NAHUM 2:3 - Khasi CL Bible (BSI)

³ Ki shipai jong u nongshun ki rah ïa ki stieh rong saw bad ki phong ki sopti rong saw. Ki pynkhreh ban tur ïaleh! Ki kali ïapom jong ki, ki thaba kum ka ding! Ki kulai jong ki jam stet!

KA BAIBL

³ Ïa ka stieh ki rangbah bakhlaiñ jong u la pynsaw, ki rangbah bakhlaiñ ki phong jaiñ saw: ki kali ïapom ki thaba na ki tiar syrti ha ka sngi ka jingkhreh jong u, bad la pynkhih itieng ïa ki sum.

NAHUM 2:3 ပူးပေါင်းရင်းမြစ်များ

Ka Kitab U Job 39:23

Ki atiar kiba ki nongshong jong ki, ki rah; ki sawa bad ki thaba ha ka sngi.

SALM 80:13

Ki sniang khlaw ki ïuh ïa u, bad ki mradkhlaw ki bam ïa u.

ISAÏAH 14:8

Ki dieng Kseh-Sypress bad ki dieng Kedar jong ka Lebanon ki risa da kaba kmen halor u syiem uba la kyllon, namar ym don mano mano ban khet ïa ki, mynta ba um don shuh!

ESEKIEL 23:24

Kin tur ïaleh ïa pha naphang shatei, da kaba wanrah ïa ka kynhun shipai babun lem bad ki kali ïapom bad ki, ki kali ba-dap kyrhai ka jingbam. Da kaba kieng da ki stieh bad ki jingïada khlieh, kin ker sawdong ïa pha. Ngan aiti ïa pha ha ki, bad kin bishar ïa pha da la ki jong ki aiñ.

ESEKIEL 26:7

U Trai Nongsynshar u ong, “Ngan wallam ïa u syiem bakhraw tam na baroh — u Nebukhadnessar u syiem ka Babilonia — ban tur ïaleh ïa ka Tyros. Un wan na shaphang shatei ryngkat bad ka kynhun shipai babun, lem bad ki kulai bad ki kali ïapom bad ki nongshong kulai.

NAHUM 3:2

To shahshkor! Ka jingsawa u shabuk, ka jingriew ki shalyntem, ka jingsawa ka jingïaid ki kulai, ka jingkynthih jong ki kali ïapom!

SEKHARAÏAH 1:8

Nga la ïohi ïa uwei u angel jong U Trai uba shong halor u kulai basaw. U la sangeh hapdeng katto katne tylli ki dieng Martl ha ka them, bad hadien jong u la don sa kiwei pat ki kulai — kiba saw, kiba thohbroin, bad kiba lieh.

SEKHARAÏAH 11:2

To ïam bad to ud, ko dieng Kseh-Sypress — ki Kedar ki la kyllon; ïa kito ki dieng badonburom la pynjot! To ïam bad to ud, ko ki dieng Sning jong ka Bashan — ïa ka khlaw kaba rben la khet noh!

SEKHARAÏAH 6:2

Ïa ka kali ïapom kaba nyngkong la tan da ki kulai rong saw, ïa kaba ar da ki kulai rong ïong,

JINGPYNPAW 12:3

Sa kawei pat ka dak bamaïan ka la paw ha ka sahit bneng. La don u Ïakjakor uba heh bad uba rong saw uba don hynñiew tylli ki khlieh bad shiphew tylli ki reng, bad kawei ka pansngiat ha kawei pa kawei jong ki khlieh jong u.

JINGPYNPAW 6:4

Sa uwei pat u kulai u la wan mih, uba saw ka rong. Ha u nongshong kulai la ai ïa ka bor ban wanrah ïa ka thma ha ka pyrthei, ba ki briew kin ïa-pynïap para ma ki hi. La ai ha u ïa ka waitlam kaba heh.