NAHUM 2:4 - Khasi CL Bible (BSI)

⁴ Ki kali ïapom ki tyngkhuh kulmar ha ki lynti bah, da kaba mareh shane shatai lyngba ki jaka paidbah ka nongbah. Ki thaba kum ki dongmusa bad ki stet kum ka leilieh.

KA BAIBL

⁴ Ki kali ïapom ki her lamwir ha ki lynti shnong, ki ïatyngkhuh para ki hi ha ki lynti bah: ka jing-i ïa ki ka long kum ki jingtbeh ding, ki her kum ki leilieh.

NAHUM 2:4 ပူးပေါင်းရင်းမြစ်များ

PROBERB 31:21

Haba hap ka ïor, kam khuslai namar kiba ha ka ïing jong ka ki biang ki jaiñ syaid.

ISAÏAH 37:24

Me la phah ïa ki shakri jong me ban kob sarong ïa nga ba da baroh ki kali ïapom jong me men jop ïa ki lum bajrong tam ka Lebanon. Me kob sarong ba hangta me pom lut ïa ki dieng Kedar bajrong tam bad ïa ki dieng Kseh bakynsai tam, bad me la poi sha ki bynta barben tam jong ki khlaw.

ISAÏAH 66:15

U Trai un wan bad ka ding. Un shong ha ki thapniang jong ka 'erïong, ban pynshitom ïa kito kiba u la bitar.

JEREMAÏAH 4:13

Ha khmih, u nongshun u wan kum ki lyoh. Ki kali ïapom jong u ki long kum ka 'erlangthari, bad ki kulai jong u ki kham stet ban ïa ki pukni. Ngi la shahjop! Ngim lah khie khlieh shuh!

JEREMAÏAH 46:9

Hukum ïa ki kulai ban leit bad ïa ki kali ïapom ban tyllun! To phah noh ïa ki shipai: ki rangbah na Sudan bad Lydia, kiba rah ïa ki stieh bad ki nongsiatkhnam batbit na Lydia.’ ”

ESEKIEL 23:24

Kin tur ïaleh ïa pha naphang shatei, da kaba wanrah ïa ka kynhun shipai babun lem bad ki kali ïapom bad ki, ki kali ba-dap kyrhai ka jingbam. Da kaba kieng da ki stieh bad ki jingïada khlieh, kin ker sawdong ïa pha. Ngan aiti ïa pha ha ki, bad kin bishar ïa pha da la ki jong ki aiñ.

ESEKIEL 26:10

Ki lyoh pui pui ba pynmih da ki kulai jong ki, kin tap ïa pha. Ka jingsawa na ki kulai ba paring ïa ki kali kit mar bad ki kali ïapom kin pynkhynñiuh ïa ki kynroh jong pha katba ki dang ïaid lyngba ki khyrdop jong ka nongbah ba la pynjot.

ESEKIEL 26:7

U Trai Nongsynshar u ong, “Ngan wallam ïa u syiem bakhraw tam na baroh — u Nebukhadnessar u syiem ka Babilonia — ban tur ïaleh ïa ka Tyros. Un wan na shaphang shatei ryngkat bad ka kynhun shipai babun, lem bad ki kulai bad ki kali ïapom bad ki nongshong kulai.

DANIEL 11:40

“Haba ka kynta kaba khatduh jong u syiem ka Syria ka la jan wan artat, u syiem ka Ijipt un tur ïaleh ïa u, bad u syiem ka Syria un ïaleh pyrshah da la ka bor baroh, da kaba pyndonkam ïa ki kali ïapom, ki kulai, bad ki liengbah kiba bun. Un hiarthma ïa kiba bun ki ri, kum ka jingshlei ki um.