MIKAH 7:17 - Khasi CL Bible (BSI)

¹⁷ Kin par ha ka khyndew kum ki bseiñ; kin mih shabar na ki kut jong ki, da ka jingkyiuh bad jingsheptieng. Kin phai sha U Trai U Blei jong ngi ha ka jingsheptieng.

KA BAIBL

¹⁷ Kin jliah ïa ka 'dewmet kum u bseiñ; kum kiei kiei ki bapar ha ka khyndew kin wan da kaba khynñiuh na la ki jaka rieh: kin wan da kaba sheptieng ha U Trai U Blei jong ngi, bad kin kyiuh namar jong pha.

MIKAH 7:17 ပူးပေါင်းရင်းမြစ်များ

2 SAMUEL 22:46

Ki la duh ka jingshlur jong ki bad ki wan da kaba kyiuh na la ki jong ki kut.

2 KHRONIKL 17:10

U Trai u pynlong ïa ki hima kiba don sawdong ban sheptieng ban leit ïaleh thma pyrshah ïa u syiem Jehoshaphat.

SALM 18:45

Ki la duh ïa ka jingshlur jong ki, bad ki wan da ka jingkhynñiuh na ki kut jong ki.

SALM 72:11

Ki syiem baroh kin dem ngon ha khmat jong u, ki jaitbynriew baroh kin shakri ïa u.

SALM 72:9

Ki briew jong ka ri shyiap kin nguh ngon ha khmat jong u; ki nongshun jong u kin rynsied ïa lade ha madan.

SALM 9:20

Pynlong ïa ki ban sheptieng, A Trai! pynlong ïa ki ban tip ba ki dei tang ki briew.

ISAÏAH 25:3

Ki briew jong ki hima badonbor kin ïaroh ïa me bad yn sheptieng ïa me ha ki nongbah jong ki hima bashyrkhei.

ISAÏAH 49:23

Ki syiem kin long kum ki kpa ïa pha; ki mahadei kum ki kmie. Kin dem khrup ha khmat jong pha bad kin burom ïa pha; da kaba pynrit kin pyn-i burom ïa pha. Te phan tip ba nga long U Trai; uba ap ïa ka jingïarap jong nga un ym duh jingkyrmen.”

ISAÏAH 59:19

Naduh mihngi shaduh sepngi baroh kin sheptieng ïa u bad ïa ka bor bakhraw jong u. Un wan kum ka um ba kyrthep, kum ka lyer kaba jur.

ISAÏAH 60:14

Ki khun shynrang jong kito kiba la banbeiñ ïa pha kin sa wan ban dem khrup ban burom ïa pha. Baroh kito kiba la ju ibeiñ ïa pha kin dem ngon ha ki kjat jong pha. Kin khot ïa pha, ‘Ka Nongbah U Trai,’ ‘Ka Seïon, ka nongbah U Blei U Bakhuid ki Israel.’

ISAÏAH 64:2

Kin khynñiuh kum ka um ba dang shet halor ka ding kaba khluit. Ale bad pynpaw ïa ka bor jong me ha ki nongshun jong me, bad pynlong ïa ki jaitbynriew ban khynñiuh ha khmat jong me!

ISAÏAH 65:25

Ki suri bad ki khunlangbrot kin ïabam lang, ki sing kin bam phlang, kumba bam ki masi, bad ki bseiñ kin ym long shuh ka jingma. Ha Seïon, u lum bakyntang jong nga yn ym don shuh ka jingma ne kaba sniew.”

ISAÏAH 7:19

Kin ïaboi ha ki them khohruh khohram bad ha ki krem ha ki mawsiang, bad kin tap ïa kawei pa kawei ka bniap shiah bad ïa kawei pa kawei ka jaka pynbamphlang.

JEREMAÏAH 16:16

U Trai u ong, “Nga phah khot ïa shibun ki nongtong dohkha ban wan bad kem ïa kine ki briew. Nangta ngan phah khot ïa shibun ki nongbeh mrad ban thwet pynïap ïa ki halor uwei pa uwei u lumbah bad u lumrit bad hapoh ki krem hapdeng ki mawsiang.

JEREMAÏAH 33:9

Ka Jerusalem kan long ka thymmei jong ka jingkmen, ka burom bad ka jingsngew sarong ïa nga; bad ki jaitbynriew baroh ha ka pyrthei kin sheptieng bad khynñiuh haba kin ïohsngew ïa kiei kiei kiba bha kiba nga leh ïa ki briew ka Jerusalem bad shaphang ka jingroi jingpar kaba nga wallam ha ka nongbah.”

SNGEWSYNEI 3:29

ngi dei ban nguh ha ka jingpyndem, namar dang lah ban don ka jingkyrmen.

SEKHARAÏAH 14:5

Phin lait phet lyngba kane ka them kaba pynkhlad arliang ïa une u lumbah. Phin phet kumba ki kpa tymmen jong phi ki la leh mynba u jumai u khynñiuh ha ka por jong u Ussaïah u syiem ka Judah. U Trai U Blei jong nga un wan, un wallam ïa ki angel baroh lem bad u.

DEUTERONOMI 32:24

Kin ïap na ka jingthngan bad ka jingpang shit; kin ïap na ki jingpang kiba ishyrkhei. Te ngan phah ki mradkhlaw ban kynrup ïa ki, bad ki bseiñ kiba don bih ban puh ïa ki.

JOSHUA 9:24

Ki la jubab, “Bah, ngi la leh ïa ka namar ngi la tip shisha ba U Trai U Blei jong phi u la hukum ïa u Moses u shakri jong u ban ai ha phi ïa ka ri baroh kawei, bad ban pynïap ïa ki briew baroh kiba shong ha ka katba phi nang ïaid sha khmat. Ngi la leh ïa ka namar ba ngi la sngewsheptieng ïa phi; ngi don ha ka jingsyier ïa la ka jingim.

JINGPYNPAW 3:9

Shahshkor! Na ka bynta kato ka kynhun kaba dei ka jong u Soitan, kito kiba lamler kiba kam ba ki dei ki Jiw hynrei kim dei, ngan pynlong ïa ki ban wan bad dem khrup ha ki kjat jong pha. Baroh kin tip ba nga ieit ïa pha.

1 SAMUEL 14:11

Kumta ki shah ïa ki Philistia ban ïohi ïa ki, bad ki Philistia ki ong, “Ha khmih! katto katne ki Hebru ki wan mih na ki thliew ha kiba ki rieh!”