MIKAH 7:2 - Khasi CL Bible (BSI)

² Ym don shuh u briew uba hok uba dang don ha ka ri, ym don mano mano baïaineh bad U Blei. Uwei pa uwei u ap ïa ka kabu ban pynïap briew. Uwei pa uwei u behmrad ïa la u para shnong.

KA BAIBL

² Ki babha ki la duh noh na ka khyndew, te ym don u bahok hapdeng ki briew: baroh ki ïa-ap thap ïa ka snam; ki ïabeh mrad uwei uwei baroh ïa la u para da ka jar.

MIKAH 7:2 ပူးပေါင်းရင်းမြစ်များ

SALM 10:9

u ap ha la ka jakarieh kum u sing. U dem ban ap ïa kiba duk, u kem ïa ki ha ki jingriam jong u bad u paring ïa ki sharud.

SALM 12:1

Ïarap ïa ngi, A Trai! Ym don shuh u briew uba bha uba dang sah; ym lah shuh ban shem ïa ki briew kiba hok.

SALM 12:2

Baroh na ki, ki lamler iwei ïa iwei pat; ki shukor iwei ïa iwei pat da ki kyntien pynroh.

SALM 57:6

Ki nongshun jong nga ki la pyiar ïa ka jar ban kem ïa nga; la tyllep ïa nga da ka jingkhuslai. Ki tih ïa ka 'liewlep ha ka lynti ïaid jong nga, hynrei ki hap hi ïa lade ha ka.

PROBERB 1:11

Tharai lada ki ong, “Ale ngin leit apthap ïano ïano ban ïoh pynïap! Ïa ngin leit tur ïaleh ïa ki briew kiba lui lui tang ban shu ïoh leh dusmon!

PROBERB 12:6

Ki ktien jong ki bymman ki long kum ban pynïap, hynrei ki ktien jong kiba hok ki pyllait im ïa kito kiba shah byrngem.

ISAÏAH 3:5

Uwei pa uwei un shim kabu ïa uwei pat. Ki samla kin ym burom ïa ki rangbah, bad ki riewpoh kin ym burom ïa kiba halor jong ki.

ISAÏAH 57:1

Ki briew kiba bha ki ïap, bad ym don uba sngewthuh lane wat ban suidñiew. Hynrei haba ki ïap, yn ym don jingjynjar shuh ki ban ktah ïa ki.

ISAÏAH 59:7

Borabor phi thmu ïa kaei kaei kaba sniew, bad phim lah ap ban leh ïa kata. Phim ju sngew ei ei ban pynïap ïa ki briew kiba lui lui; ka jingduh bad ka jingpynjot ki wan jia kat shaba phi leit.

ISAÏAH 9:19

Namar ba U Trai Badonbor Baroh u bitar, ka jingpynshitom jong u ka pluh kum ka ding ha kylleng jong ka ri bad ka pynjot thiaw ïa ki briew, bad dei ma ngi iwei pa iwei ïa lade hi.

JEREMAÏAH 16:16

U Trai u ong, “Nga phah khot ïa shibun ki nongtong dohkha ban wan bad kem ïa kine ki briew. Nangta ngan phah khot ïa shibun ki nongbeh mrad ban thwet pynïap ïa ki halor uwei pa uwei u lumbah bad u lumrit bad hapoh ki krem hapdeng ki mawsiang.

JEREMAÏAH 5:16

Ki rang bahryntieh jong ki, ki long ki shipai bakhrawbor kiba pynïap khlem jingisynei.

JEREMAÏAH 5:26

“Ki riewsniew ki don hapdeng ki briew jong nga; ki apthap kum ki briew kiba phriang ïa ki jar ban riam ïa ki sim, hynrei kiba pynap ïa ki jingriam jong ki ban riam ïa ki briew.

JEREMAÏAH 8:6

Nga la shahshkor biang biang, hynrei phim shym kren ïa ka jingshisha. Ym don mano mano na phi uba la sngewsih ïa la ka jinglong basniew; ym don mano mano na phi uba la kylli, ‘Nga la leh bakla aïu?’ Uwei uwei baroh u ïai ïaid ha la ka lynti, kum u kulai uba pynstet sha ka thma.

