MIKAH 7:18 - Khasi CL Bible (BSI)

¹⁸ Ym don uwei pat u blei kum ma me, A Trai; me map ïa ki pop jong ki briew jong me kiba la lait im. Mem neh junom ha ka jingbitar, hynrei me sngewbha haba me pynpaw ïa ka jingieit baïaineh jong me.

KA BAIBL

¹⁸ Uei uba long U Blei kat ma me, uba map ïa ka jingbymhok, bad uba ïaid lait ïa ka jingryngkang jong kita kiba sah ka jingïoh kynti jong u? um bat ïa la ka jingbitar junom, namar u sngewbha ha ka jingisynei.

MIKAH 7:18 ပူးပေါင်းရင်းမြစ်များ

JENESIS 4:7

Lada me la leh ïa kaba dei, men jin da la phuh samrkhie; hynrei namar ba me la leh ïa kaba sniew, ka pop ka apthap ha ka jingkhang jong me. Ka kwah ban synshar ïa me, hynrei me dei ban jop ïa ka.”

1 SYIEM 8:23

bad u duwai, “A Trai U Blei ki Israel, ym don U Blei uba kum ma me ha bneng shajrong ne ha khyndew shapoh! Me bat ïa ka jutang bad me pynpaw ïa la ka jingieit ha la ki jong ki briew kiba kohnguh ïa me naduh ka mynsiem.

2 KHRONIKL 30:9

Lada phi wan phai sha U Trai, te kito kiba la rah koidi ïa ki ba-ha-ïing ha-sem jong phi kin sngewsynei ïa ki, bad shah ïa ki ban wan phai pat sha ïing. U Trai U Blei jong phi u long uba sbun bad uba dap da ka jingisynei, bad lada phi wan phai sha u, un pdiang ïa phi.”

2 KHRONIKL 6:21

To sngew ïa ki jingduwai jong nga bad ki jingduwai jong ki briew jong me ki Israel haba ki phai khmat sha kane ka jaka bad duwai. Na ka ïing jong me ha bneng, to sngew ïa ngi bad map ïa ngi.

NEHEMAÏAH 9:17

Ki la kyntait ban kohnguh; ki la klet ïa baroh kaba me la leh; ki la klet noh ïa ki kambah kiba me la leh. Ha ka jingsarong jong ki, ki la jied u nongïalam ban ïalam biang ïa ki sha ka jinglongmraw ha Ijipt. Hynrei me long U Blei uba map; me long uba dap da ka jingaiei bad ka jingieit, uba suki ban bitar. Ka jingisynei jong me ka long kaba khraw; mem shym iehnoh ïa ki.

SALM 103:13

Kumba u kpa u long uba sbun ïa ki khun jong u, kumjuh ruh U Trai u long uba sbun ïa kito kiba pyndonburom ïa u.

SALM 130:4

Hynrei me map ei ïa ngi, khnang ba ngi dei ban tiengburom ïa me.

SALM 35:10

Da ka dohnud jong nga baroh ngan ong ha U Trai, “Ym don uno uno kum ma me, me ïada ïa uba tlot na uba khlaiñ, ïa uba duk na u nongbanbeiñ.”

SALM 65:3

namar ki pop jong ki. Ki jingduna jong ngi ki jop ïa ngi hynrei me map ïa ki.

SALM 65:4

Suk kito kiba me la jied, kito kiba me la wallam ban shong ha ka jaka kyntang jong me. Yn pynkdang ïa ngi da kiei kiei kiba bha jong ka ïing jong me, ki jingkyrkhu jong ka Templ bakyntang jong me.

SALM 71:19

Ka hok jong me, A Blei, ka kot ïa ki sahit bneng. Me la leh ïa kiei kiei kiba khraw, ym don mano mano uba kum ma me.

SALM 86:15

Hynrei ma me, ko Trai, me long U Blei uba isynei bad uba ieit, uba ïaishah borabor, uba ïai lehsbun bad uba ïaineh.

SALM 86:5

Me long uba bha ïa ngi bad uba map ei, uba shlei da ka jingieit baneh ïa kito baroh kiba duwai sha me.

SALM 89:6

Ym don ha bneng u ba kum ma me, A Trai; ym don ki jingthaw ha bneng uba long mar ryngkat bad me.

