MIKAH 7:8 - Khasi CL Bible (BSI)

⁸ Ki nongshun jong ngi kim don daw ban risa beiñ halor jong ngi. Ngi la kyllon noh, hynrei ngin khie pat. Ngi don ha ka jingdum mynta, hynrei U Trai un ai jingshai ïa ngi.

KA BAIBL

⁸ Wat leh risa pyrshah ïa nga, ko nongshun jong nga: haba nga kyllon, ngan ïeng; haba nga shong ha ka jingdum, U Trai un long ka jingshai ïa nga.

MIKAH 7:8 ပူးပေါင်းရင်းမြစ်များ

Ka Kitab U Job 31:29

Ngam pat ju kmen haba ki nongshun jong nga ki shah jynjar, ne sngewbha haba ki ïakynduh ïa ka jingpynjot;

SALM 112:4

Ka jingshai ka tyngshaiñ ha kaba dum na ka bynta ki briew kiba bha, na ka bynta kito kiba dap da ka jingisynei, kiba bha sbun bad kiba hok.

SALM 143:3

U nongshun jong nga u behmrad ïa nga bad u jop thiaw ïa nga. U set ïa nga ha ka byndi ba-dum, bad nga long kum kito kiba la ïap la slem.

SALM 20:8

Kiba kum kine ki briew kin jynthut bad kyllon, hynrei ngi, ngin khie bad ngin ïeng skhem.

SALM 27:1

U Trai u long ka jingshai jong nga bad ka jingpynim jong nga; ngan ym sheptieng ïano ïano ruh. U Trai u ïada ïa nga na ki jingjynjar baroh; ngan ym sheptieng lano lano ruh.

SALM 35:19

Wat ai ba ki nongshun jong nga, kito ki nongkren shukor, kin risa ha ka jingshahjop jong nga. Wat ai ba kito kiba isih ïa nga khlem daw kin ïoh kynkok da ka jingkmen halor ka jingsngewsih jong nga.

SALM 37:21

U bymman u shim kylliang, bad um ju pynphai shuh; hynrei u briew uba bha u sbun da ki jingai sngewbha jong u.

SALM 37:24

La ki kyllon, kin ym sah hajuh, namar U Trai un ïarap khyllie ïa ki.

SALM 38:16

Wat shah ba ki nongshun jong nga kin risa halor ki jingsngewsih jong nga; wat ai ba kin kob sarong ha ka jinghap jong nga!

SALM 84:11

U Trai u long u nongïada jong ngi bad u syiem uba donburom; u kyrkhu ïa ngi da ka jingbhasbun bad ka burom. Um kyntait ïa kaei kaei kaba bha na kito kiba leh ïa kaei kaei kaba dei.

SALM 97:11

Ka jingshai ka tyngshaiñ ha kiba hok, bad ka jingkmen ha kiba bha.

ISAÏAH 2:5

Mynta, ko ki khun ki ksiew jong u Jakob, to ngin ïaid ha ka jingshai kaba U Trai u ai ha ngi!

ISAÏAH 49:9

Ngan ong ha kiba shah set byndi, ‘Leit ha kaba laitluid!’ bad ïa kito kiba don ha ka jingdum, ‘Wan sha ka jingshai!’ Kin long kum ki langbrot kiba bam phlang halor ki lumrit;

ISAÏAH 50:10

Phi baroh kiba burom ïa U Trai bad kiba kohnguh ïa ki ktien u shakri jong u, ka lynti kaba phi ïaid ka lah ban long kaba dum da shisha, hynrei shaniah ha U Trai, aiti ha U Blei jong phi.

ISAÏAH 9:2

Ki briew kiba la ïaid ha ka jingdum ki la ïohi ïa ka jingshai kaba khraw. Ki la shong ha ka ri jong ki syrngiew, hynrei mynta ka jingshai ka la tyngshaiñ halor jong ki.

JEREMAÏAH 48:27

Ko Moab, to kynmaw kumno pha rkhiebeiñ ïa ki paid Israel? Pha la leh ïa ki kumba ki la ngat ha ka kynhun ki nonglute.

JEREMAÏAH 50:11

U Trai u ong, “Ko ki paid ka Babilonia, phi la lute ïa ka jaitbynriew jong nga. Phi kmen bad phi sngewbha, phi da leh kum ka masi ba ïaid haba shoh kba ne kum u kulai uba pah,

JEREMAÏAH 8:4

U Trai u la bthah ïa nga ban ong ha ki briew jong u, “Haba uno uno u kyllon, hato un ym ïeng pat? Lada uno uno u bakla lynti, hato un ym wan phai pat?

ESEKIEL 25:6

“Kane ka long kaei kaba U Trai Nongsynshar u ong: phi la thab ïa ki kti bad kynthih da ka jingkmen. Phi ñiewbeiñ ïa ka ri ki Israel.

