NAHUM 2:13 - Khasi CL Bible (BSI)

¹³ “Nga long u nongshun jong pha!” ong U Trai Badonbor Baroh. “Ngan thang ïa ki kali ïapom jong pha. Ïa ki shipai jong pha yn pynïap ha ka thma, bad ngan shim lut ïa kiei kiei baroh kiba pha la shim na kiwei. Ïa ka jingdawa jong ki nongsynran jong pha yn ym ïohsngew shuh.”

KA BAIBL

¹³ “Ha khmih, nga long pyrshah ïa pha,” ong U Trai ki paid, “bad ngan thang ïa ki kali ïapom jong ka ha ka tdem, bad ka waitlam kan bam duh ïa ki sing samla jong pha: bad ngan pynduh ïa ka jinglute jong pha na ka khyndew, bad ïa ka ktien ki nonglam-ktien jong pha un ym ïohsngew shuh.”

NAHUM 2:13 ပူးပေါင်းရင်းမြစ်များ

2 SYIEM 18:17

U patsha ka Assyria u phah ïa ka kynhun shipai kaba bun na Lakhish ban tur ïaleh ïa u Hesekaïah ha Jerusalem; hapoh ka jingai hukum ki lai ngut ki rangbah synshar ba-halor tam. Haba ki wan poi ha Jerusalem, ki pyndap ïa ka surok ha kaba ki nongthain jaiñ ki trei, hajan ka nur-um kaba wan tuid um na ka pung ba haneng.

2 SYIEM 18:19

Uwei na ki rangbah synshar ki Assyria u ïathuh ïa ki, ba u nongsynshar u kwah ban tip kaei kaba pynlong ïa u syiem Hesekaïah ban sngewskhem.

2 SYIEM 19:23

Me phah ïa ki nonglamktien ban kob sarong ïa nga ba da ki kali ïapom baroh ki jong me, me la jop thiaw ïa ki lum bajrong tam u Lebanon. Me kob sarong ba hangta me pom ïa ki dieng Kedar bajrong tam bad ïa ki dieng Kseh-Sypress bakynsai tam bad me ïohrung shaduh ki bynta bashapoh tam jong ki khlaw.

2 SYIEM 19:9

Ka ktien ka leit poi sha ki Assyria ba ka kynhun shipai Ijipt, ba la ïalam da u Tirhakah u syiem ka Ithiopia, u wan ban tur ïaleh ïa ki. Haba u nongsynshar u ïohsngew ïa kane, u phah ïa ka shithi sha u Hesekaïah u syiem ka Judah

2 KHRONIKL 32:19

Ki ïakren shaphang U Blei ka Jerusalem kumba ki ïakren shaphang ki blei jong kiwei pat ki jaitbynriew, ki bleithaw ba la shna da ki kti ki briew.

SALM 46:9

U pynsangeh ïa ki thma ha kylleng sawdong ka pyrthei; u pynkheiñ ïa ki ryntieh, u kdiah ïa ki sum, bad u thang ïa ki stieh ha ka ding.

JEREMAÏAH 21:13

Pha ko Jerusalem, pha kaba shong shajrong eh na ki ri them, kum u mawsiang uba ïeng shajrong na ka madan. Hynrei ngan ïaleh pyrshah ïa pha. Pha ong ba ym don ba lah ban tur ïaleh ïa pha ne ban pynpra ïa ki jingker jong pha.

JEREMAÏAH 46:14

“Pynbna ïa ka ha ki shnong jong ka Ijipt, ha Migdol, Memphis, bad Tahpanhes: ‘To pynkhreh ban ïada ïa lade; ïa kiei kiei kiba phi don yn pynjot ha ka thma!

JEREMAÏAH 50:31

“Ko Babilonia, pha la dap da ka jingsarong, te ma nga, U Trai Nongsynshar Badonbor Baroh, nga long pyrshah ïa pha! Ka por ka la poi ïa nga ban pynshitom ïa pha.

JEREMAÏAH 51:25

Ko Babilonia pha long kum u lumbah uba pynjot ïa ka pyrthei baroh kawei, hynrei ma nga, U Trai, nga long u nongshun jong pha. Ngan shim noh ïa pha, pynmadan ïa pha ha ka khyndew, bad ieh ïa pha ha u dpei.

ESEKIEL 13:8

Kumta U Trai Nongsynshar u ong ha ki, “Ki ktien jong phi ki long kiba bakla, bad ki jingïohipaw jong phi ki long kiba lamler. Nga long pyrshah ïa phi.

