MIKAH 7:16 - Khasi CL Bible (BSI)

¹⁶ Ki jaitbynriew kin ïohi ïa kane bad kin sngewkhuslai wat hapdeng ka jingkhlaiñ jong ki baroh. Ha ka jinglyngngoh kin set ïa la ki shyntur bad tap ïa la ki shkor.

KA BAIBL

¹⁶ Ki jaid bynriew kin ïohi bad kin lehrain ïa ka bor jong ki baroh: kin buh ïa la ka kti ha ka shyntur jong ki, ki shkor jong ki kin kyllut.

MIKAH 7:16 ပူးပေါင်းရင်းမြစ်များ

Ka Kitab U Job 21:5

Khmih ïa nga. Hato kata kam la biang ba phin khmih ïa nga ha ka jingkyndit bad ban sngap noh jar?

SALM 126:2

A katno ngi rkhie, katno ngi rwai da ka jingkmen! Nangta kiwei pat ki jaitbynriew ki ong shaphang jong ngi, “U Trai u la leh kiei kiei kiba khraw na ka bynta jong ki.”

PROBERB 30:32

Lada phi la long kiba bieit shisha ban sngewmeng bad ban thmu sniew, sangeh bad pyrkhat!

ISAÏAH 26:11

Ki nongshun jong me kim tip satia ba men pynshitom ïa ki. A Trai, buh ïa ki ha ka jingjahburom bad ai ba kin jynjar; ai ba kin jynjar da ka jingpynshitom kaba me la pynkhreh. To pyn-i ïa ki haduh katno me ieit ïa la ki briew.

ISAÏAH 52:15

Hynrei mynta bun ki hima kin sngewphylla ïa u, bad ki syiem kin ym lait kren namar ka jingsngew lyngngoh. Kin ïohi bad kin sngewthuh katto katne kaba kim pat ju tip mynno mynno.”

ISAÏAH 66:18

Nga tip ïa ki jingpyrkhat bad ki kam jong ki, ngan wan ban lumlang ïa ki briew jong ki hima baroh. Haba kin ïawanlang, kin sa ïohi kaei ba ka bor jong nga ka lah ban leh bad kin sa tip ba nga dei uta uba pynshitom ïa ki.

ESEKIEL 38:23

Ha kane ka rukom ngan pyn-i ïa baroh ki jaitbynriew ba nga long uba khraw bad uba khuid. Kin sa tip, te, ba nga long U Trai.”

MIKAH 3:7

Kito kiba ïathuh lypa ïa ka lawei kin shah pynjahburom da ka jingbymlah jong ki. Baroh kin shah pynlehrain namar U Blei um shym jubab ïa ki.

MIKAH 5:8

Kito kiba dang sah napdeng ki jaitbynriew kin long kum u sing uba wad jingbam ha ka khlaw ne ha ka jaka bam phlang: U rung hapdeng ki langbrot, u kynrup ïa ki, bad tar lyngkhot ïa ki — bad hangta ym don jingkyrmen ban lait im.

HAGGAI 2:22

bad pynkyllon ïa ki hima bad pynkut ïa ka bor jong ki. Ngan pynkylla khongpong ïa ki kali ïapom bad ïa ki nongñiah jong ki; ki kulai kin ïap, bad ki nongshong kulai kin ïa-pynïap para ma ki.

SEKHARAÏAH 12:9

Ha kata ka por ngan pynjot ïa kawei pa kawei ka hima kaba pyrshang ban tur ïaleh ïa ka Jerusalem.

Ka Shithi U Paul Sha Ki Nong Rom 3:19

Mynta ngi tip ba kiei kiei baroh ha ka Hukum ki dei ïa kito kiba im hapoh ka Hukum, khnang ban pynsangeh ïa baroh ki jingaidaw jong ki briew bad wallam ïa ka pyrthei baroh kawei hapoh ka jingbishar U Blei.

JINGPYNPAW 11:18

Kiba mane blei thala ki la dap da ka jingbitar shla, namar ka por jong ka jingbitar jong me ka la poi, ka por ban bishar ïa kiba ïap. Ka por ka la poi ban ainong ïa ki shakri jong me, ki nongïathuhlypa, bad ïa ki briew jong me baroh, kito baroh kiba tiengburom ïa me, kiba khraw bad kiba rit kumjuh. Ka por ka la poi ban pynjot ïa kito kiba pynjot ïa ka pyrthei!”