NAHUM 3:8 - Khasi CL Bible (BSI)

⁸ Ko Ninebeh, hato pha kham bha ban ïa ka Thebes, ka nongbah jong ka Ijipt? Ma ka ruh ka la don ka wah ban ïada ïa ka kum ka kynroh — Ka wah Nile ka la long kum ka jingker jong ka.

KA BAIBL

⁸ Hato pha kham bha ma pha ban ïa ka No-amon, kaba la ju don hapdeng ki wah, kaba ki um ki la don baroh sawdong ïa ka; kaba ka jingïada jong ka, ka la long ka duriaw, bad ka kynroh jong ka naduh ka duriaw?

NAHUM 3:8 ပူးပေါင်းရင်းမြစ်များ

JEREMAÏAH 25:19

Kane ka long ka thup kyrteng jong baroh kiwei pat kiba hap ban dih na ka khuri: u syiem ka Ijipt, ki rangbah synshar jong u, bad ki nongïalam; baroh ki nong Ijipt bad baroh ki nongwei ha Ijipt; baroh ki syiem jong ka ri Us; baroh ki syiem jong ki nongbah ki Philistia, ka Ashkelon, ka Gasa, ka Ekron, bad kaba sah na ka Ashdod; baroh ki briew jong ka Edom, Moab, bad Ammon; baroh ki syiem ka Tyros bad ka Sidon; baroh ki syiem jong ki ri ka rud duriaw Mediterranian; ki nongbah ka Dedan, ka Tema, bad ka Bus; baroh ki briew kiba ot lyngkot ïa u shñiuh jong ki; baroh ki syiem Arabia; baroh ki syiem jong ki jaitbynriew kiba shong ha ri shyiap; baroh ki syiem Simri, Elam bad ki syiem Media; baroh ki syiem kiba shaphang shatei, kiba jan bad kiba jngai, uwei hadien uwei pat. Kawei pa kawei ka jaitbynriew ha sla pyrthei ka dei ban dih na ka. Khatduh eh, u syiem ka Babilonia un dih na ka.

JEREMAÏAH 46:12

Ki jaitbynriew ki la ïohsngew shaphang ka jingshah lehrain jong pha; baroh ki la ïohsngew ïa ka jingïam jong pha. Uwei u shipai u ban halor uwei pat, bad baroh ar ngut ki kyllon ha madan.

ESEKIEL 29:15

ka hima batlot tam na baroh, bad kin ym ïoh synshar pat halor kiwei ki hima. Ngan pynlong ïa ki, ki bymlarkam haduh ba kin ym lah ban pynlong ïa kano kano ka hima ban pyndem ha ka mon jong ki.

AMOS 6:2

Khie leit bad khmih ïa ka nongbah Kalneh. Nangta ïai leit sha ka nongbah bakhraw ka Hamath bad leit hiar sha Gath, ka nongbah ki Philistia. Hato ki kham bha ma ki ban ïa ki hima jong ka Judah bad Israel? Hato ka ri jong ki ka kham heh ban ïa ka jong phi?