NEHEMAÏAH 1:6 - Khasi CL Bible (BSI)

⁶ Khmih ïa nga, ko Trai, bad to sngew ïa ka jingduwai jong nga, katba nga duwai mynsngi bad mynmiet na ka bynta ki shakri jong me, ki briew ka Israel. Nga phla ba ma ngi, ki briew ka Israel, ngi la leh pop. Ki kpa tymmen jong nga bad ma nga, ngi la leh pop.

KA BAIBL

⁶ ai ba ka shkor jong me kan shah mynta, bad ba ki khmat jong me kin peit, ba men sngap ïa ka jingduwai u shakri jong me, ïa kaba nga duwai ha khmat jong me ha kane ka por, mynsngi bad mynmiet, na ka bynta ki khun Israel ki shakri jong me, katba nga phla ïa ki pop ki khun Israel, ïa kiba ngi la leh pop ïa me: shisha, ma nga bad ka ïing u kpa jong nga ngi la leh pop.

NEHEMAÏAH 1:6 ပူးပေါင်းရင်းမြစ်များ

1 SYIEM 8:30

Shahshkor ïa ka jingkyrpad jong nga bad ki jingduwai jong ki briew jong me haba ki phai khmat sha kane ka jaka bad ki duwai. Na ka ïing jong me ha bneng to shahshkor ïa ngi bad to map ruh ïa ngi.

1 SYIEM 8:47

Lada jia ba ha kata ka ri ki kylla-kaba-mut bad ki duwai sha me, ki da phla haduh katno ki la long kiba pop bad kiba bymman, to sngap ïa ki jingduwai jong ki A Trai.

2 KHRONIKL 28:10

Bad mynta phi thmu sa ban pynlong ïa ki shynrang bad kynthei jong ka Jerusalem bad Judah ki mraw jong phi. Hato phim tip ba phi ruh phi la leh pop pyrshah ïa U Trai, U Blei jong phi?

2 KHRONIKL 29:6

Ki kpa tymmen jong ngi kim shym la ïaineh bad U Trai U Blei jong ngi, bad ki la leh ïa kata kaba pynsngewsih ïa u. Ki la iehnoh ïa u, bad ki la phai dien noh na kata ka jaka ha kaba u shong.

2 KHRONIKL 6:40

“Mynta, Ko Blei jong nga, khmih ïa ngi, bad shahshkor ïa ki jingduwai kiba ngi buh ha kane ka jaka.

ESRA 10:1

Katba u Esra u dang dem ha ka jingduwai ha khmat ka Templ, da kaba ïam bad phla ïa kine ki pop, shi kynhun bah ki Israel — ki rangbah, ki kynthei bad ki khynnah — ki ïalum sawdong ïa u, ki da ïam pait dohnud.

ESRA 10:11

Mynta, to phla ïa ki pop jong phi ha U Trai, U Blei jong ki kpa tymmen jong phi, bad to leh ïa kaei kaba pynsngewbha ïa u. Pynkyrpang ïa lade na ki nongwei kiba shong ha ka ri jong ngi bad pyllait noh ïa ki tnga nongwei jong phi.”

NEHEMAÏAH 1:11

To shahshkor mynta ïa ka jingduwai jong nga bad ïa ki jingduwai jong baroh kiwei pat ki shakri jong me kiba kwah ban ai ïa me ka burom. Ai ïa ka jingjop mynta ka sngi bad pynlong ba u patsha un leh-isynei ïa nga.” Ha kita ki sngi nga la long u nongrah waiñ jong u patsha.

SALM 102:17

Un sngew ïa ki briew jong u ïa kiba la iehnoh bad un shahshkor ïa ka jingduwai jong ki.

SALM 106:6

Ngi la leh pop kumba ki kpa tymmen jong ngi ki la leh; ngi la long bymman bad sniew.

SALM 130:2

To sngew ïa ka jingkyang jong nga, A Trai; A to shahshkor ïa ka jingkhot kyrpad jong nga ban ïoh jingïarap!

SALM 32:5

Te nga la phla ïa la ki pop ha me, ngam shym la buhrieh ïa la ki jingleh bymdei, nga la kut jingmut ban phla ïa ki ha me bad me la map ïa ki pop jong nga baroh.

SALM 34:15

U Trai u khmih sumar ïa kiba hok, bad u shahshkor ïa ki jingïam jong ki;

SALM 55:17

Mynstep, shiteng sngi bad mynmiet ki jingkhñium jong nga bad ki jingud ki kiew sha u, bad un ïohsngew ïa ka sur jong nga.

