MIKAH 7:19 - Khasi CL Bible (BSI)

¹⁹ Men long uba leh-isynei sa shisien pat. Men ïuh ha ki kjat ïa ki pop jong ngi bad ñiat ïa ki sha trai jong ka duriaw!

KA BAIBL

¹⁹ Un phai pat bad un isynei ïa ngi; un ïuh ïa ki jingbymhok jong ngi hapoh ki sla'jat jong u: bad men bred ïa ki pop jong ki ha kiba jylliew ka duriaw.

MIKAH 7:19 ပူးပေါင်းရင်းမြစ်များ

2 SAMUEL 24:14

U Dabid u jubab, “Nga don ha ka khim khait! Hynrei ngam kwah ba ngan shah pynshitom ha ki briew. Ai ba U Trai da lade hi un dei uta u ban pynshitom ïa ngi, namar u long uba dap da ka jingisynei.”

SALM 103:12

Kumba ka jngai ka mihngi na ka sepngi, kumta ruh u weng noh ïa ki pop jong ngi na ngi.

SALM 130:8

Un pynim ïa ki briew jong u ki Israel na ki pop jong ki baroh.

SALM 85:3

Me la sangeh ban bitar ïa ki, bad me la phai noh na ka jingbitar shla jong me.

ISAÏAH 33:24

Yn ym don uba shong ba sah ha ka ri jong ngi, u ban dang ud pang, bad ïa ki pop baroh yn map.

ISAÏAH 38:17

Ka jingkthang jong nga ka kylla sha ka jingsuk. Me pyllait ïa ka jingim jong nga na ka jingma baroh; me map ïa ki pop jong nga baroh.

ISAÏAH 43:25

Bad pynban, nga long U Blei uba map ïa ki pop jong phi, bad nga leh ïa kane namar uei ba nga long. Ngan ym bat ïa ki pop jong phi pyrshah ïa phi.

JEREMAÏAH 31:20

“Ko Israel, phi long u khun ba-ieit eh jong nga, u khun uba nga ieit tam. Man ba nga ong ïa ka kyrteng jong phi, nga pyrkhat shaphang jong phi da ka jingieit. Ka dohnud jong nga ka leit sha phi; ngan isynei ïa phi.

JEREMAÏAH 31:34

Yn ym don uwei ruh na ki u ban hap hikai ïa la u para ri ban tip ïa U Trai, namar baroh kin tip ïa nga, naduh uba rit tam haduh uba khraw tam. Ngan map ïa ki pop jong ki bad ngan ym kynmaw shuh ïa ki jingbakla jong ki. Ma nga, U Trai, nga la kren.”

JEREMAÏAH 33:8

Ngan pynkhuid ïa ki na ki pop kiba ki la leh pyrshah ïa nga, bad ngan map ïa ki pop jong ki bad ka jingïaleh pyrshah jong ki.

JEREMAÏAH 50:20

Haba kata ka por ka wan, yn ym shem ïa ka pop ha Israel bad ïa ka jingbymman ha Judah, namar ngan map ïa kito ki briew kiba nga la pynsah ïa ka jingim jong ki. Ma nga, U Trai, nga la kren.”

SNGEWSYNEI 3:22

Ka jingieit baneh bad ka jingisynei jong U Trai ka ïaineh,

SNGEWSYNEI 3:32

U lah ban wallam ka jingsngewsih ha ngi, hynrei ka jingieit jong u ïa ngi ka long kaba thikna bad kaba khlaiñ.

ESEKIEL 18:22

Ïa ki pop jong u baroh yn map, bad un im, namar u la leh ïa kaei kaba dei.

ESEKIEL 39:29

Ngan theh buk ïa U Mynsiem jong nga ha ki paid Israel, bad ngan ym phai dien shuh na ki. Ma nga, U Trai Nongsynshar, nga la kren.”

DANIEL 9:24

“Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

HOSIA 14:2

To phai sha u Trai, bad ai ba kane ka jingduwai kan long ka jingainguh sha u: “To map ïa ki pop jong ngi baroh bad pdiang ïa ki jingduwai jong ngi, bad ngin ïaroh ïa me kumba ngi la kular.

HOSIA 14:4

U Trai u ong, “Ngan wanlam pat ïa ki briew jong nga sha lade. Ngan ieit ïa ki da ka dohnud jong nga baroh; ngan ym bitar shuh ïa ki.

SEKHARAÏAH 3:4

U angel u la ong ha la ki shakri ba kynja bneng, “Shim noh ïa ki jaiñ bajakhlia kiba une u briew u phong.” Nangta u ong ha u Joshua, “Nga la shim noh ïa ka pop jong me bad ngan ai ha me ki jaiñ bathymmai ban phong.”

Ka Shithi U Paul Sha Ki Nong Rom 6:14

Ka pop kam dei ban long ka kynrad jong phi; namar phim im hapoh ka hukum hynrei hapoh ka jingaiei U Blei.

Ka Shithi U Paul Sha Ki Nong Rom 8:13

Naba lada phi im kat kum ka jinglong ba kynja doh, phin sa ïap; hynrei lada da U Mynsiem phi pynïap noh ïa ki jingleh ka pop, phin im.

DEUTERONOMI 30:3

U Trai U Blei jong phi un leh-isynei ïa phi. Un wan ïalam pat ïa phi napdeng kita ki jaitbynriew sha kiba u la pynsakma ïa phi, bad un pynbha pat ïa phi.

DEUTERONOMI 30:6

U Trai U Blei jong phi un pynlong ïa phi kiba kohnguh hukum, khnang ba phin ieit ïa u da ka dohnud jong phi baroh bad da ka mynsiem jong phi baroh, bad ba phin ïaishong ha kata ka ri.

DEUTERONOMI 32:36

U Trai un pyllait im ïa la ki briew haba u ïohi ba kim donbor shuh. Un isynei ïa kito kiba shakri ïa u haba u ïohi ba kim lah leh ei ei shuh.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

HEBRU 8:12

Ngan map ïa ki pop jong ki bad ngan ym kynmaw shuh ïa ki jingleh bymdei jong ki.”

1 ÏOANNIS 3:8

Uno uno uba ïai leh ïa ka pop, u long jong u Soitan, namar u Soitan u la leh pop naduh kaba mynnyngkong eh. U Khun U Blei u la paw na ka bynta kane hi ka daw, ban pynjot noh ïa kaei kaba la leh da u Soitan.