pynkheiñ ïa ki aiñ jong me bad ki kyntait ban shahshkor ïa kaei kaba me la ong. Ngi la leh pop pyrshah ïa me, bad kumta me la wallam ha ngi ïa ki jingtim kiba la thoh ha Ka Aiñ u Moses, u shakri jong me.

DANIEL 9:13

da kaba ai ha ngi ïa baroh ki jingpynshitom kiba la batai ha ka Aiñ jong u Moses. Hynrei wat mynta, A Trai U Blei jong ngi, ngim shym la pyrshang ban pynsngewbha ïa me da kaba phai noh na ki pop jong ngi lane da kaba bud ïa ka jingshisha jong me.

HOSIA 9:9

Ki la long sniew khlem jingkyrmen ha kaei kaei kaba ki leh, kumba ki la long ha Gibeah. U Blei un kynmaw ïa ka pop jong ki, bad un pynshitom ïa ki na ka bynta kata.

LEBITIKOS 27:34

Kine ki long ki hukum ba U Trai u la ai ha u Moses ha u Lum Sinai na ka bynta ki paid Israel.

SEPHANAÏAH 3:7

Nga la pyrkhat ba kumta ki briew jong nga kin da la ñiewkor ïa nga bad pdiang ïa ka jingsneng pynbeit jong nga, ba kin ym da la klet ïa ka jinghikai kaba nga la hikai ïa ki. Hynrei shen shen ki la leh bymman kumba ki ju leh.

MALAKHI 4:4

“To kynmaw ïa ki jinghikai u Moses u shakri jong nga, ki aiñ bad ki hukum kiba nga la ai ha u ha u Lum Sinai na ka bynta ki paid Israel baroh ban kohnguh.

DEUTERONOMI 4:1

Nangta u Moses u ong ha uta u paidbah, “Kohnguh ïa ki hukum baroh ïa kiba nga hikai ïa phi, te phin ïoh im bad phin ïohkynti ïa kata ka ri kaba U Trai U Blei ki kpa tymmen jong phi, u ai ha phi.

DEUTERONOMI 4:5

“Nga la hikai ïa phi ïa ki hukum, kumba U Trai U Blei jong nga u la hukum ïa nga. Sumar bad leh ïa ki ha kata ka ri sha kaba phin sa leit bad ïohkynti.

DEUTERONOMI 5:1

U Moses u khot lang ïa ki Israel baroh bad u ong ha ki, “Ko phi ki Israel, shahshkor ïa ki hukum baroh ïa kiba ngan ai ha phi mynta ka sngi. Pule ïa ki bad pynthikna ba phi kohnguh ïa ki.

DEUTERONOMI 6:1

“Kine ki long ki aiñ baroh ïa kiba U Trai U Blei jong phi u la hukum ïa nga ban hikai ïa phi. Sumar bad leh ïa ki ha kata ka ri sha kaba phin sa leit bad ïohkynti.

JINGPYNPAW 19:2

Ki jingbishar jong u ki long kiba shisha bad kiba hok! U la pynrem ïa ka nuti kaba pynpyut ïa ka khyndew da ki jingawria jong ka. U Blei u la pynshitom ïa ka namar ba ka la pynïap ïa ki shakri jong u.”