NAHUM 3:7 - Khasi CL Bible (BSI)

⁷ Baroh kiba ïohi ïa pha kin kynran dien. Kin ong, ‘Ka Ninebeh ka don ha ki jingjot! Mano ba don kano kano ka jingisynei ïa ka? Mano ba kwah ban pyntngen ïa ka?’ ”

KA BAIBL

⁷ Te kan long, ba baroh kat kiba khmih ïa pha kin phet noh na pha, bad kin ong, ‘Ïa ka Ninebeh la pynjot noh: uei u ban ïam sngewsih ïa ka? Nangno ngan wad ki nongpyntngen ïa pha?’ ”

NAHUM 3:7 ပူးပေါင်းရင်းမြစ်များ

ISAÏAH 51:19

Ka jingjot kaba ar shah ka la hap halor jong pha: ïa ka jaka jong pha la pynjot ha ka thma, bad ki briew jong pha ki la ïapthngan. Ym don uno uno uba pyn-i jingsngewlem ïa pha.

JEREMAÏAH 15:5

U Trai u ong, “Mano ban isynei ïa phi, ki briew jong ka Jerusalem, bad mano ban ïam sngewsih halor jong phi? Mano ban sangeh kham slem ban kylli phi long kumno?

JEREMAÏAH 50:18

Namar kane, ma nga U Trai Badonbor Baroh, U Blei ki Israel, ngan pynshitom ïa u syiem Nebukhadnessar bad ïa ka ri jong u, kumba nga la pynshitom ïa u patsha ka Assyria.

JEREMAÏAH 51:9

Ki nongwei kiba sah hangta ki ong, ‘Ngi la pyrshang ban ïarap ïa ka Babilonia, hynrei ka la dier palat. To ngin ieh ïa ka mynta bad ngin leit phai noh sha ïing. U Blei u la pynshitom ïa ka Babilonia da ka bor jong u baroh bad u la pynjot thiaw ïa ka.’ ”

SNGEWSYNEI 2:13

Ko Jerusalem, ko Jerusalem ba-ieit, kaei pat ngan ong? Kumno ngan pyntngen ïa pha? Ym don mano mano ba la ju shahshitom kum kane. Ka jingjot jong pha ka long ka bym don pud kum ka duriaw-bah; ym don shuh kano kano ka jingkyrmen kaba lah ban long.

NAHUM 1:1

Kane ka long ka khubor shaphang ka Ninebeh, ka jingïathuh shaphang ka jingïohipaw kaba la ïohi da u Nahum, uba dei na Elkosh.

SEPHANAÏAH 2:13

U Trai un pyndonkam ïa ka bor jong u ban pynjot ïa ka Assyria. Un pynlong ïa ka nongbah Ninebeh ka jingjot ba la shah iehnoh, ka ri shyiap bym don um.

JINGKHEIÑ 16:34

Baroh ki Israel kiba don hangta ki la phet ïap haba ki ïohsngew ïa ka jinglynñiar jong ki. Ki la ïa-pyrta, “Phet, Ka khyndew ka lah ban nguid ïa ngi ruh!”

JINGPYNPAW 18:10

Kin ïeng jngai bah na ka, namar ba ki sheptieng ban ïoh bynta ha ki jingshitom jong ka. Ki ong, “Katno kaba ishyrkhei! Katno kaba itriem! Kane ka nongbah Babilon kaba khraw bad kaba khlaiñbor! Tang hapoh shi kynta pha la shah pynshitom!”