SALM 89:8

A Trai U Blei Badonbor Baroh, ym don uba khlaiñbor kum ma me, ha kiei kiei baroh me long uba ïaineh, A Trai.

EKSODOS 15:11

“Ko Trai, uei uba kat ma me hapdeng ki blei? Uei keiñ uba kum ma me, uba phylla ha ka jinglongkhuid? Uei uba lah ban leh ki kambah bad ki kamphylla kum ma me?

EKSODOS 34:9

U la ong, “Ko Trai, lada me sngewbha shisha ïa nga, nga kyrpad ïa me ban wan ryngkat bad ngi. Kine ki briew ki long kiba mutlop, hynrei map ïa ka jingbymman bad ka pop jong ngi, bad pdiang ïa ngi kum ki briew ki jong me hi.”

ISAÏAH 1:18

U Trai u ong, “Mynta, to ngin pynbeit ïa kane ka kam. Pha la khah saw da ka pop, hynrei ngan sait ïa pha ban khuid kum ka ïor. La ki jingkhah tngit jong pha ki saw hain hain, phan lieh kum u shñiuh langbrot.

ISAÏAH 33:24

Yn ym don uba shong ba sah ha ka ri jong ngi, u ban dang ud pang, bad ïa ki pop baroh yn map.

ISAÏAH 38:17

Ka jingkthang jong nga ka kylla sha ka jingsuk. Me pyllait ïa ka jingim jong nga na ka jingma baroh; me map ïa ki pop jong nga baroh.

ISAÏAH 40:18

Badno lah ban nujor ïa U Blei? Kumno phi lah ban batai kaei ba u long?

ISAÏAH 40:25

Badno lah ban ïanujor ïa U Blei bakhuid? Don uno uno ba kum ma u?

ISAÏAH 43:25

Bad pynban, nga long U Blei uba map ïa ki pop jong phi, bad nga leh ïa kane namar uei ba nga long. Ngan ym bat ïa ki pop jong phi pyrshah ïa phi.

ISAÏAH 44:22

Nga la weng noh ïa ki pop jong phi kum ïa u lyoh. To wan phai pat sha nga; nga long uta uba la pynim ïa phi.”

ISAÏAH 55:7

To ai ba ki bymman kin iehnoh ïa la ka rukom im bad ban kylla ïa ka rukom pyrkhat. To ai ba kin phai sha U Trai. U Blei jong ngi u long uba dap da ka jingisynei bad uba kloi ban map ei.

ISAÏAH 57:10

Phi pynthait ïa lade ban leit wad ïa kiwei pat ki blei, hynrei phim shym la sangeh. Phi pyrkhat ba ki bleithaw ba-ijli jong phi kin ai bor ïa phi, bad kumta phim ju khie tlot.

ISAÏAH 57:16

Nga ai ka jingim ïa ki briew jong nga, bad ngan ym mudui sah ïa ki lane bitar ïa ki junom.

ISAÏAH 62:5

Kum u samla uba shim ïa ka theisotti kum ka nongleitkurim jong u, uta uba pynlong ïa pha un shongkurim ïa pha, kumba u nongleitkurim u shem sngewbha bad ka nongleitkurim jong u, kumta U Blei jong pha un shem sngewbha ïa pha.

ISAÏAH 64:9

Me la thaw ïa ngi, kumta wat bitar eh ïa ngi, lane bat ïa ki pop jong ngi pyrshah ïa ngi junom. Ngi long ki briew jong me; to isynei ïa ngi.

ISAÏAH 65:19

Ïa nga ruh yn pyndap da ka jingkmen namar ka Jerusalem bad ki briew jong ka. Hangta yn ym don shuh ka jingïam, yn ym don shuh ki ban khot kyrpad ban ïoh jingïarap.

JEREMAÏAH 3:12

U la bthah ïa nga ban leit bad ong ha ka Israel, “Ko Israel bymïaineh, to wan pat sha nga. Nga long uba dap da ka jingisynei bad ngan ym bitar; ngan ym bitar ïa pha shi junom.

JEREMAÏAH 3:5

Men ym ïai bitar; men ym khih bitar ïa nga shi junom.’ Ko Israel kata ka dei kaei kaba pha la ong, hynrei pha la leh ïa ka jingsniew kat kaba pha lah.”