SNGEWSYNEI 4:18

U Nongshun u la ap khmih ïa ngi; ngim lah wat ban ïaid ha ki lynti bah. Ki sngi jong ngi ki la kut; kaba kut ka la wan.

ESEKIEL 22:12

Don na ki briew jong pha, kiba pynïap ïa ki briew da kaba ïoh jingsiew. Don kiba shim sut halor ki ram ba ki ai ïa ki para jait Israel bad ki riewspah da kaba shim kabu ïa ki. Ki la klet ïa nga.” U Trai Nongsynshar u la kren.

ESEKIEL 24:6

Kane ka long kaei kaba U Trai Nongsynshar u ong: “Ka nongbah jong ki nongpynïap briew ba la tim! Ka long kum u khiew ba sarang u bym ju pynkhuid. Ïa kawei hadien kawei ka dkhot doh la sei shabar, bad ym shym pynsah kawei ruh.

HOSIA 5:1

“To shahshkor ïa kane, phi ki lyngdoh! To pynleit jingmut, phi ki paid Israel! To shahshkor, phi kiba na ka longïing u syiem! La khmih lynti ïa phi ban bishar da ka hok — Kumta ka jingbishar kan wan hap ha phi! Phi la long ka jingriam ha Mispah, ka jar ba la pynap ha u lum Tabor,

HOSIA 6:9

Ki lyngdoh ki long kum ka kynhun ki nonglute kiba apthap ïa u briew. Wat ha ka lynti sha ka jaka bakhuid ha Shekhem ki pynïap briew. Bad ki leh ïa kane kaba sniew baroh da kaba thmu lypa!

MIKAH 2:8

U Trai u jubab, “Phi tur ïaleh ïa ki briew jong nga kum ki nongshun. Ki rangbah ki wan phai na ka thma, da kaba pyrkhat ba kin shngain ha ïing, hynrei hangta ki shem, ïa kiba ap ban tuh noh ïa ki jaiñphong na ka met jong ki.

MIKAH 3:10

Phi tei ïa ka nongbah jong U Blei, ka Jerusalem, ha ka nongrim jong ka jingpynïap briew bad ka jingbishar bymhok.

MIKAH 3:2

pynban phi isih ïa kaei kaba bha bad phi ieit ïa kaei kaba sniew. Phi khoh snieh im ïa ki briew jong nga bad phi tar ïa ka doh na ki shyieng jong ki.

SEKHARAÏAH 11:6

(U Trai u la ong, “Ngan ym isynei shuh ïano ïano ha ka pyrthei. Ma nga da lade ngan buh ïa ki briew baroh hapoh ka bor jong ki nongsynshar jong ki. Kine ki nongsynshar kin pynjot ïa ka pyrthei, bad ngan ym pyllait ïa ka na ka bor jong ki.”)

KI KAM 24:9

Ki Jiw ki la kyrshan ïa kane ka jingmudui bad ki la ong ba kane baroh ka long kaba shisha.

1 SAMUEL 24:11

Ha khmih, ko pa jong nga, khmih ïa ka lyngkhot ka jaiñkup jong phi kaba nga bat! Ngan jin da la pynïap ïa phi, hynrei pynban nga shu ot noh tang ïa kane. Kane ka dei ban pynthikna ïa phi ba ngam don jingmut ei ei ban ïaleh pyrshah ne pynmynsaw ïa phi. Phi la beh mrad ïa nga ban pynïap ïa nga, wat la ngam shym leh kano kano kaba bakla ïa phi.

1 SAMUEL 26:20

Wai ai ba ngan shah pynïap ha ka ri nongwei, jngai na U Trai. Balei u syiem Israel un wan ban pynïap ïa u thyllah kum ïa nga? Balei un beh ïa nga kumba beh ïa ka sim khlaw?”