MIKAH 7:4 - Khasi CL Bible (BSI)

⁴ Wat kiba bha tam bad bahok tam na ki, ki long ki bymdondor kum ki ñiut. Ka sngi ka la poi haba U Blei un pynshitom ïa ki briew, kumba u la maham ïa ki lyngba ki nongap phira, ki nongïathuhlypa. Mynta ki don ha ka jingkulmar jingmut.

KA BAIBL

⁴ U babha eh na ki u kum u dieng shiah: u bahok eh u kham sniew ban ïa ka jingker speh; ka sngi ki nongap phira jong me, ka jingwan khmih jong me keiñ, ka la wan; mynta te kan long ka jinglyngngoh ha ki.

MIKAH 7:4 ပူးပေါင်းရင်းမြစ်များ

ISAÏAH 10:3

Kaei phin leh haba U Blei u pynshitom ïa phi? Kaei phin leh haba u wallam ka jingpynjot halor jong phi na ka ri bajngai? Shano phin mareh ban shem jingïarap? Hangno phin buhrieh ïa ka spah jong phi?

ISAÏAH 22:5

Kane ka dei ka por jong ka jingkhih jingmut, ka jingshahjop, bad ka jingkulmar jingmut ha ka Them ka Jingïohipaw, bad U Trai U Nongsynshar Badonbor Baroh u la phah ïa ka ha ngi. Ïa ki kynroh jong ka nongbah jong ngi la tied pynkhyllem, bad ki jingkyang ban ïoh jingïarap ki la sawa hapdeng ki lum.

ISAÏAH 55:13

Ki dieng Kseh-Sypress kin san ha ka jaka kaba mynta ki don ki dieng shynraiñ; ki dieng Martl kin mih ha ka jaka ki shiah. Kane kan long ka dak ka ban neh junom, ka jingpynkynmaw ïa kaei kaba ma nga, U Trai, nga la leh.”

JEREMAÏAH 10:15

Ki long ki bymdondor bad dei ban ñiewbeiñ; yn sa pynjot ïa ki haba U Trai u wan ban leh ïa ki.

JEREMAÏAH 11:23

Nga la buh ka por ïa ka ban wallam ka jingpynjot ha ki briew jong ka Anathoth, bad haba kata ka por ka wan, yn ym don mano mano ruh na ki u ban lait im.”

JEREMAÏAH 46:21

Wat ki shipai ba shu wai jong ka ki long khlem bor kum ki khun masi. Kim shym ïeng ban ïaleh; baroh na ki, ki phai bad phet noh. Ka sngi jong ka jingshahjop ka la poi, ka por jong ka jingpynjot ïa ki.

JEREMAÏAH 8:12

Ko ki briew jong nga, hato phim lehrain namar ba phi leh ïa kine kiei kiei kiba ijli? Em, phim shym lehrain satia; phim shym tip hi ruh kumno ban sawkyr-ang! Bad kumta phin kyllon kumba kiwei pat ki la kyllon; haba nga pynshitom ïa phi, kata kan long ka jingkut jong phi. Ma nga, U Trai, nga la kren.

ESEKIEL 2:6

“Hynrei ma me, ko khun u briew, wat sheptieng ïa ki lane ïa kano kano ba ki ong. Kin beiñ bad ym kheiñ ïa me; bad kan long kumba im hapdeng ki 'ñianglartham. La katta ruh, wat sheptieng ïa kito kiba ïaleh pyrshah lane ïa kano kano kaba ki ong.

ESEKIEL 28:24

U Trai u la ong, “Yn ym don na ki hima ba-marjan kiba la ñiewbeiñ ïa ka Israel da ka jingkrenbeiñ, ki ban long pat kum ki shiah bad ki shiah buid ban pynmong ïa ki Israel. Bad kin tip ba ma nga, nga long U Trai Nongsynshar.”

AMOS 8:2

U Trai u kylli, “Ko Amos, me ïohi aïu?” “Shi shang ki soh,” nga la jubab. Nangta U Trai u la ong ha nga, “Kaba kut ka la wan ha ki briew jong nga ki Israel. Ngan ym kylla shuh la ka jingmut shaphang kaba pynshitom ïa ki.

NAHUM 1:10

Kum ïa ki shiah kiba la thain bad ïa u phlangïap ba-tyrkhong, ïa phi ki nongbuaid yn thang duh!

LOUKAS 21:25

“Kin don kiei kiei kiba phylla ki ban jia ha ka sngi, ha u bnai, bad ha ki khlur. Ha ka pyrthei, ki ri baroh kin don ha ka jingnoh mynsiem, ki tieng ïa ka jingkyrhuh jong ka duriaw bad ïa ka jingkhih phaloh ki jingat phyllung.

HEBRU 6:8

Hynrei lada ka pynmih ïa ki shiah bad ïa ki ñiut, kam dondor ei ei; ka don ha ka, ka jingma naba U Blei un tim bad pynjot da ka ding.