NAHUM 1:3 - Khasi CL Bible (BSI)

³ U Trai um ju bitar shen, hynrei u long uba khrawbor bad um ju shah ba kiba shah rai pynrem kin lait khlem shah pynshitom. Hangno ha kaba U Trai u ïaid, ki 'erïong ki khie; ki lyoh ki long ki pui pui ba la pynmih da ki kjat jong u!

KA BAIBL

³ U Trai u long uba tud ban bitar, bad uba khraw ka bor, bad un ym pynksan ïa u bymman da lei lei: U Trai u don la ka lynti ha ka lyer langthari bad ha ka 'erïong, bad ki lyoh ki long ka 'dewmet ki sla'jat jong u.

NAHUM 1:3 ပူးပေါင်းရင်းမြစ်များ

2 SAMUEL 22:10

U tar ïa ka suiñbneng bad u wan hiar; bad u lyoh uba dum hapoh ki kjat jong u.

NEHEMAÏAH 9:17

Ki la kyntait ban kohnguh; ki la klet ïa baroh kaba me la leh; ki la klet noh ïa ki kambah kiba me la leh. Ha ka jingsarong jong ki, ki la jied u nongïalam ban ïalam biang ïa ki sha ka jinglongmraw ha Ijipt. Hynrei me long U Blei uba map; me long uba dap da ka jingaiei bad ka jingieit, uba suki ban bitar. Ka jingisynei jong me ka long kaba khraw; mem shym iehnoh ïa ki.

Ka Kitab U Job 10:14

me ïai jngoh ban ïohi lada nga leh pop, khnang ba men kyntait ban map ïa nga.

Ka Kitab U Job 38:1

Nangta napdeng ka 'erïong U Trai u la kren ha u Job.

Ka Kitab U Job 9:4

U Blei u long uba stad bad uba donbor katta katta; ym don u briew uba lah ban ïeng pyrshah ïa u.

SALM 103:8

U Trai u long uba isynei bad uba dap da ka jingieit, uba suki ban bitar bad uba dap da ka jingieit baneh.

SALM 104:3

bad tei ïa ka ïing jong me halor ki um hajrong. Me pyndonkam ïa ki lyoh kum ki kali ïapom bad me shong halor ki thapniang jong ka lyer.

SALM 145:8

U Trai u long uba dap da ka jingieit bad uba isynei, uba suki ban bitar bad uba dap da ka jingieit baneh.

SALM 147:5

Uba khraw bad uba donbor long U Trai jong ngi; ïa ka jingstad jong u ym lah ban thew.

SALM 50:3

U Blei jong ngi u wan, hynrei ym ha ka jingjar jar; ka ding kaba klang ka don ha khmat jong u, ka 'erïong kaba beh kyrthep ka don sawdong jong u.

SALM 62:11

Bunsien nga la ïohsngew ba U Blei u ong ba ka bor ka dei ka jong u

SALM 66:3

To ong ha U Blei, “A katno kiba phylla long kiei kiei kiba me leh! Ka bor jong me ka long kaba khraw katta katta ba ki nongshun jong me ki dem ngon ha ka jingsheptieng ha khmat jong me.

ISAÏAH 19:1

Kane ka dei ka khubor shaphang ka Ijipt. U Trai u wan sha Ijipt, u da shong ha u lyoh uba ïaid stet. Ki bleithaw jong ki Ijipt ki khynñiuh ha khmat jong u, bad ki briew jong ka Ijipt ki duh noh ïa ka jingshlur jong ki.

ISAÏAH 29:6

Kynsan kynsan bad khlem poi pyrkhat U Trai Badonbor Baroh un pyllait im ïa pha da ki 'erïong bajur bad ki jingkhih jumai. Un phah ïa ki 'erlangthari bad ka ding baklang;

ISAÏAH 66:15

U Trai un wan bad ka ding. Un shong ha ki thapniang jong ka 'erïong, ban pynshitom ïa kito kiba u la bitar.

JEREMAÏAH 4:13

Ha khmih, u nongshun u wan kum ki lyoh. Ki kali ïapom jong u ki long kum ka 'erlangthari, bad ki kulai jong u ki kham stet ban ïa ki pukni. Ngi la shahjop! Ngim lah khie khlieh shuh!

DANIEL 7:13

Ha kane ka jingïohipaw ha ka por mynmiet, nga la ïohi ïa kaei kaba i kum u briew. U la wan sha nga, ba la ker sawdong da u lyoh, bad u la leit sha uta uba la im junom bad la ai sngewbha ha u.

HOSIA 8:7

Haba ki bet ïa ka lyer, kin ïoh ot ïa ka 'erlangthari! U kew baroh shi pynthor u bym pat ih un ym lah ban pynmih kpu. Hynrei wat lada u pynmih ruh, ki nongwei kin bam ei ïa u.

JOEL 2:13

Ai ba ka dohnud ba la pait jong phi kan pyn-i ïa ka jingsngewsih jong phi; kaba kad ïa ki jaiñphong jong phi kam biang.” To wan phai pat sha U Trai U Blei jong phi. U long uba sbun bad uba dap da ka jingisynei; u long uba ïaishah slem bad uba bat ïa la ka kular; u long borabor uba kloi ban map bad ym ban pynshitom.

JONAH 4:2

Kumta u la duwai, “A Trai, hato ngam la ong shuwa ba ngan mih na ïing ba kane ka dei kaei kaba men leh? Dei na kata ka daw ba nga la pyrshang tyngeh ban phet noh sha Spain! Nga la tip ba me long U Blei ka jingieit bad ka jingisynei, uba ïaishah slem, uba sbun borabor, bad uba kloi borabor ban kylla ïa la ka jingmut ban ym pynshitom.

SEKHARAÏAH 9:14

U Trai un mihpaw halor ki briew jong u; un siat ïa ki khnam jong u kum ka leilieh. U Trai Nongsynshar un pynsawa ïa ka turoi; un ïaid ha ki 'erïong na shathie.

JINGKHEIÑ 14:18

‘Nga, U Trai nga long uba suki ban bitar, bad nga pyn-i ïa ka jingieit bakhraw bad ka jingïaineh bad map ïa ka pop bad ïa ka jingïaleh pyrshah. Nalorkata, ngam pep ban pynshitom ïa ki khun bad ki ksiew haduh kaba lai bad kaba saw pateng namar ki pop jong ki kmie ki kpa jong ki.’

MATHAÏOS 26:64

U Jisu u la jubab ïa u, “Me ong kumta. Hynrei nga ong ïa phi baroh: Naduh kane ka por phin ïohi ïa U Khun U Briew ba u da shong ha ka liang kamon jong U Bakhrawbor tam bad u da wan ha ki lyoh bneng!”

JAKOB 1:19

To kynmaw ïa kane, ko parabangeit ba-ieit jong nga! Uwei pa uwei u dei ban long uba kloi ban shahshkor, hynrei uba suki ban kren bad uba suki ban bitar.

JINGPYNPAW 1:7

Ha khmih, u wan ha ki lyoh! Baroh kin ïohi ïa u, kynthup ïa kito kiba la sum ïa u. Ki jaitbynriew baroh ha ka pyrthei kin ïamkthang namar jong u. Kumta kan long!