JEREMAÏAH 31:20

“Ko Israel, phi long u khun ba-ieit eh jong nga, u khun uba nga ieit tam. Man ba nga ong ïa ka kyrteng jong phi, nga pyrkhat shaphang jong phi da ka jingieit. Ka dohnud jong nga ka leit sha phi; ngan isynei ïa phi.

JEREMAÏAH 31:34

Yn ym don uwei ruh na ki u ban hap hikai ïa la u para ri ban tip ïa U Trai, namar baroh kin tip ïa nga, naduh uba rit tam haduh uba khraw tam. Ngan map ïa ki pop jong ki bad ngan ym kynmaw shuh ïa ki jingbakla jong ki. Ma nga, U Trai, nga la kren.”

JEREMAÏAH 32:41

Ngan sngewbha ha kaba leh kiei kiei kiba bha na ka bynta jong ki, bad ngan buh pynskhem junom ïa ki ha kane ka ri.

JEREMAÏAH 33:8

Ngan pynkhuid ïa ki na ki pop kiba ki la leh pyrshah ïa nga, bad ngan map ïa ki pop jong ki bad ka jingïaleh pyrshah jong ki.

JEREMAÏAH 38:8

Kumta u Ebedmelekh u la leit shata bad ong ïa u syiem.

JEREMAÏAH 50:20

Haba kata ka por ka wan, yn ym shem ïa ka pop ha Israel bad ïa ka jingbymman ha Judah, namar ngan map ïa kito ki briew kiba nga la pynsah ïa ka jingim jong ki. Ma nga, U Trai, nga la kren.”

JEREMAÏAH 9:24

Lada uno uno u kwah ban kob sarong, u dei ban kob sarong ba u ithuh bad ba u shemphang ïa nga, namar ka jingieit jong nga ka long kaba neh, bad nga leh ïa kaba hok bad kaba dei. Kine ki long kita kiei kiei kiba pynsngewbha ïa nga. Ma nga, U Trai, nga la kren.”

ESEKIEL 18:23

Hato phi pyrkhat ba nga kmen ban ïohi ba ki briew kiba sniew ki ïap?” U Trai Nongsynshar u kylli. “Em, nga kham mon ban ïohi ïa ki ba ki kylla-kaba-mut bad ki im.

ESEKIEL 33:11

Ïathuh ha ki, ba da shisha ma nga, U Trai Nongsynshar, Nga long U Blei uba im, ngam sngewbha ban ïohi ba u nongpop u ïap. Ngan jin da la ïohi ïa u ba u sangeh kaba leh pop bad u im. Ko Israel, sangeh noh ka bymman ba pha leh. Balei pha kwah ban ïap?

ESEKIEL 33:16

Ngan map noh ïa ki pop ba u la leh, bad un im namar ba u la leh ïa kaei kaba dei bad kaba bha.

DANIEL 9:9

Me long uba dap da ka jingisynei bad uba map, wat la ngi la ïeng ïaleh pyrshah ïa me.

HOSIA 14:2

To phai sha u Trai, bad ai ba kane ka jingduwai kan long ka jingainguh sha u: “To map ïa ki pop jong ngi baroh bad pdiang ïa ki jingduwai jong ngi, bad ngin ïaroh ïa me kumba ngi la kular.

HOSIA 14:5

Ngan long ïa ki paid Israel kum u slap ha ka dewryngkhiang. Kin phuh kum ki syntiew; kin suhthied skhem kum ki dieng ha Lebanon.

JOEL 2:32

Hynrei baroh uba kyrpad ïa U Trai na ka bynta ka jingïarap, yn pynim. Kumba U Trai U la ong, ‘Katto katne ha Jerusalem, kin lait im; kito ïa kiba nga jied, kin im.’ ”

AMOS 1:11

U Trai u ong, “Ki briew ka Edom ki la ïai leh pop, bad na ka bynta kane ngan pynshitom da shisha ïa ki. Ki la beh krad ïa la ki hynmen ki para, ïa ki Israel bad khlem da pyn-i jingisynei ïa ki. Ka jingbitar jong ki kam don pud bad kim shah ba kin ïap.

AMOS 7:8

U la kylli ïa nga, “Amos, me ïohi aïu?” “U Sawar,” nga la jubab. Nangta u ong, “Nga pyndonkam ïa u ban pyn-i ba ki briew jong nga ki long kum ka kynroh ka bym biang sawar. Ngan ym kylla shuh la ka jingmut shaphang kaba pynshitom ïa ki.

