NEHEMAÏAH 1:4 - Khasi CL Bible (BSI)

⁴ Haba nga ïohsngew ïa kane baroh, nga shong bad nga ïam. Bun sngi nga la sngewsih bad ngam shym bam.

KA BAIBL

⁴ Te haba nga la ïohsngew ïa kine ki ktien, nga la shong khop bad nga la ïam, bad nga la sngewsih bun sngi, bad nga la shah jingit, bad nga la duwai ha khmat U Blei ka bneng,

NEHEMAÏAH 1:4 ပူးပေါင်းရင်းမြစ်များ

2 SAMUEL 12:16

U Dabid u la duwai ïa U Blei ba uta u khunlung un koit. Um treh bam ei ei, bad man ka miet u rung sha la ka kamra, bad u thiah ha madan baroh shi miet.

2 SYIEM 22:19

bad kylla-kaba-mut bad pynrit ïa lade ha khmat jong nga, kad ïa ki jaiñ jong phi bad ïam, haba phi ïohsngew kumno nga byrngem ban pynshitom ïa ka Jerusalem bad ki briew jong ka. Ngan pynlong ïa ka kaba ishyrkhei ban peit, ka jaka ha kaba ïa ka kyrteng jong ka, ki briew kin pyndonkam kum ka jingtim. Hynrei nga la ïohsngew ïa ka jingduwai jong phi,

2 KHRONIKL 6:13

(U Solomon u la shna ïa ka rynsan kaba da ka rnong bad u la buh ïa ka hapdeng ka phyllaw. Ka don 2.2 mitar sawdong ka jingheh, bad 1.3 mitar ka kynjang. U kiew ha kane ka rynsan, u dem khohsiew ba baroh kin ïohi ïa u, bad u rah ïa la ki kti sha bneng.)

ESRA 1:2

“Kane ka dei ka hukum u Syros, u patsha ka Persia. U Trai, U Blei jong ka Bneng, u la pynlong ïa nga u nongsynshar jong ka pyrthei baroh kawei bad u la ai ha nga ïa ka jingkitkhlieh ban tei ïa ka templ ïa u ha Jerusalem ha Judah.

ESRA 10:1

Katba u Esra u dang dem ha ka jingduwai ha khmat ka Templ, da kaba ïam bad phla ïa kine ki pop, shi kynhun bah ki Israel — ki rangbah, ki kynthei bad ki khynnah — ki ïalum sawdong ïa u, ki da ïam pait dohnud.

ESRA 9:3

Haba nga la ïohsngew ïa kane, nga kad ïa la ki jaiñ ha ka jingsngewsih, nga phut ïa la u shñiuh bad u 'ñiuhtmoh bad nga shong ba la bankhia da ka jingsngewsih.

ESRA 9:5

Haba ka por ka la poi na ka bynta ka jingkñia janmiet, nga ïeng na ka jaka ba nga shong sngewsih, bad nga dang phong ïa ki jaiñ ba la jot, nga dem khohsiew ha ka jingduwai bad nga pyiar ïa la ki kti sha U Trai U Blei jong nga.

NEHEMAÏAH 2:20

Nga jubab, “U Blei jong ka Bneng un ai jingjop ïa ngi. Ngi long ki shakri jong u, bad ngin sdang ïa ka jingtei. Hynrei phim don hok ïa kano kano ka jingdon ha Jerusalem, bad phim ïadon bynta ha ki riti ki dustur jong ka.”

NEHEMAÏAH 2:4

U patsha u kylli, “Kaei kaba me kwah?”

SALM 102:15

Ki jaitbynriew kin sheptieng ïa U Trai; baroh ki syiem jong ka pyrthei kin sheptieng ïa ka bor jong u.

SALM 136:26

To ainguh ïa U Blei jong ka bneng; ka jingieit jong u ka neh bymjukut.

SALM 137:1

Harud ki wah ka Babilon ngi la shong; hangta ngi ïam haba ngi kynmaw ïa ka Seïon.

DANIEL 10:2

Ha kata ka por, nga la ïambriew haduh lai taïew.

DANIEL 2:18

U la ong ïa ki ban duwai ha U Blei ka bneng na ka bynta ka jingisynei bad ban kyrpad ïa u ban batai ïa ka jingmaïan ha ki khnang ba kin ym shah pynïap lem bad kiwei pat ki nongai jingmut ha Babilon.

DANIEL 9:3

Bad nga la duwai jur ha U Trai U Blei, da kaba ïasaid bad u, da kaba shahjingit, da kaba phong ki jaiñ khain, bad da kaba shong ha u dpei.

JONAH 1:9

“Nga dei u Hebru,” u Jonah u la jubab. “Nga mane ïa U Trai, U Blei ka bneng, uba la thaw ïa ka khyndew bad ka duriaw.”

SEPHANAÏAH 3:18

kumba kmen ki briew ha ka Jingkhawai Niam.” U Trai u ong, “Nga la pynkut ïa ka jingbyrngem ïa ka jingtim bad weng noh ïa ka jinglehrain jong pha.

Ka Shithi U Paul Sha Ki Nong Rom 12:15

To ïakmen bad kito kiba kmen, to ïa-ïam bad kito kiba ïam.