MIKAH 7:14 - Khasi CL Bible (BSI)

¹⁴ To long u nongaplangbrot ïa la ki briew, A Trai, ki briew kiba me la jied. Wat la ki shong saphred ha ka ri khlaw, ka don ka jaka baseisoh sawdong jong ki. To ai ba kin leit bad bam na ki jaka phlang bajyrngam jong ka Bashan bad ka Gilead, kumba ki la leh mynshuwa la slem bah.

KA BAIBL

¹⁴ To sharai ïa la ki briew da la u dieng, ka kynhun ka jingïoh kynti jong me, kiba shong weibriew, ha khlaw hapdeng u Karmel: ai kin ïabam ha Bashan bad Gilead, kum ha ki sngi mynbarim.

MIKAH 7:14 ပူးပေါင်းရင်းမြစ်များ

SALM 100:3

To pdiang ba U Trai u long U Blei! Dei ma u, uba la thaw ïa ngi, bad ngi long ki jong u; ngi long ki briew jong u, ngi long ka kynhun langbrot jong u.

SALM 143:5

Nga kynmaw ïa ki sngi ba la leit noh; nga pyrkhat ïa kata baroh kaba me la leh, nga kynmaw ïa baroh ki jingleh jong me.

SALM 28:9

Pynim ïa ki briew jong me, A Trai, bad kyrkhu ïa kito kiba dei ki jong me. Long u nongaplangbrot jong ki, bad sumar bha ïa ki junom.

SALM 95:7

U long U Blei jong ngi, ngi long ki briew kiba u sumar, ka kynhun langbrot kaba u pyndap. To sngap ha kane ka sngi ïa kaei kaba u ong:

EKSODOS 33:16

Naba da kumno ki briew kin tip ba me sngewbha ïa une u paidlang bad ïa nga lada me men ym leit ryngkat bad ngi? Ka jingdon ryngkat jong me bad ngi kan pyn-i ba ngi long kiba pher na kiwei pat ki jaitbynriew ha ka pyrthei.”

JINGRWAI SOLOMON 4:1

Katno phi long kaba bhabriew eh, ko ba-ieit jong nga! Katno ki khmat jong phi hapoh ka jingtap khmat ki phyrnai itynnat da ka jingieit. U shñiuh jong phi u shad kum ka kynhun ki blang kiba hiar sha trai ki lum Gilead.

ISAÏAH 27:13

Haba kata ka sngi kan wan, ïa ka turoi yn put ban khot pat na Assyria bad Ijipt ïa baroh ki Israel kiba don ha ka jinglongmraw hangta. Kin wan bad mane ïa U Trai ha Jerusalem, ha u lum bakyntang jong u.

ISAÏAH 35:2

Ka ri shyiap kan rwai bad pyrta da ka jingkmen; kan long kaba itynnat kat ki lumbah ka Lebanon bad kaba seisoh kat ki pyntha ka Karmel bad Sharon. Baroh kin ïohi ïa ka jingitynnat U Trai, kin ïohi ïa ka jingkhraw bad ïa ka bor jong u.

ISAÏAH 37:24

Me la phah ïa ki shakri jong me ban kob sarong ïa nga ba da baroh ki kali ïapom jong me men jop ïa ki lum bajrong tam ka Lebanon. Me kob sarong ba hangta me pom lut ïa ki dieng Kedar bajrong tam bad ïa ki dieng Kseh bakynsai tam, bad me la poi sha ki bynta barben tam jong ki khlaw.

ISAÏAH 40:11

Un sumar ïa ka kynhun jong u kum u nongaplangbrot; un lumlang ïa ki khunlangbrot bad un rah ïa ki ha ki ksang'ti jong u; un ïalam jai jai ïa ki kmie jong ki.

ISAÏAH 49:10

Kin ym shahthngan lane sliang shuh. Ka jingshit jong ka sngi bad ka ri shyiap kin ym pynjynjar ïa ki, namar yn ïalam ïa ki da uta uba ieit ïa ki. Un ïalam ïa ki sha ki umpohliew.

ISAÏAH 65:10

Kin mane ïa nga bad ïalam ïa ki langbrot bad ki jingri jong ki sha ki jaka phlang ha ka Pyntha ka Sharon ha ka phang sepngi bad ha ka Them ka Jingshitom ha ka phang mihngi.

JEREMAÏAH 49:31

‘To wan, ngin leit tur ïaleh ïa kito ki briew kiba sngewshngain bad sngewskhem! Ka nongbah jong ki, kam don ki khyrdop ne ki tala bad kam don jingïada ei ei.’

SNGEWSYNEI 1:7

Ka long ka jingjot bakynjah mynta, ka Jerusalem ka kynmaw ïa la ka burom ba-itynnat kaba mynbarim. Haba ka hap ha ki nongshun, ym don mano mano ba wan ïarap ïa ka; ki nongjop ïa ka ki la rkhie ha ka jingkyllon jong ka.