SALM 88:1

A Trai U Blei, u nongpynim jong nga, nga kyang baroh shi sngi, bad mynmiet nga wan ha khmat jong me.

ISAÏAH 6:5

Nga la ong, “Ym don jingkyrmen ïa nga! Nga long ba la tim namar kawei pa kawei ka kyntien kaba mih na ki rmiang shyntur jong nga ka long kaba pop, bad nga shong nga sah hapdeng ki briew kiba kawei pa kawei ka kyntien ka long kaba pop. Bad pynban, da la ki jong ki khmat nga la ïohi ïa U Syiem, U Trai Badonbor Baroh.”

SNGEWSYNEI 5:7

Ki kpa tymmen jong ngi ki la leh pop, hynrei mynta kim don shuh, bad ngi shahshitom na ka bynta ki pop jong ki.

DANIEL 9:15

“A Trai U Blei jong ngi, me la pyn-i ïa ka bor jong me da kaba wallam noh ïa ki briew jong me na ri Ijipt, bad ïa ka bor jong me la ïai kynmaw. Ngi la leh pop; ngi la leh bakla.

DANIEL 9:20

Nga la bteng ban duwai, da kaba phla ïa ki pop jong nga bad ïa ki pop jong ki briew jong nga ki Israel, bad da kaba ïasaid bad U Trai U Blei jong nga ban pynbha pat ïa ka Templ bakhuid jong u,

DANIEL 9:4

Nga la duwai ha U Trai U Blei jong nga bad nga la phla ïa ki pop jong ki briew jong nga. Nga la ong, “A Trai U Blei, me long uba khraw, bad ngi pyndonburom ïa me. Me long uba bat ïa la ka jutang bad me pyn-i ka jingieit baneh ïa kito kiba ieit ïa me bad leh ïa kaei kaba me hukum.

DANIEL 9:5

“Ngi la leh pop, ngi la long kiba sniew, ngi la leh bakla. Ngi la kyntait ïa kaei kaba me la hukum ïa ngi ban leh bad ngi la phai noh na kaei kaba me la pyn-i ha ngi ba ka long kaba dei.

DANIEL 9:8

Ki syiem jong ngi, ki nongsynshar jong ngi, bad ki kpa tymmen jong ngi ki la pynlehrain bad ki la leh pop pyrshah ïa me a Trai.

LOUKAS 18:7

Mynta, hato U Blei un ym bishar ha ka liang jong ki briew jong u kiba kyang sha u mynsngi bad mynmiet ban ïoh jingïarap? Hato un long uba suki ban ïarap ïa ki?

EPHESOS 2:3

Ha ka jingshisha, baroh na ngi, ngi la long kum ma ki bad ngi la im kat kum ki jingkwah ka doh jong ngi, da kaba leh ïa kano kano kaba ïahap kat kum ki jingkwah jong ki met bad ki jingmut jingpyrkhat jong ngi hi. Ha ka jinglong tynrai jong ngi, kumba long uwei pa uwei, la buh lypa ban shah pynshitom ha ka jingbitar U Blei.

1 TIMOTHI 5:5

Ka riewkynthei kaba long tang marwei, ka bym don mano mano ban sumar ïa ka, ka la buh ïa la ka jingkyrmen ha U Blei bad ka ïai duwai bad pan na u ïa ka jingïarap mynmiet bad mynsngi.

2 TIMOTHI 1:3

Nga ainguh ïa U Blei, ïa uba nga shakri da ka jingïatiplem bakhuid, kumba ki kpa tymmen jong nga ki la leh. Nga ainguh ïa u haba nga kynmaw ïa me borabor ha ki jingduwai jong nga mynmiet bad mynsngi.

1 ÏOANNIS 1:9

Hynrei lada ngi phla ïa ki pop jong ngi ha U Blei, un bat ïa la ka kular bad un leh ïa kaei kaba dei: Un map ïa ngi ïa ki pop jong ngi bad un pynkhuid ïa ngi na ki kam bymman baroh.

1 SAMUEL 15:11

“Nga sngewsih ba nga la pynlong syiem ïa u Saul; u la phai noh na nga bad um shym la kohnguh ïa ki hukum jong nga.” U Samuel u la bitar, bad baroh shi miet u la ïasaid tyngeh bad U Trai.