NAHUM 3:5 - Khasi CL Bible (BSI)

⁵ U Trai Badonbor Baroh u ong, “Ngan pynshitom ïa pha, ko Ninebeh! ngan sloit lyngkhuit ïa pha bad ngan shah ïa ki jaitbynriew ban ïohi ïa pha, ban ïohi ïa pha ha ka jinglehrain jong pha baroh.

KA BAIBL

⁵ “Ha khmih, nga long pyrshah ïa pha,” ong U Trai ki paid, “bad ngan khyndied ïa ki rmiang jaiñ jong pha halor ka khmat jong pha; bad ngan pyni ha ki jaid bynriew ïa ka jinglyngkhuit jong pha, bad ïa ki jinglehrain jong pha ha ki hima.

NAHUM 3:5 ပူးပေါင်းရင်းမြစ်များ

JEREMAÏAH 13:22

Lada pha kylli balei kane baroh ka la jia ha pha — balei ba ki jaiñ jong pha ki la kad noh bad pha la shah batbor — ka dei namar ba ka pop jong pha ka long kaba shyrkhei.

JEREMAÏAH 13:26

U Trai hi un sloit ïa ki jaiñ jong pha bad un pynpaw ïa pha ha ka jinglehrain.

JEREMAÏAH 50:31

“Ko Babilonia, pha la dap da ka jingsarong, te ma nga, U Trai Nongsynshar Badonbor Baroh, nga long pyrshah ïa pha! Ka por ka la poi ïa nga ban pynshitom ïa pha.

ESEKIEL 16:37

Namar kane ngan wallam lang ïa baroh ki nongleh-ieit jong pha kiba mynshuwa — kito kiba pha la sngewtynnat bad kito kiba pha la isih. Ngan wallam ïa ki sawdong jong pha ha ka jylli, bad nangta ngan law ïa ki jaiñ jong pha bad shah ïa ki ban ïohi ba pha lyngkhuit.

ESEKIEL 21:3

Ba ma nga, U Trai, nga ong: Nga long u nongshun jong phi. Ngan sei ïa ka waitlam jong nga bad ngan pynïap ïa phi baroh, kiba bha bad kiba sniew kumjuh.

ESEKIEL 23:25

Namar ba nga bitar ïa pha, ngan shah ïa ki ban leh ïa pha ha ka jingbitar jong ki. Kin ot ïa ka khmut jong pha bad ïa ki shkor jong pha bad kin pynïap ïa ki khun jong pha. Ho-oid, kin shim ïa ki khun shynrang bad khun kynthei na pha bad kin thang im ïa ki.

ESEKIEL 23:29

Bad namar ba ki isih ïa pha, kin shim noh ïa kiei kiei baroh kiba pha la trei na ka bynta kita bad kin ieh lyngkhuit bad thad ïa pha kum ka nuti. Ka jingkwah brai bad ka jingleh nuti jong pha ki la wanrah ïa kane ha pha.

ESEKIEL 26:3

“Mynta te, kane ka long kaei kaba ma nga, U Trai Nongsynshar, nga ong: Nga long u nongshun jong pha, ko nongbah Tyros. Ngan wallam ïa kiba bun ki jaitbynriew ban tur ïaleh ïa pha, bad kin wan kum ki jingat phyllung jong ka duriaw.

MIKAH 1:11

Phi ki briew ka Shaphir, leit shah ringmraw, ha ka jinglyngkhuit bad jinglehrain. Kito kiba shong ha Saanan kim nud ban mih shabar na ka nongbah jong ki. Haba phi ïohsngew ïa ki briew jong ka Bethesel ki ïambriew, phin tip ba ym don jakarieh hangta.

NAHUM 2:13

“Nga long u nongshun jong pha!” ong U Trai Badonbor Baroh. “Ngan thang ïa ki kali ïapom jong pha. Ïa ki shipai jong pha yn pynïap ha ka thma, bad ngan shim lut ïa kiei kiei baroh kiba pha la shim na kiwei. Ïa ka jingdawa jong ki nongsynran jong pha yn ym ïohsngew shuh.”

HABAKKUK 2:16

Markylliang yn tap ïa phi da ka jinglehrain ha ka jaka ka burom. Phi ruh phin ïadih bad ïaid sheng sheng. U Trai un pynlong ïa phi ban dih na la ka khuri jong ka jingpynshitom, bad ka burom jong phi kan kylla sha ka jingjahburom.