NAHUM 3:11 - Khasi CL Bible (BSI)

¹¹ Ko Ninebeh, pha ruh phan hap ha ka jingbuaid bymtip briew! Pha ruh phan pyrshang ban lait phet na ki nongshun jong pha.

KA BAIBL

¹¹ Pha ruh phan buaid, yn buhrieh ïa pha; pha ruh phan wad ka kut baskhem namar u nongshun.

NAHUM 3:11 ပူးပေါင်းရင်းမြစ်များ

SALM 75:8

U Trai u bat ïa ka khuri ha ka kti jong u, la pyndap ïa ka da ka waiñ kaba khor jong ka jingbitar jong u. U theh noh ïa ka, bad baroh ki bymman ki dih ïa ka; ki dih ïa ka ha ban da lut.

ISAÏAH 2:10

Kin rieh ha ki krem ha ki mawsiang lum lane tih ki thliew ha khyndew ban pyrshang ban lait na ka jingbitar U Trai bad ban rieh na ka bor bad ka burom jong u!

ISAÏAH 2:19

Ki briew kin rieh ha ki krem ha mawsiang lum lane tih thliew ha khyndew ban pyrshang ban lait na ka jingbitar jong U Trai bad ban rieh na ka bor bad ka burom jong u, haba u wan ban pynkhynñiuh ïa ka pyrthei.

ISAÏAH 29:9

To long uba mutlop! To long uba matlah! To long uba buaid khlem kano kano ka waiñ! To ïaid sheng sheng khlem dih wat tang shi jaw!

ISAÏAH 49:26

Ngan pynlong ïa kiba banbeiñ ïa pha ban ïa-pynïap para ma ki; kin shu buaid ha kaba pynïap briew bad ha ka jingbitar. Nangta u bynriew baroh un tip ba nga long U Trai, uta uba pynim ïa pha bad uba pyllaitluid ïa pha. Kin tip ba nga long U Blei bakhlaiñbor jong ki Israel.”

ISAÏAH 63:6

Ha ka jingbitar jong nga, nga ïuhroit ïa ki jaitbynriew baroh bad nga lynthaw ïa ki. Nga la theh ïa ka snam jong ki ha madan.”

JEREMAÏAH 4:5

To put ïa ka turoi ha kylleng ka ri! To pyrta jam bad shai kdar! Ïathuh ha ki briew jong ka Judah bad Jerusalem ban phet sha ki nongbah ba la ker kynroh.

JEREMAÏAH 51:57

Ngan pynbuaid ïa ki nongsynshar jong ka — ki rangbah kiba stad, ki nongïalam, bad ki shipai. Kin ïohthiah bad kin ym kyndit shuh. Ma nga u syiem, nga la kren. Nga long U Trai Badonbor Baroh.

JEREMAÏAH 8:14

“Balei ba ngi ïashong khop?” Ki briew jong U Blei ki ïakylli. “Ale, ngin ïaphet sha ki nongbah ba la ker kynroh, bad ïap hangta. U Trai U Blei jong ngi u la pynrem ïa ngi ban ïap; u la ai ha ngi ka bih ban dih, namar ngi la leh pop pyrshah ïa u.

HOSIA 10:8

Ïa ki jaka mane blei ha kliar lum Aben, ha kiba ki paid Israel ki mane ïa ki bleithaw, yn pynjot noh. Ki shiah bad ki ñiut kin san ha ki duwan jong ki; ki briew kin sa pyrta ha ki lumbah, “To buhrieh ïa ngi!” bad ha ki lumrit, “To tap ïa ngi.”

AMOS 9:3

Lada ki rieh ha khlieh u lum Karmel, ngan wad ïa ki bad kem ïa ki. Lada ki rieh na nga ha trai duriaw, ngan hukum ïa ki mrad duriaw bakynsha ban dait ïa ki.

MIKAH 7:17

Kin par ha ka khyndew kum ki bseiñ; kin mih shabar na ki kut jong ki, da ka jingkyiuh bad jingsheptieng. Kin phai sha U Trai U Blei jong ngi ha ka jingsheptieng.

NAHUM 1:10

Kum ïa ki shiah kiba la thain bad ïa u phlangïap ba-tyrkhong, ïa phi ki nongbuaid yn thang duh!

NAHUM 2:1

Ko Ninebeh, pha don ha ka jingshah tur ïaleh! Ka bor ka ban kynther ïa pha ka la wan. To buh briew ha ki jingïada! To phira ïa ka lynti bah! To pynkhreh ïa ka thma!

LOUKAS 23:30

Kata kan long ka por ha kaba ki briew kin ong ha ki lumbah, ‘To hap halor jong ngi!’ bad ha ki lumrit, ‘To buhrieh ïa ngi!’

1 SAMUEL 13:6

Nangta ki pynlong ka jingtur ïaleh kaba tyngeh pyrshah ïa ki Israel, da kaba buh ïa ki ha ka khim khait. Katto katne na ki Israel ki rieh ha ki krem bad ha ki thliew, lane hapdeng ki mawsiang lane ha ki thliew bad ki pukri um;

1 SAMUEL 14:11

Kumta ki shah ïa ki Philistia ban ïohi ïa ki, bad ki Philistia ki ong, “Ha khmih! katto katne ki Hebru ki wan mih na ki thliew ha kiba ki rieh!”