AMOS 8:2

U Trai u kylli, “Ko Amos, me ïohi aïu?” “Shi shang ki soh,” nga la jubab. Nangta U Trai u la ong ha nga, “Kaba kut ka la wan ha ki briew jong nga ki Israel. Ngan ym kylla shuh la ka jingmut shaphang kaba pynshitom ïa ki.

JONAH 4:2

Kumta u la duwai, “A Trai, hato ngam la ong shuwa ba ngan mih na ïing ba kane ka dei kaei kaba men leh? Dei na kata ka daw ba nga la pyrshang tyngeh ban phet noh sha Spain! Nga la tip ba me long U Blei ka jingieit bad ka jingisynei, uba ïaishah slem, uba sbun borabor, bad uba kloi borabor ban kylla ïa la ka jingmut ban ym pynshitom.

MIKAH 2:12

“Hynrei ngan lumlang ïa phi, phi baroh ki paid Israel kiba dang sah. Ngan wallam lang ïa phi kum ki langbrot sha ka kynhun. Kum ka jaka bam phlang ba-dap da ki langbrot, ka ri jong phi kan dap biang sa shisien da ki paidbah babun.”

MIKAH 4:7

Ki la long kiba dkoh bad jngai na ïing, hynrei ngan pynlong ka jingsdang kaba thymmai bad kito kiba sah, bad kin long ka jaitbynriew kaba khraw. Ngan synshar halor jong ki ha u lum Seïon naduh kata ka por bad junom.”

MIKAH 5:3

Kumta, U Trai un sa aiti noh ïa la ki briew sha ki nongshun jong ki haduh ba ka briew ka ban sa kha kan ïoh ïa u khun jong ka. Nangta kito ki paid Israel kiba dang don ha ka jingshah ringmraw kin wan ïasoh lang bad ki briew la jong.

MIKAH 7:14

To long u nongaplangbrot ïa la ki briew, A Trai, ki briew kiba me la jied. Wat la ki shong saphred ha ka ri khlaw, ka don ka jaka baseisoh sawdong jong ki. To ai ba kin leit bad bam na ki jaka phlang bajyrngam jong ka Bashan bad ka Gilead, kumba ki la leh mynshuwa la slem bah.

SEPHANAÏAH 3:17

U Trai U Blei jong pha u long bad pha; ka bor jong u ka ai ha pha ka jingjop. U Trai un shem jingsngewbha ha pha, bad ha ka jingieit jong u un ai ha pha ka jingim bathymmai. Un rwai bad un kmen halor jong pha,

JINGKHEIÑ 23:21

Nga ïohi lypa ïa ka lawei jong ki Israel, Kan ym don ka jingkordit ne jinglanot ïa ki. U Trai U Blei jong ki u don ryngkat bad ki, Ki pynbna ba ma u, u long u syiem jong ki.

LOUKAS 15:32

Hynrei ngi la dei ban lehkmen bad ban sngewkmen, namar u para jong phi uba la ïap, hynrei mynta u dang im; u la jah, hynrei mynta la shem pat ïa u.’ ”

LOUKAS 24:47

bad ha ka kyrteng jong u ïa ka khubor shaphang ka Jingkylla-kaba-mut bad ka jingmap ïa ki pop dei ban ïalap sha ki jaitbynriew baroh, da kaba sdang na Jerusalem.

Ka Shithi U Paul Sha Ki Nong Rom 11:4

Kaei ka jubab ba U Blei u la ai ïa u? “Nga la buh na ka bynta jong nga, hynñiew hajar ngut ki rangbah ki bym shym la mane ïa u blei thala, u Baal.”

DEUTERONOMI 33:26

Ko Israel, ym don u blei uba kum U Blei jong phi, Uba ïaid ha ka burom ha sahit bneng, Uba ïaid ha ki lyoh ban wan ïarap ïa phi.

JAKOB 2:13

Naba U Blei un ym pyn-i jingsngewsynei haba u bishar ïa u briew u bym shym la leh-isynei; hynrei ka jinglehisynei ka jop noh halor ka jingbishar.

NONGBISHAR 10:16

Kumta ki bret noh ïa la ki blei nongwei bad ki la mane ïa U Trai; bad u la pisa halor ka jingjynjar jong ki Israel.