NEHEMAÏAH 1:2 - Khasi CL Bible (BSI)

² U Hanani, uwei na kiba shi para bad nga, u wan poi na Judah ryngkat bad ka kynhun jong kiwei pat ki rangbah, bad nga kylli ïa ki shaphang ka Jerusalem bad shaphang ki para Jiw jong ngi kiba la leit phai na ka jingshah ringmraw ha Babilon.

KA BAIBL

² ba u Hanani, uwei na ki para jong nga, u la wan, ma u bad kiwei pat na Judah; bad nga la kylli ïa ki shaphang ki Jiw kiba la ïohlait, kiba la dang sah na ka jingpynwir, bad shaphang ka Jerusalem.

NEHEMAÏAH 1:2 ပူးပေါင်းရင်းမြစ်များ

JENESIS 14:10

Ka them ka la dap da ki thliew bsiang; bad haba ki syiem jong ka Sodom bad ka Gomorrah ki la pyrshang ban phet ïap na ka thma, ki la hap ha kita ki thliew; hynrei ki lai ngut kiwei pat ki syiem ki la phet ïap sha ki lumbah.

2 SYIEM 24:14

U Nebukhadnessar u la ring koidi ïa ki briew ka Jerusalem, ïa ki khun syiem shynrang baroh, bad baroh ki rangbah bapawkhmat, baroh lang shiphew hajar ngut. U la pynryngkang par ruh ïa baroh ki nongtrei kiba tbit, kynthup ïa ki bania, da kaba iehnoh shadien ha Judah tang ïa ki briew kiba duk tam eh.

2 SYIEM 25:12

Hynrei u la iehnoh ha Judah katto katne ki briew kiba duk tam eh, ki bym don ka jaka ka puta, bad u la pyntrei ïa ki ha ki bri sohwaiñ bad ha ki lyngkha.

ESRA 9:14

Nangta kumno ngi lah ban lyndet biang ïa ki hukum jong me bad shongkha khleh bad kine ki briew kiba sniew? Lada ngi leh kumta, ka jingbitar jong me kan long kaba khraw bad men pynjot khoit ïa ngi bad yn ym don mano mano na ngi u ban lait im.

NEHEMAÏAH 7:2

Nga buh ar ngut ki rangbah ban peit ïa ka jingpynïaid ïa ka nongbah Jerusalem: u Hanani, uba shi para bad nga, bad ïa u Hananaïah, u rangbah shipai jong ka kut. U Hananaïah u long u briew ïa uba lah ban shaniah bad u briew uba sheptieng ïa U Blei, u bym don kum ma u.

JEREMAÏAH 44:14

Yn ym don na ki briew jong ka Judah kiba la iehnoh shadien bad kiba la wan sha Ijipt ban shong ban sah kin lait phet ne lait ïap. Yn ym don uwei ruh na ki u ban leit phai sha Judah, sha kaba ki sliang ban shong ban sah sa shisien pat. Yn ym don ba ïoh wan phai lait noh katto katne ki nongphetwir.”

ESEKIEL 6:9

Hangta kin sa kynmaw ïa nga bad tip ba nga la pynshitom ïa ki bad pynlehrain ïa ki, namar ki dohnud bymngeit jong ki, ki la kylla dien na nga bad ki la jied ïa ki bleithaw ban ïa nga. Bad kin sa isih hi ïa lade namar ki kam ba-bymman bad bajahburom ba ki la leh.

ESEKIEL 7:16

Ki don ki ban phet ïap sha ki lumbah kumba ki lyngdkhur kiba sheptieng na ki jaka them. Baroh na ki kin ïam sngewsih namar ki pop jong ki.