MIKAH 7:1 - Khasi CL Bible (BSI)

¹ Ka long ka jingduh jingkyrmen! Nga long kum u briew uba thngan uba shem ba ym don soh ba dang sah ha ki dieng bad ym don sohwaiñ ha ki dieng sohwaiñ. Ïa baroh ki sohwaiñ bad baroh ki soh Dumbur ba-bang la kheit lut.

KA BAIBL

¹ Kordit ïa nga! naba nga long kum haba ki la lum ïa ki soh lyiur, kum ki soh khyrdong jong ka brisoh Waiñ: ym don ki rynjup ban bam; ka mynsiem jong nga ka thrang ïa u soh Dumbur ba la ih nyngkong.

MIKAH 7:1 ပူးပေါင်းရင်းမြစ်များ

SALM 120:5

Ban shong hapdeng jong phi ka sniew hi kum kaba shong ha Meshekh lane hapdeng ki briew jong ka Kedar.

PROBERB 20:6

Baroh ki kren shaphang katno u long uba kohnguh bad baïaineh, hynrei shu pyrshang ban wad ïa uno uno uba long kumta!

ISAÏAH 17:6

Tang khyndiat ki briew kin lait im, bad ka Israel kan long kum u dieng Olib na kaba la kheit lut ïa ki soh Olib lait noh ar ne lai tylli kiba ha kliar eh, lane khyndiat kiba la iehnoh ha ki tnat kiba shapoh. Nga, U Trai U Blei jong ki Israel, nga la kren.”

ISAÏAH 24:13

Kane ka dei kaei ka ban jia ha baroh ki jaitbynriew kylleng ka pyrthei. Kan long kum ka jingkut jong ka jingot, haba ïa ki soh Olib la dep tied pynhap na uwei pa uwei u dieng bad ba ïa ki sohwaiñ bakhatduh la kheit na ki dieng sohwaiñ.

ISAÏAH 24:16

Na ki bynta bajngai tam ka pyrthei ngin ïohsngew ïa ki jingrwai jingïaroh ïa ki Israel, ka jaitbynriew bahok. Hynrei ym don jingkyrmen na ka bynta jong nga! Nga shu duh lehnoh-ei! Ki nongshetkylla ki ïai shetkylla, bad ka kam shyrkhei jong ki ka nang sniew nang sniew.

ISAÏAH 28:4

Ka burom jong kito ki nongïalam basarong ka nang jah noh kum ki soh Dumbur ba mih nyngkong jong ka aïom, ba la shim bad bam ïa ki tang shu ih.

ISAÏAH 6:5

Nga la ong, “Ym don jingkyrmen ïa nga! Nga long ba la tim namar kawei pa kawei ka kyntien kaba mih na ki rmiang shyntur jong nga ka long kaba pop, bad nga shong nga sah hapdeng ki briew kiba kawei pa kawei ka kyntien ka long kaba pop. Bad pynban, da la ki jong ki khmat nga la ïohi ïa U Syiem, U Trai Badonbor Baroh.”

JEREMAÏAH 15:10

A nga long u briew u bym don jingkmen! Balei ba i mei jong nga i wallam ïa nga sha ka pyrthei? Nga la dei ban ïakajia bad ïania bad uwei pa uwei ha ka ri. Ngam shym la ai kylliang ïa kano kano ka pisa lane shim kylliang ïa kano kano; pynban uwei pa uwei u tim ïa nga.

JEREMAÏAH 24:2

Ka shang kaba nyngkong ka don ki soh Dumbur kiba bha, kito kiba ih kham kloi; kawei pat ka don ki soh Dumbur kiba pyut, ki bym long bam shuh.

JEREMAÏAH 4:31

Nga la ïohsngew ïa ka jingïam, kum ka kynthei kaba suh kha, ka jinglynñiar kum ka kynthei kaba kha ïa i khun nyngkong jong ka. Ka la long ka jingïam jong ka Jerusalem kaba kwah eh ban ring mynsiem, ka da kner noh ïa ka kti jong ka bad ong, “Nga long kaba la tim! Ki wan ban pynïap ïa nga!”

JEREMAÏAH 5:1

Ko ki briew ka Jerusalem, to phet lyngba ki surok bah jong phi! To khmih sawdong! Peit hi da lade! To wad ïa ki jaka ïew! Hato phi lah ban shem uwei u briew uba leh ïa kaba dei bad uba pyrshang ban ïaineh ha U Blei? Lada phi lah, U Trai un map ïa ka Jerusalem.

HOSIA 9:10

U Trai u ong, “Haba nga lap nyngkong ïa ki Israel, ka long kumba lap ïa ki sohwaiñ kiba mih ha ri shyiap. Haba nga ïohi nyngkong ïa ki kpa tymmen jong phi, ka long kumba ïohi ïa u soh Dumbur uba ih nyngkong ha ka aïom. Hynrei haba ki la wan sha u lum Peor, ki la sdang ban mane ïa u Baal, bad tang katto katne por ki la kylla long kiba isaitmet kum kita ki blei ba ki ieit.

JINGKHEIÑ 18:13

Baroh ki long ki jong me. Uwei pa uwei na ka ïing jong me uba khuid kat kum ka jinglehniam u lah ban bam ïa ki.