NAHUM 2:10 - Khasi CL Bible (BSI)

¹⁰ Ïa ka Ninebeh la pynjot, la iehnoh, kaba kynjah! Ki dohnud ki um da ka jingsheptieng; ki khohsiew ki khynñiuh, ka jingkhlaiñ ka la jah noh; ki durkhmat ki la kylla lieh blaid blaid.

KA BAIBL

¹⁰ Ka long kaba suda, bad kaba la pynsuda, bad kaba la pynjot noh: bad ka dohnud ka um noh, ki khohsiew ki ïashoh lang, bad ka jingshitom ka ha ki syngkai baroh, bad ki khmat jong ki baroh ki thangïong.

NAHUM 2:10 ပူးပေါင်းရင်းမြစ်များ

JENESIS 1:2

Ka duriaw kaba khih phaloh kaba tap ïa kiei kiei baroh ka la shah tyllep ha ka jingdum ïong ngit, bad U Mynsiem U Blei u khih halor ki um.

SALM 22:14

Ka jingkhlaiñ jong nga ka la duh, ka la leit noh kum ka um kaba hoit ha madan. Baroh ki shyieng jong nga ki lah tor lut; ka dohnud jong nga ka long kum ka bthing ba la um.

ISAÏAH 14:23

Ngan pynkylla ïa ka Babilon sha ka ahor ktieh, bad ki dkhoh kin shong hangta. Ngan sar ïa ka Babilon da u synsar u ban sar lut khoit ïa kaei kaei baroh. Nga, U Trai Badonbor Baroh, nga la kren.”

ISAÏAH 21:3

Kaei kaba nga la ïohi bad ïohsngew ha ka jingïohipaw ka la pyndap ïa nga da ka jingsngewtriem bad sngewpang, ka jingpang kum ka jong ka kynthei ha ka por suh kha.

ISAÏAH 24:1

U Trai un sa pynjot ïa ka pyrthei bad un pynlong kynjah ïa ka. Un sa khyrwait ïa ka khmat jong ka pyrthei bad pynsakma ïa ki briew jong ka.

JEREMAÏAH 30:6

Mynta to sangeh bad pyrkhat! Hato u briew u lah ban kha khun? Te balei keiñ ba nga ïohi ïa uwei pa uwei u briew ba u buh ïa la ka kti ha la ka kpoh kum ka kynthei ha ka jingsuh kha? Balei uwei pa uwei baroh u blad rong?

JEREMAÏAH 49:23

Kane ka dei kaei kaba U Trai u ong shaphang ka Damaskos: “Ki briew ha ki nongbah jong ka Hamath bad ka Arpad ki khuslai bad ki sngew jynjar namar ki la ïohsngew ïa ki khubor basniew. Ka jinglyng-a ka tyllun halor jong ki kum ka duriaw, bad kim ïoh jahthait.

JEREMAÏAH 51:62

Nangta sa duwai, ‘A Trai, me la ong ba men pynjot ïa kane ka jaka, haduh ba yn ym don jingthaw ba im ha ka, u briew lane u mrad, bad ba kan long kum ka ri shyiap junom.’

JEREMAÏAH 8:21

Ka dohnud jong nga ka la shah pynlwet namar ki briew jong nga ki la shah pynlwet; nga ïam sngewsih; nga la shaïong jur.

ESEKIEL 21:7

Haba ki kylli ïa me balei ba me ud, ïathuh ïa ki ba ka long na ka daw ka khubor kaba la ïohpdiang. Haba ka wan, ki dohnud jong ki kin dap da ka jingsheptieng, ki kti jong kin noh kyrwep, ka jingshlur jong ki kan duh, bad ki khohsiew jong ki kin kyiuh. Ka por ka la poi; ka long hangne.” U Trai Nongsynshar u la kren.

ESEKIEL 31:15

Kane ka long kaei kaba U Trai Nongsynshar u ong: “Ha ka sngi ba u dieng u leit hiar sha ka pyrthei kiba ïap, ngan pynlong ïa ki um shapoh khyndew ban tap ïa u kum ka dak ka jingïambriew. Ngan set noh ïa ki wah bad ngan ym shah ïa ki wahduid ban tuid shabar. Namar ba u dieng u la ïap, ngan wallam ka jingdum halor ki lumbah ka Lebanon bad ngan pynlong ïa baroh ki dieng ha khlaw ba kin ïapstai.

DANIEL 5:6

U la kylla lieh blaid blaid bad u la sheptieng katta katta ba ki khohsiew jong u ki la sdang ban khynñiuh.

JOEL 2:6

Katba ki dang wan, uwei pa uwei u sngewshyrkhei; kawei pa kawei ka durkhmat ka kylla blad.

NAHUM 2:2

(U Trai u la sdang artat ban pynïoh pat ïa ka burom jong ka Israel, kumba ka la long ha khmat ki nongshun kiba la lute ïa ka.)

NAHUM 3:7

Baroh kiba ïohi ïa pha kin kynran dien. Kin ong, ‘Ka Ninebeh ka don ha ki jingjot! Mano ba don kano kano ka jingisynei ïa ka? Mano ba kwah ban pyntngen ïa ka?’ ”

SEPHANAÏAH 3:6

U Trai u ong, “Nga la pynduh lut ïa ki jaitbynriew baroh; nga la pynjot ïa ki nongbah jong ki bad iehnoh ïa ki kynroh bad ïa ki kut jong ki ha ki jingjot. Ki nongbah ki la shah iehnoh; ki lynti bah ki thylli — ym shym pynsah ïa uwei ruh.

JOSHUA 2:11

Ngi tang shu ïohsngew shaphang kata, ngi la sheptieng; ngi la duh ïa ka jingshlur jong ngi baroh namar jong phi. U Trai U Blei jong phi u long U Blei ha bneng shajrong bad hangne ha ka pyrthei.

JOSHUA 7:5

Ki rangbah jong ka Ai ki beh krad ïa ki naduh ka khyrdop shnong haduh ki katto katne ki par bad ki la pynïap kumba laiphew hynriew ngut ha ka lynti sharum ki lumrit. Te ki Israel ki la duh ka jingshlur bad ki la sheptieng.