ESEKIEL 21:3

Ba ma nga, U Trai, nga ong: Nga long u nongshun jong phi. Ngan sei ïa ka waitlam jong nga bad ngan pynïap ïa phi baroh, kiba bha bad kiba sniew kumjuh.

ESEKIEL 26:3

“Mynta te, kane ka long kaei kaba ma nga, U Trai Nongsynshar, nga ong: Nga long u nongshun jong pha, ko nongbah Tyros. Ngan wallam ïa kiba bun ki jaitbynriew ban tur ïaleh ïa pha, bad kin wan kum ki jingat phyllung jong ka duriaw.

ESEKIEL 28:22

Ïathuh ïa ki briew hangta ïa kaei kaba ma nga, U Trai Nongsynshar, nga ong shaphang jong ki: Nga long u nongshun jong pha, ko Sidon; ki briew kin ïaroh ïa nga namar kaei kaba nga leh ïa pha. Kin ïoh tip ba nga long U Trai, haba nga pyn-i katno uba khuid nga long da kaba pynshitom ïa kito kiba im hapdeng jong pha.

ESEKIEL 29:10

nga long u nongshun jong me bad u nongshun jong ka wah Nile jong me. Ngan pynlong ïa ka Ijipt baroh kawei kaba suda khlem jingmyntoi, naduh ka nongbah Migdol ha ka phang bashatei haduh ka nongbah Aswan ha ka phang bashathie, baroh shi lynter haduh u pud ki Sudan.

ESEKIEL 29:3

To ong ba kane ka long kaei kaba U Trai Nongsynshar u ïathuh ïa u syiem ka Ijipt: Nga long u nongshun jong me, ma me u kuratia bakynsha, uba dem ha ka wah. Me ong ba ka wah Nile ka long ka jong me bad ba me la pynlong ïa ka.

ESEKIEL 35:3

Ïathuh ha ki briew ïa kaei ba ma nga, U Trai Nongsynshar, nga ong: “Nga long u nongshun jong me, ko ki lumbah ka Edom! Ngan pynlong ïa me ka jaka kynjah.

ESEKIEL 38:3

To kren pyrshah ïa u, bad ïathuh ha u ba ma nga, U Trai Nongsynshar, nga long u nongshun jong u.

ESEKIEL 39:1

U Trai Nongsynshar u ong: “Ko khun u briew, to kren pyrshah ïa u Gog, u nongsynshar rangbah jong ki jaitbynriew ka Meshekh bad ka Tubal bad ïathuh ïa u ba nga long u nongshun jong u.

ESEKIEL 5:8

Bad kumta ma nga, U Trai Nongsynshar, nga la ïathuh ïa pha ba nga long u nongshun jong pha, nga ai ka jingbishar ïa pha ha kaba baroh ki jaitbynriew kin ïohi ïa kata.

NAHUM 2:12

U sing u pynïap ïa ka jingbam jong u bad u tar ïa ka lyngkhot lyngkhot na ka bynta ka sing jong u bad ki khun jong ka; u la pyndap ïa ka krem jong u da ka doh ba la patar.

NAHUM 3:1

Long kaba la tim ka nongbah kaba pynïap bad kaba lamler, kaba dap da ka spah ban shah lute bad shah kurup!

NAHUM 3:12

Baroh ki kut jong pha kin long kum ki diengsoh Dumbur bad ki soh Dumbur ba la ih: Khynñiuh ïa ki dieng bad ki soh kin hap beit hapoh ka shyntur jong pha!

NAHUM 3:15

Kam pher kaei pha leh, ïa pha hi yn thang pynïap lane yn pynïap ha ka thma. Yn weng noh ïa pha kum ki jingthung ba la bam noh da ki puit. Pha la roi kum ki puit!

NAHUM 3:5

U Trai Badonbor Baroh u ong, “Ngan pynshitom ïa pha, ko Ninebeh! ngan sloit lyngkhuit ïa pha bad ngan shah ïa ki jaitbynriew ban ïohi ïa pha, ban ïohi ïa pha ha ka jinglehrain jong pha baroh.

JOSHUA 11:6

U Trai u ong ha u Joshua, “Wat sheptieng ïa ki. Ha kane ka por lashai ka sngi ngan pynïap ïa ki baroh na ka bynta ki Israel. Phi dei ban pyndkoh ïa ki kulai jong ki bad thang ïa ki kali ïapom jong ki.”

JOSHUA 11:9

U Joshua u leh ïa ki kumba U Trai u la hukum: u pyndkoh ïa ki kulai jong ki bad u thang ïa ki kali ïapom jong ki.