NAHUM 1:4 - Khasi CL Bible (BSI)

⁴ U hukum ïa ka duriaw, bad ka rngad! U pynlong ïa ki wah ban tyrkhong. Ki pyntha jong ka Bashan ki swai, u lumbah Karmel u kylla bthuh, bad ki syntiew jong u Lebanon ki jlop.

KA BAIBL

⁴ U sneng ïa ka duriaw, bad u pynrngad ïa ka, bad u pynrngad ïa ki wah baroh: ka Bashan ka tyrkhong noh, bad u Karmel, bad u syntiew u Lebanon u tyrkhong noh.

NAHUM 1:4 ပူးပေါင်းရင်းမြစ်များ

JENESIS 8:1

U Blei um shym la klet ïa u Noah, bad ïa ki mrad baroh kiba ïadon lem bad u ha ka lieng; u la pynlong ïa ka lyer ban beh, bad ka um ka la sdang hiar.

2 SAMUEL 22:16

Ka trai duriaw ka paw tyngkreiñ bad ïa ki nongrim jong ka pyrthei ruh la pynpaw, haba U Trai u kynteit ïa ki nongshun jong u, bad u kyrhuh ïa ki ha ka jingbitar.

Ka Kitab U Job 38:11

Nga ong ïa ka, “Haduh hangne phan ïoh poi, bad ym palat! Hangne ki jingat phyllung bakhlaiñ jong pha ki dei ban sangeh.”

SALM 104:7

Haba me sneng ïa ki um, ki phet; ki phet noh haba ki ïohsngew ïa ka jingpyrta jong ka hukum jong me.

SALM 106:9

U la ai hukum ïa ka Duriaw Basaw bad ka rkhiang; u ïalam ïa ki briew jong u sha shiliang halor ka khyndew ba-rkhiang.

SALM 114:3

Ka Duriaw Basaw ka la khmih bad ka phet noh, ka wah Jordan ka la sangeh ban tuid.

SALM 114:5

Kaei kaba la jia, ko Duriaw, ban pynlong ïa pha ban phet noh? Bad ma pha, ko Jordan, balei ba pha sangeh ban tuid?

SALM 18:16

U Trai u kner sha tbian najrong, bad u batskhem ïa nga; u sei ïa nga na ki um kiba jylliew.

SALM 74:15

Me la pynlong ïa ki wahduid bad ïa ki umpohliew ban tuid; me la pynrngad ïa ki wahbah.

ISAÏAH 33:9

Ka ri ka sah shrah bad long ri shyiap. Ki khlaw ka Lebanon ki la tyrkhong, ka them baseisoh ka Sharon ka long kum ka ri shyiap, bad ha Bashan bad ha u lum Karmel ki sla ki hap na ki dieng.

ISAÏAH 42:15

Nga pyntwa ïa ki lumrit bad ki lumbah ngan pyntyrkhong ïa u phlang bad ki dieng. Ngan pynkylla ïa ki them wah sha ki jaka shyiap bad pyntyrkhong ïa ki pukri um.

ISAÏAH 44:27

Da ki ktien ka hukum nga pyntyrkhong ïa ka duriaw-bah.

ISAÏAH 51:10

Dei ma me ruh uba la pynrngad ïa ka duriaw bad pynlong ka lynti ïaid lyngba ki um, khnang ba kito kiba me pyllait im kin ïoh ïaid lyngba.

ESEKIEL 30:12

Ngan pynrngad ïa ka wah Nile bad ngan buh ïa ka Ijipt hapoh ka bor jong ki briew kiba sniew. Ki nongwei kin pynjulor ïa ka ri baroh kawei. Ma nga, U Trai, nga la kren.”

ESEKIEL 38:20

Man la ka dohkha bad ka sim, man la ka mrad, barit bad baheh, bad man la u briew halor ka sla pyrthei kin khynñiuh da ka jingsheptieng ïa nga. Ki lumbah kin khyllem, ki riat kin twa, bad kawei pa kawei ka kynroh kan kyllon.

AMOS 1:2

U Amos u ong, “U Trai u kyrhuh na u lum Seïon; Ka sur jong u ka tied kum u pyrthat na Jerusalem. Ki jaka phlang ki tyrkhong, bad u phlang ha Lum Karmel u ïapstai.”

AMOS 5:8

U Trai u la thaw ïa ki khlur, ki Pleïades bad Orion, u pynkylla ïa ka jingdum sha ka jingshai mynsngi, bad ïa ka sngi sha ka miet. U khot na ka bynta ki um jong ka duriaw bad theh ïa ki ha sla khyndew. Ka kyrteng jong u ka dei U Trai.

MATHAÏOS 8:26

“Balei ba phi sheptieng haduh katne?” U Jisu u la jubab. “Katno kaba rit ka jingngeit phi don!” Nangta u la khie joit bad u la hukum ïa ki lyer bad ïa ki jingat phyllung ban sangeh, bad ka la don ka jingjai jai kaba khraw.

JOSHUA 3:16

ka um ka sangeh ban tuid bad ka lang shi jaka, kham jngai na kaba wan tuid ha Adam, ka nongbah hajan ka Sarethan. Ïa ka jingtuid jong ka arsut sha ka Duriaw Baïap la pyndkut, bad u paidbah u la lah ban jam sha shiliang hajan ka Jerikho.