MIKAH 7:12 - Khasi CL Bible (BSI)

¹² Ki briew jong phi kin wan phai na kylleng — na Assyria kaba ha mihngi, na Ijipt ha ka phang shathie, na ki thain ka Ïuphratis, na ki duriaw ba sha jngai bad ki lumbah ba don sha jngai bah.

KA BAIBL

¹² Ha kata ka sngi, kin wan ha pha na Assyria bad ha ki nongbah ka Ijipt, bad na Ijipt jin haduh kata ka Wah, bad naduh ka duriaw haduh ka duriaw, bad naduh u lum haduh u lum.

MIKAH 7:12 ပူးပေါင်းရင်းမြစ်များ

ISAÏAH 11:11

Haba kata ka sngi ka wan, U Trai sa shisien pat un pyndonkam ïa ka bor jong u bad un wallam pat sha ïing ïa kito kiba na ki briew jong u kiba la shah iehnoh ha Assyria bad Ijipt, ha ki ri jong ka Pathros, ka Sudan, ka Elam, ka Babilonia bad ka Hamath, bad ha ki rud duriaw bad halor ki dewlynnong jong ki duriaw.

ISAÏAH 11:16

Kan don ka surok bah shabar jong ka Assyria na ka bynta kito kiba ki briew jong u ki Israel kiba dang im hangta, kumba ka la don ïa ki kpa tymmen jong ki haba ki la iehnoh ïa ka Ijipt.

ISAÏAH 43:6

Ngan ïathuh ïa ka shatei ban shah ïa ki ban leit bad ïa ka shathie ban ym bat noh ïa ki. Ai ba ki briew jong nga ki wan phai na ki ri bajngai, na man la ki bynta baroh jong ka pyrthei.

ISAÏAH 49:12

Ki briew jong nga kin wan na jngai bah, na shatei bad na sepngi, bad na Aswan kaba don shathie.”

JEREMAÏAH 23:3

Ngan lum ïa kiba sah na ki briew jong nga na ki ri kiba nga la pynsakma ïa ki, bad ngan wallam pat ïa ki sha la ka jong ka ri. Kin ïoh bun ki khun bad kin nang roi ha ka jingbun briew.

JEREMAÏAH 3:18

Ka Israel kan ïasoh bad ka Judah, bad ryngkat lang kin ïawan na ka jingshah ringmraw ha ka ri kaba shatei bad kin wan phai sha ka ri kaba nga la ai ha ki kpa tymmen jong phi kum ka jingdon jingem kaba neh.”

JEREMAÏAH 31:8

Ngan wallam ïa ki na shaphang shatei bad ngan lumlang ïa ki na kiba kut ka pyrthei. Kiba matlah bad kiba dkoh kin wan lang bad ki, ki kynthei ba la armet bad kito ki ban sa kha. Kin sa long pat ka jaitbynriew kaba khraw.

JEREMAÏAH 46:27

“Ko ki briew jong nga, wat ym sheptieng, ko ki paid Israel, wat ym kyiuh. Ngan pyllait im ïa phi na kata ka ri kaba jngai, na ka ri ha kaba phi la long ki koidi. Phin wan phai pat sha ïing bad im ha ka jingsuk; phin sngewshngain, bad yn ym don u ban pyntieng ïa phi.

ESEKIEL 29:21

“Haba kata kan jia, ngan pynlong ïa ki paid Israel kiba khlaiñ bad ngan shah ïa me, ko Esekiel, ban kren ha kaba baroh kin ïohsngew ïa me, khnang ba kin tip ba nga long U Trai.”

ESEKIEL 37:21

Nangta to ïathuh ha ki ba ma nga, U Trai Nongsynshar, ngan shim noh ïa ki briew jong nga baroh na ki jaitbynriew sha kiba ki la leit, ngan lumlang ïa ki na ki, bad wanrah pat ïa ki sha la ka jong ka ri.

HOSIA 11:11

Kin wan na Ijipt, da kaba her stet kum ki sim, bad na Assyria, kum ki paro. Ngan wanlam pat ïa ki sha ki ïing jong ki. Ma nga, U Trai nga la kren.”