MIKAH 7:9 - Khasi CL Bible (BSI)

⁹ Ngi la leh pop pyrshah ïa U Trai, te mynta ngi dei ban ïaishah ïa ka jingbitar jong u shipor. Hynrei ha kaba kut un ïada ïa ngi bad un pynbeit ïa ka bymdei kaba la leh ha ngi. Un wallam ïa ngi shabar sha ka jingshai; ngin im ban ïohi ba u pyllait im ïa ngi.

KA BAIBL

⁹ Ngan shah ïa ka jingbitar U Trai, namar nga la leh pop ïa u; tad ynda un ïasaid ïa ka kam jong nga, bad un leh ïa ka jingbishar na ka bynta jong nga: un pynmih noh ïa nga sha bashai, te ngan ïohi ïa ka hok jong u.

MIKAH 7:9 ပူးပေါင်းရင်းမြစ်များ

2 SAMUEL 24:17

U Dabid u la ïohi ïa u angel uba u pynïap ïa ki briew, bad u ong ha U Trai, “Dei ma nga uba la leh pop. Nga dei uta uba la leh bakla. Kine ki briew bapli ki la leh aïu? Me dei ban pynshitom ïa nga bad ïa ka longïing jong nga.”

Ka Kitab U Job 23:10

Pynban U Blei u tip ïa ka jingjam baroh kaba nga shim; lada u tynjuh ïa nga, un shem ba nga long khuid.

Ka Kitab U Job 35:14

Ko Job, me ong ba mem lah ban ïohi ïa U Blei; hynrei to ïaishah ban ap — ka kam jong me ka don ha khmat jong u.

SALM 119:154

To ïasaid ma me ïa ka hok jong nga, bad to pyllait ïa nga, to pynim ïa nga, kumba me la kular.

SALM 37:6

Un pynlong ïa ka hok jong phi ban tyngshaiñ kum ka sngi ha ka por shiteng sngi.

SALM 43:1

A Blei, to pynbna ba nga long uba lui lui, bad ïasaid da ïa nga na ki bymriewblei; pyllait ïa nga na ki briew kiba shukor bad kiba sniew!

SALM 7:6

To ïeng ha ka jingbitar jong me, A Trai! To ïeng pyrshah ïa ka jingbitar ki nongshun jong nga; to pynkhie joit ïa lade bad ïarap ïa nga! Ka jingbishar hok ka dei kaba me dawa,

SALM 94:15

Ka jingbishar hok kan wan biang ha ki ïingbishar, bad baroh ki briew kiba hok kin kyrshan ïa ka.

ISAÏAH 42:16

“Ngan ïalam ïa ki briew bamatlah jong nga na ki lynti kiba kim pat ju ïaid. Ngan pynkylla ïa ka jingdum jong ki sha ka jingshai bad pynlong ïa ki jaka khohruh khohram kiba jem ha khmat jong ki. Kine ki long ki jingkular jong nga, bad ngan batskhem ïa ki.

ISAÏAH 42:7

Phin pynpeit ïa ki khmat jong kiba matlah bad pyllaitluid ïa kito kiba shong ha ki ïingbyndi ba-dum.

ISAÏAH 46:13

Nga wallam ïa ka sngi ka jingjop sha jan — kam long satia kaba dang sha jngai. Ïa ka jingjop jong nga yn ym pynslem. Ngan pyllait im ïa ka Jerusalem bad ngan wallam ïa ka burom ka Israel hangta.”

ISAÏAH 51:22

U Trai U Blei jong phi u ïada ïa phi bad u ong, “Nga shim noh ïa ka khuri kaba nga la ai ha phi ha ka jingbitar jong nga. Phin ym hap ban dih shuh ïa ka waiñ kaba pynlong ïa phi ban ïaid sheng sheng.

ISAÏAH 56:1

U Trai u ong ha ki briew jong u, “Leh ïa kaei kaba hok bad kaba dei, naba shen ngan pynim ïa phi.

JEREMAÏAH 10:19

Ki briew ka Jerusalem ki kyang jam, “Haduh katno la pynmong jur ïa ngi! Ki jingmong jong ngi kin ym koit. Bad ngi la pyrkhat ba kane ka dei kaei kaei kaba ngi lah ban shah!

JEREMAÏAH 14:7

Ki briew jong nga ki kyang jam sha nga, ‘Wat la ki pop jong ngi ki pynrem ïa ngi, to ïarap ïa ngi, A Trai, kumba me la kular. Ngi la phai dien noh na me bun bunsien; ngi la leh pop pyrshah ïa me.

JEREMAÏAH 51:10

U Trai u ong, “Ki briew jong nga ki pyrta, ‘U Trai u la pyn-i ba ngi la leh ïa kaba dei. Ïa ngin ïaleit bad ïathuh ïa ki briew jong ka Jerusalem ïa kaei kaba U Trai U Blei jong ngi u la leh.’ ”

SNGEWSYNEI 1:18

“Hynrei U Trai u long uba hok, namar ngam shym la kohnguh ïa u. To shahshkor ïa nga, ko ki briew hangno hangno; to khmih ïa nga ha ka jingpang jong nga. Ki samla shynrang bad kynthei jong nga ki la shah ringmraw noh.

LEBITIKOS 26:41

bad kiba la pynlong ruh ïa nga ban phai pyrshah ïa ki bad pynsakma ïa ki sha ka jinglongmraw ha ka ri ki nongshun jong ki. Khatduh, ynda ki khun ki ksiew jong phi ki la pyndem rit ïa lade bad ki la shah pynshitom namar ka pop bad ka jingïaleh pyrshah jong ki,

MALAKHI 3:18

Sa shisien pat ki briew jong nga kin ïohi ïa ka jingïapher hapdeng kaei kaba jia ïa kiba hok bad ïa ki bymman, ha u briew uba shakri ïa nga bad ha uta u bym leh kumta.”

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

2 TIMOTHI 4:8

Bad mynta kaba ap ïa nga ka long ka bainong jong ka jingjop ïa kaba la buh beit da U Blei uba U Trai, u nongbishar bahok, u ban ai ha nga ha kata ka Sngi — ym tang ïa nga, hynrei ïa kito baroh kiba ap ïa u da ka jingieit ba un wanpaw.

JINGPYNPAW 18:20

To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!

1 SAMUEL 24:15

U Trai un bishar bad un rai mano ba bakla napdeng jong ngi. To un khmih ïa kane ka kam, un ïada ïa nga, bad un pyllait im ïa nga na phi.”

1 SAMUEL 25:39

Haba u Dabid u ïohsngew ba u Nabal u la ïap, u ong, “Ïaroh ïa U Trai! U la pynhiarkput ïa u Nabal namar ba u la ñiewbeiñ ïa nga, bad ba u la khang ïa nga u shakri jong u na kaba leh bakla. U Trai u la pynshitom ïa u Nabal namar ka jingbymman jong u.” Nangta u Dabid u phah ka jingtyrwa sha ka Abigail ban ïakyntiew kurim.

1 SAMUEL 26:10

Da U Trai uba im,” u Dabid u bteng biang, “nga tip ba U Trai hi un shoh ïap ïa u, lane un ïap hi ynda poi ka por ba un ïap, lane haba un ïap ha ka thma.

1 SAMUEL 3:18

Kumta u Samuel u ïathuh ha u nadong shadong; um shym buhrieh ei ei shuh na u. U Eli u ong, “U long U Trai; ieh un leh katba u sngewbit ïa u.”