ESEKIEL 35:15

kumba me shadkmen ha ka jingpynjot ïa ka Israel, ka nongkynti jong nga. Ki lumbah ka Seir, ho-oid, baroh ka ri Edom kin sah kynjah. Te baroh kin sa tip ba nga long U Trai.”

ESEKIEL 36:5

“Ma nga, U Trai Nongsynshar, nga la kren ha ka jingbitar lep jong nga pyrshah ïa ki jaitbynriew kiba don sawdong bad khamtam pyrshah ïa ka Edom. Da kaba shadkmen bad da kaba leh ibeiñ, ki kurup ïa ka ri jong nga bad shim kynti ïa ki jaka phlang jong ka.

AMOS 9:11

U Trai u ong, “Ka sngi ka la poi haba ngan pynïeng pat ïa ka hima u Dabid kaba long kum ka ïing kaba la khyllem ha ki jingjot. Ngan shna pynbha ïa ki kynroh jong ka bad ngan pynïeng pat ïa ka. Ngan tei pat ïa ka bad ngan pynlong ïa ka kumba ka la ju long mynshuwa.

OBADAÏAH 1:12

Pha la dei ban ym risa beiñ halor ka jingshem jynjar jong ki hynmen ki para jong pha ha Judah. Pha la dei ban ym lehkmen ha ka sngi ka jingpynjot ïa ki. Pha la dei ban ym rkhie ïa ki ha ka jingjynjar jong ki.

MIKAH 4:10

To phai bad to ud, ko ki briew ka Jerusalem, kum ka briew ka ban sa kha khun, naba mynta phin sa hap ban ieh ïa ka nongbah bad ban im ha rudnong. Phi dei ban leit sha Babilon, hynrei hangta U Trai un pyllait ïa phi na ki nongshun jong phi.

MIKAH 7:10

Te ki nongshun jong ngi kin ïohi ïa kane bad kin shah pynjahburom — kijuh ki nongshun kiba la pynthut ïa ngi da kaba kylli, “Hangno U Trai U Blei jong phi u don?” Ngin ïohi ba ki la shahjop, shah ïuh kum ka ktieh ha ki lynti bah.

SEKHARAÏAH 12:8

Ha kata ka por U Trai un ïada ïa kito kiba shong basah ha Jerusalem, bad wat kiba tlot tam napdeng jong ki kin long kiba khlaiñ kumba long u Dabid. Ki khun ki ksiew jong u Dabid kin ïalam ïa ki kum u angel jong U Trai, kum U Blei hi da lade.

MALAKHI 4:2

Hynrei na ka bynta jong phi kiba kohnguh ïa nga, ka bor jong nga kaba pynim kan kiew halor jong phi kum ka sngi bad kan wallam jingkhiah kum ki kjat sngi. Phin long kiba laitluid bad bakmen kum ki khun masi ba la pyllait na ka sem.

MATHAÏOS 4:16

Ki briew kiba shong ha ka jingdum kin ïohi ïa ka jingshai kaba khraw. Ha kito kiba im ha ka ri ba-dum jong ka jingïap ka jingshai kan tyngshaiñ.”

ÏOANNIS 16:20

Nga ong ha phi ïa ka jingshisha: Phin ïam bad phin ïamkthang, hynrei, ka pyrthei kan shadkmen; phin ïasngewsih, hynrei ka jingsngewsih jong phi kan kylla sha ka jingkmen.

ÏOANNIS 8:12

U Jisu u la kren biang ha ki Pharisi. “Nga long ka Jingshai jong ka Pyrthei,” u la ong. “Uno uno uba bud ïa nga un ïoh ïa ka jingshai jong ka jingim bad da lei lei un ym ïaid ha ka jingdum.”

KI KAM 26:18

Me dei ban pynpeit ïa ki khmat jong ki bad pynphai ïa ki na ka jingdum sha ka jingshai, bad na ka bor jong u Soitan sha U Blei, khnang ba da ka jingngeit jong ki ha nga kin ïoh ka jingmap noh ïa ki pop jong ki bad ïohpdiang ïa la ka jaka hapdeng ki briew kiba la jied jong U Blei.’

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.

JINGPYNPAW 21:23

Ka nongbah kam donkam ïa ka sngi lane ïa u bnai ban tyngshaiñ halor jong ka, namar ba ka burom jong U Trai ka tyngshaiñ halor jong ka, bad U Khunlangbrot u long ka sharak jong ka.

JINGPYNPAW 22:5

Yn ym don shuh kano kano ka miet, bad kin ym donkam ïa ki sharak lane ïa ka jingshai ka sngi, namar U Trai uba U Blei un long ka jingshai jong ki bad kin synshar kum ki syiem junom la junom.