NEHEMAÏAH 1:11 - Khasi CL Bible (BSI)

¹¹ To shahshkor mynta ïa ka jingduwai jong nga bad ïa ki jingduwai jong baroh kiwei pat ki shakri jong me kiba kwah ban ai ïa me ka burom. Ai ïa ka jingjop mynta ka sngi bad pynlong ba u patsha un leh-isynei ïa nga.” Ha kita ki sngi nga la long u nongrah waiñ jong u patsha.

KA BAIBL

¹¹ A Trai, nga kyrpad ïa me, to pynshah mynta ïa ka shkor jong me ha ka jingduwai u shakri jong me, bad ha ki jingduwai ki shakri jong me, kiba sngewbha ban sheptieng ïa ka kyrteng jong me; bad pynman bha, nga kyrpad ïa me, ïa la u shakri ha kane ka sngi, bad ai ka jingisynei ha u ha khmat une u briew.” Namar nga la long u nongrah khuri ïa u syiem.

NEHEMAÏAH 1:11 ပူးပေါင်းရင်းမြစ်များ

JENESIS 24:42

“Haba nga la wan sha ka pukri mynta ka sngi, nga la duwai, ‘A Trai, U Blei jong u kynrad jong nga u Abraham, sngewbha ai ka jingjop ha nga ha kaei ba nga leh.

JENESIS 32:11

Nga kyrpad ïa me ba men pyllait ïa nga na ka kti u Iso u hynmen jong nga. Nga sheptieng — sheptieng ba u wan ban ïaleh bad pynïap lut ïa ngi baroh, wat ïa ki kynthei bad ki khynnah ruh.

JENESIS 32:28

Uta u briew u ong, “Ka kyrteng jong me kam long shuh u Jakob. Me la ïaleh bad U Blei bad ki briew, bad me la jop ruh; kumta ka kyrteng jong me kan long noh u Israel.”

JENESIS 40:1

Katto katne por hadien kane, u nongrah khuri jong u syiem Ijipt bad u nongshet kpu rangbah jong u ki la pynbitar ïa u syiem.

JENESIS 40:2

U la bitar eh ïa ki,

JENESIS 40:21

U la buh biang ïa u nongrah khuri rangbah ha ka kyrdan kaba u bat mynshuwa, hynrei u la pynïap ïa u nongshet kpu rangbah.

JENESIS 40:23

Hynrei u nongrah khuri um shym la pyrkhat ei ei shaphang u Joseph — u la klet noh ïa kaei kaei baroh shaphang jong u.

JENESIS 41:9

Nangta u nongrah khuri u ong ha u syiem, “Nga dei ban phla mynta ba nga la leh bakla.

JENESIS 43:14

To U Blei Badonbor Baroh un pynlong ïa uta u briew ba un isynei ïa phi, khnang ba un pynphai sha phi ïa u hynmen u para jong phi, bad ïa u Benjamin de. Ïa nga shimet te, lada nga dei ban duh ïa la ki khun, ieh ngan mat duh ïa ki.”

2 KHRONIKL 6:40

“Mynta, Ko Blei jong nga, khmih ïa ngi, bad shahshkor ïa ki jingduwai kiba ngi buh ha kane ka jaka.

ESRA 1:1

Ha snem kaba nyngkong ba u Syros u long u patsha jong ka Persia, U Trai u la pynlong ïa kaei kaba u la ong lyngba u nongïathuhlypa Jeremaïah ba kan long shisha. U la pynkhih ïa u Syros ban pynmih ïa kane ka hukum bad phah ïa ka ha ka jingthoh ban pule jam ha baroh sawdong ka hima jong u:

ESRA 7:6

U Esra u long u riewstad uba don ka jingtip bajylliew ïa ka Hukum kaba U Trai U Blei ki Israel u la ai ha u Moses. Namar ba u Esra u don ïa ka jingkyrkhu U Trai U Blei jong u, u patsha u ai kat ïa kaba u pan. Ha ka snem kaba hynñiew jong ka jingsynshar u Artakserksis, u Esra u la mih na Babilonia ban leit sha Jerusalem ryngkat bad shi kynhun ki Israel kiba kynthup ïa ki lyngdoh, ki Lebi, ki nongput nongtem ka Templ, ki nongap phira ka Templ bad ki nongtrei.

NEHEMAÏAH 1:6

Khmih ïa nga, ko Trai, bad to sngew ïa ka jingduwai jong nga, katba nga duwai mynsngi bad mynmiet na ka bynta ki shakri jong me, ki briew ka Israel. Nga phla ba ma ngi, ki briew ka Israel, ngi la leh pop. Ki kpa tymmen jong nga bad ma nga, ngi la leh pop.

NEHEMAÏAH 2:1

Ha kawei ka sngi, saw bnai hadien, haba u patsha Artakserksis u dang shong bam, nga leit rah ïa ka waiñ sha u. Um pat ju ïohi ïa nga ba nga imat sngewsih mynshuwa,

NEHEMAÏAH 2:8

Nga kyrpad ruh ïa ka shithi sha u Asaph, u nongsumar ïa ki khlaw u syiem, da kaba bthah ïa u ban ai ïa nga ki dieng na ka bynta ki khyrdop ka kut kaba ïada ïa ka Templ, na ka bynta ki kynroh ka nongbah, bad na ka bynta ka ïing kaba ngan shong ngan sah. U patsha u la ai ïa nga ïa baroh kaba nga pan, namar U Blei u la long ryngkat bad nga.

SALM 106:46

U la pynlong ïa baroh ki nongbanbeiñ jong ki ban sngewsynei ïa ki.

SALM 130:2

To sngew ïa ka jingkyang jong nga, A Trai; A to shahshkor ïa ka jingkhot kyrpad jong nga ban ïoh jingïarap!

SALM 61:5

Me la ïohsngew ïa ki kular jong nga, A Blei, bad me la ai ha nga ïa kaei kaba dei ka jong kito kiba pyndonburom ïa me.

SALM 86:6

To shahshkor, A Trai, ïa ka jingduwai jong nga; to sngew ïa ki jingkyang jong nga ban ïoh jingïarap.

PROBERB 1:29

Phim ju sngew donkam ïa ka jingtip bad borabor phi kyntait ban kohnguh ïa U Trai.

PROBERB 21:1

U Trai u pynïaid ïa ka jingmut jong u syiem kham suk kumba u pynïaid ïa ka lynti ka wahduid.

JEREMAÏAH 42:12

Namar ba nga long uba dap da jingisynei, ngan pynlong ïa u ban isynei ïa phi bad un shah ba phin leit phai pat sha ïing. Ma nga, U Trai, nga la kren.’

MALAKHI 3:16

Te ki briew kiba sheptieng ïa U Trai ki la ïakren iwei ïa iwei pat, bad U Trai u shahshkor bad ïohsngew ïa kaei kaba ki ong. Ha khmat jong u, hangta la thoh ha ka kitab ka jingbuh jingthoh ïa kito kiba sheptieng ïa U Trai bad kiba ñiewkor ïa u.

HEBRU 13:18

To ïai duwai namar jong ngi. Ngi sngewskhem ba ngi don ka jingïatiplem kaba khuid, namar ngi kwah ban leh ïa kaba dei ha ki por baroh.