SNGEWSYNEI 5:21

To wallam pat ïa ngi sha me, ko Trai! To wallam pat ïa ngi! To pynïoh pat ïa ka burom ba-mynbarim.

ESEKIEL 36:11

Ngan pynroi ïa ki briew bad ïa ki jingri. Hangta phin nang kham roi ban ïa kaba long mynshuwa bad phin ïoh shibun ki khun ki kti. Ngan shah ïa phi ban shong hangta kumba phi la ju shong, bad ngan pynlong ïa phi ban kham man roi ban ïa kaba mynshuwa. Te phin sa tip ba nga long U Trai.

LEBITIKOS 27:32

Uwei na man la ki shiphew tylli ki mrad ba ri u long u jong U Trai. Haba la ñiew ïa ki mrad, man la uba shiphew, uwei u long u jong U Trai.

AMOS 9:11

U Trai u ong, “Ka sngi ka la poi haba ngan pynïeng pat ïa ka hima u Dabid kaba long kum ka ïing kaba la khyllem ha ki jingjot. Ngan shna pynbha ïa ki kynroh jong ka bad ngan pynïeng pat ïa ka. Ngan tei pat ïa ka bad ngan pynlong ïa ka kumba ka la ju long mynshuwa.

OBADAÏAH 1:19

“Ki briew na ka Judah bashathie kin ïoh ïa ka Edom; kito kiba na ki kjat lum shaphang sepngi kin knieh ïa ka Philistia; ki Israel kin ïoh ïa ka ri Ephraim bad Samaria; ki briew jong ka Benjamin kin shim ïa ka Gilead.

MIKAH 5:4

Haba u wan, un sa synshar ïa la ki briew da ka jingkhlaiñ kaba wan na U Trai bad da ka burom jong U Trai U Blei hi. Ki briew jong u kin shong ha ka jingshngain namar ki briew na kylleng ka pyrthei kin ithuh ïa ka jingkhraw jong u, bad un wanrah ïa ka jingsuk.

SEPHANAÏAH 3:13

Ki paid Israel kiba lait im kin ym leh kano kano ka bym dei ïano ïano, kin ym ïathuh lamler, lymne pyrshang ban shukor. Kin manbha bad shongshngain, kin ym sheptieng ïano ïano.”

SEKHARAÏAH 10:10

Na Ijipt bad na Assyria ngan wallam ïa ki sha ïing bad ngan pynshongduh ïa ki ha ka ri jong ki hi. Ngan pynshongduh ïa ki ha Gilead bad ha Lebanon kumjuh; ka ri baroh kawei kan dap da ki briew.

SEKHARAÏAH 11:7

Kito kiba la thied bad die ïa ki langbrot ki la wai ïa nga, bad nga la long u nongaplangbrot jong ki langbrot kiba la dei ban shah shohdoh. Nga la shim ar tylli ki dieng: Ïa uwei nga la khot “U Jingsngewbha” bad ïa uwei pat “U Jingtylli.” Bad nga la sumar ïa ki langbrot.

MALAKHI 3:4

Nangta ki jingainguh ïa kiba ki paid Judah bad Jerusalem ki wallam sha U Trai kin long kiba pynsngewbha ïa u, kumba ki ju long ha ki por kiba la leit.

JINGKHEIÑ 23:9

Na kliar ki mawsiang bakynjang nga lah ban ïohi ïa ki, nga lah ban khmih ïa ki nalor ki lumrit. Ki dei ka jaitbynriew kaba im kyrpang; ki tip ba ki long kiba la kyrkhu kyrpang ïa ki hapdeng kiwei pat ki jaitbynriew.

JINGKHEIÑ 32:1

Ki jait Reuben bad ki jait Gad ki la don shibun ki jingri. Haba ki la ïohi ba ka ri Jaser bad ka ri Gilead ka long kaba bit eh na ka bynta ki jingri,

MATHAÏOS 2:6

“ ‘Ko Bethlehem ha ka ri Judah, pham long kaba rit tam hapdeng ki nongbah kiba paw jong ka Judah; namar na pha un mih u nongïalam u ban kdew lynti ïa ki briew jong nga ki Israel.’ ”

ÏOANNIS 17:16

Kumba ma nga ngam dei jong ka pyrthei, ma ki kim dei jong ka pyrthei.

DEUTERONOMI 33:28

Kumta ki khun ki ksiew u Jakob ki shongsuk shongsaiñ, khlem jingkhuslai ha ka ri kaba dap da u kew bad da ka waiñ, ha kaba ka umjer na suiñbneng ka ai um ïa ka khyndew.