MIKAH 7:11 - Khasi CL Bible (BSI)

¹¹ Ko ki briew ka Jerusalem, ka por ban tei pat ïa ki kynroh ka nongbah ka la poi. Ha kata ka por ïa ka ri jong phi yn pynïar.

KA BAIBL

¹¹ Kan wan ka sngi ïa ka ban tei ïa ki kynroh jong pha! ha kata ka sngi, ka pud jong pha kan ïar.

MIKAH 7:11 ပူးပေါင်းရင်းမြစ်များ

NEHEMAÏAH 2:17

Hynrei mynta nga ong ha ki, “Peit kaei ka jingeh kaba ngi don namar ka Jerusalem ka long hapdeng ka jingjot bad ïa ki khyrdop jong ka la pynjot! To ngin ïatei pat ïa ki kynroh ka nongbah bad pynkut noh ïa ka jingjahburom jong ngi.”

NEHEMAÏAH 2:8

Nga kyrpad ruh ïa ka shithi sha u Asaph, u nongsumar ïa ki khlaw u syiem, da kaba bthah ïa u ban ai ïa nga ki dieng na ka bynta ki khyrdop ka kut kaba ïada ïa ka Templ, na ka bynta ki kynroh ka nongbah, bad na ka bynta ka ïing kaba ngan shong ngan sah. U patsha u la ai ïa nga ïa baroh kaba nga pan, namar U Blei u la long ryngkat bad nga.

NEHEMAÏAH 4:3

U Tobiah uba ïeng hangta hajan jong u, u ong shuh shuh, “Kaba kum kano ka kynroh ki lah ban tei? Wat u myrsiang u lah ban pynpra ïa ka!”

NEHEMAÏAH 4:6

Kumta ngi ïai tei ïa ka kynroh, bad shen ka la ïeng mar shiteng ka jingjrong, namar ki briew ki shitrhem ha ka jingtrei.

ISAÏAH 54:11

U Trai u ong, “Ko ka Jerusalem, pha ka nongbah ba shah jynjar bad bymdonbor, bad ym don u ban pyntngen ïa pha, ngan tei pat ïa ki nongrim jong pha da ki mawkordor.

ISAÏAH 54:2

Kham pynheh ïa ka ïingjaiñ ha kaba pha shong; pynjrong ïa ki tyllai bad pynskhem ïa ki snar!

ISAÏAH 58:12

Ki briew jong phi kin tei pat ïa kaei kaba la pra la slem bah, kin tei pat halor ki nongrim ba-mynshuwa. Yn tip ïa phi kum ki briew kiba tei pat ïa ki kynroh, kiba pynbha pat ïa ki ïing ba la pra.”

ISAÏAH 61:4

Kin tei pat ïa ki nongbah ba la jot la pra.

DANIEL 9:25

Kynmaw ïa kane bad to shemphang ïa ka: Naduh ka por ba la ai ïa ka hukum ban tei pat ïa ka Jerusalem, tad haduh ba wan u nongïalam ba la jied da U Blei, ki hynñiew sien ki hynñiew snem kin leit noh. Ïa ka Jerusalem yn tei pat lem bad ki lynti bah bad ki jingïada bakhlaiñ, bad kan ïeng haduh hynñiew sien ki hynriewphew ar snem, hynrei kane kan long ka por ki jingjynjar.