MIKAH 6:9 - Khasi CL Bible (BSI)

⁹ Ka long ka jingstad ban sheptieng ïa U Trai. U pyrta ïa ka nongbah, “To shahshkor phi ki briew kiba ïalum ha ka nongbah!

KA BAIBL

⁹ Ka ktien U Trai ka pyrta ïa ka nongbah, “U bastad te un ïohi ïa ka kyrteng jong me: to sngew ïa u dieng sympat, bad ïa uta uba la hukum ïa u.

MIKAH 6:9 ပူးပေါင်းရင်းမြစ်များ

2 SAMUEL 21:1

Ha ka por ka jingsynshar jong u Dabid, la don ka 'nemsniew kaba jur kaba la neh haduh lai snem lynter. Kumta u Dabid u kylli na U Trai shaphang kata bad U Trai u ong, “U Saul bad ka longïing jong u ki long kiba rem ha ka jingpynïap briew; u la pynïap ïa ki paid Gibeon.”

Ka Kitab U Job 10:2

Wat pynrem ïa nga, A Blei, Ïathuh ïa nga! Kaei ka jingmudui pyrshah ïa nga?

Ka Kitab U Job 23:14

Un pyndep ïa kata kaba u la thmu na ka bynta jong nga; kata ka jingthmu ka long tang kawei na kiba bun kiba u don;

Ka Kitab U Job 5:17

Suk uta u briew ïa uba U Blei u pynbeit! Wat ïeng pyrshah haba u sneng ïa me.

SALM 107:43

To ai ba kito kiba stad kin pyrkhat shaphang kine kiei kiei; to kin pyrkhat shaphang ka jingieit baneh U Trai.

SALM 48:10

Ïa me la ïaroh da ki briew ha kylleng sawdong, bad ka nam jong me ka pyiar ha ka pyrthei baroh. Me synshar da ka hok;

SALM 83:18

Ai ba kin tip ba tang ma me hi me long U Trai u nongsynshar uba hakhlieh tam ha ka pyrthei baroh kawei.

SALM 9:16

U Trai u la pynpaw ïa lade da ki jingbishar bahok; bad ïa ki bymman la riam da ki kam jong ki hi.

PROBERB 22:3

Ki briew kiba sngewthuh ki ïohi ïa ka jingma ba ka wan bad ki kynriah na ka, hynrei u briew u bym pyrkhat un ïaid beit ha ka bad un babe kylla hadien.

ISAÏAH 26:11

Ki nongshun jong me kim tip satia ba men pynshitom ïa ki. A Trai, buh ïa ki ha ka jingjahburom bad ai ba kin jynjar; ai ba kin jynjar da ka jingpynshitom kaba me la pynkhreh. To pyn-i ïa ki haduh katno me ieit ïa la ki briew.

ISAÏAH 27:10

Ka nongbah ba la kerkut ka don ha ka jingjot. La iehnoh kynjah ïa ka kum ka ri khlaw kynjah bym don ei ei. Ka la long ka jaka bam phlang jong ki masi, ha kaba ki lah ban shongthait bad bam phlang.

ISAÏAH 30:27

Ïa ka bor bad ka burom U Trai yn ïohi naduh na sha jngai. Ka ding bad ka tdem ki pyn-i ïa ka jingbitar jong u. U kren, bad ki ktien jong u ki meh kum ka ding.

ISAÏAH 66:6

Ha sngap! kata ka jingsawa kaba jam ha ka nongbah! kata ka jingsawa ha ka Templ, ka long ka jingsawa U Trai uba pynshitom ïa ki nongshun jong u!

ISAÏAH 9:13

Ki paid Israel kim pat shym kylla-kaba-mut; wat haba U Trai Badonbor Baroh u la pynshitom ïa ki, kim pat shym la phai sha u.

JEREMAÏAH 26:18

“Mynba u Hesekaïah u long u syiem ka Judah, u Mikah u nongïathuhlypa na Moresheth u la bthah ïa baroh ki briew ba U Trai Badonbor Baroh u la lah ong, “ ‘Ïa ka Seïon yn lur kum ka lyngkha, ka Jerusalem kan kylla ka kynton ki jingpra, bad u lum ka Templ un kylla khlaw.’

JEREMAÏAH 26:6

Lada phi ïai bteng ban ym kohnguh, te ngan leh ïa kane ka Templ ïa kaei kaba nga la leh ïa ka Shiloh, bad baroh ki jaitbynriew jong ka pyrthei kin pyndonkam ïa ka kyrteng jong kane ka nongbah kum ka jingtim.”

JEREMAÏAH 47:7

Kumno ka lah ban shongthait, haba nga la ai kam ïa ka ban leh? Nga la hukum ïa ka ban tur ïaleh ïa ka Ashkelon bad ïa ki briew kiba sah ha ki rud duriaw.”

ESEKIEL 7:9

Ngan ym tyngkai ïa pha lane pyn-i kano kano ka jingisynei ïa pha. Ngan pynshitom ïa pha namar ki kam ijli kiba pha la leh, kumta phan sa tip ba nga long U Trai, bad dei ma nga uba pynshitom ïa pha.”

HOSIA 13:16

Ïa ka Samaria yn pynshitom namar ka ïaleh pyrshah ïa nga. Ki briew jong ka kin ïap ha ka thma; ïa ki khunlung yn bret sha madan, ïa ki kynthei kiba punkhun yn patar.”

HOSIA 14:9

To ai ba kito kiba stad kin shemphang ïa kaei kaba la thoh hangne; bad ai ba kin pdiang ïa ki naduh ka dohnud. Ki lynti U Trai ki long kiba beit, bad ki briew kiba hok ki im da kaba bud ïa ki, hynrei ki nongpop ki jynthut bad ki kyllon namar ba kim suidñiew ïa ki.

AMOS 2:5

Kumta ngan phah ka ding ha Judah bad kan thang duh ïa ki kut ka Jerusalem.”

AMOS 6:1

Katno kaba sngewshyrkhei kan long ïa phi kiba shongsuk ha Seïon, bad ïa phi kiba sngewshngain ha Samaria — phi ki briew kiba khraw jong kane ka jaitbynriew Israel kaba khraw, phi sha kaba ki briew ki ju leit ban ïoh jingïarap!

MIKAH 3:12

Bad kumta, namar jong phi, ïa ka Seïon yn lur kum ïa ka lyngkha, ka Jerusalem kan long kum ka kynton ñiut, bad u lum ka Templ un long kum ka khlaw.

MIKAH 6:10

Ha ki ïing jong ki briew kiba sniew don ki jingkynshew kiba ki la lum da kaba leh bymhok. Ki pyndonkam da ki jingthew bashukor, kaei kaei kaba nga isih.

MIKAH 6:8

Em, U Trai u la ïathuh ïa ngi ïa kaei kaba bha. Kaei kaba u dawa na ngi ka long kane: Ban leh ïa kaei kaba hok, ban pyn-i ïa ka jingieit baneh, bad ban im ha ka jingïasyllok basngewrit bad U Blei jong ngi.

SEPHANAÏAH 3:2

Kam shym la pynshahshkor ïa U Trai lane pdiang ïa ka jingsneng pynbeit jong u. Kam shym la buh ïa la ka jingshaniah ha U Trai lane kyrpad ïa ka jingïarap jong u.

JINGPYNPAW 3:19

Nga sneng bad sympat ïa baroh kiba nga ieit. Long kaba thrang eh, te, bad phai noh na ki pop jong pha.