MIKAH 6:8 - Khasi CL Bible (BSI)

⁸ Em, U Trai u la ïathuh ïa ngi ïa kaei kaba bha. Kaei kaba u dawa na ngi ka long kane: Ban leh ïa kaei kaba hok, ban pyn-i ïa ka jingieit baneh, bad ban im ha ka jingïasyllok basngewrit bad U Blei jong ngi.

KA BAIBL

⁸ U la pyni ha me, ko briew, kaei ka babha; te U Trai u wad aïu na me, hynrei, tang ban leh hok, bad ban ieit ïa ka jingisynei, bad ban ïaid leh rit bad U Blei jong me?

MIKAH 6:8 ပူးပေါင်းရင်းမြစ်များ

JENESIS 18:19

Nga la jied ïa u khnang ba un hukum ïa la ki khun shynrang bad ïa ki khun ki ksiew jong u ba kin kohnguh ïa nga bad ban leh ïa kata kaba dei bad kaba hok. Lada ki leh kumta, ngan leh lut ïa kata kaba nga la kular ha u.”

JENESIS 5:22

Hadien kata, u Enokh u la im ha ka jingïasyllok bad U Blei haduh laispah snem bad u la ïoh ruh kiwei pat ki khun.

2 KHRONIKL 30:11

La katta ruh, don katto katne na ki jait Asher, Manasseh, bad Sebulun, kiba la pdiang sngewbha ban wan sha Jerusalem.

2 KHRONIKL 32:26

Khatduh pat u Hesekaïah bad ki briew ka Jerusalem ki pynrit ïa lade, bad kumta U Trai um shym pynshitom ïa ki briew haduh hadien ka jingïap u Hesekaïah.

2 KHRONIKL 33:19

Ka jingduwai u syiem bad ka jingjubab U Blei ïa ka, bad ka jingthoh shaphang ki pop kiba u la leh ha shuwa ba un kylla-kaba-mut — ka jingsniew kaba u la leh, ki jaka mane blei thala bad ki durblei jong ka blei Asherah kaba u la thaw bad ki bleithaw kiba u la mane — baroh la buh jingthoh ha Ka Histori jong ki Nongïathuhlypa.

2 KHRONIKL 33:23

Hynrei ym kum u kpa jong u, um shym long uba pynrit ïa lade bad phai sha U Trai; u kham long uba pop ban ïa kaba long u kpa jong u.

2 KHRONIKL 34:27

bad to kylla-kaba-mut bad pynrit ïa lade ha khmat jong nga, da kaba kad ïa la ki jaiñ bad da kaba ïam, haba me ïohsngew kumno nga la byrngem ban pynshitom ïa ka Jerusalem bad ïa ki briew jong ka.

NEHEMAÏAH 9:13

Ha u Lum Sinai me wan hiar na bneng; me kren ha ki briew bad me ai ïa ki, ki hukum babha bad ki jinghikai baskhem.

SALM 101:1

Ka jingrwai jong nga ka long shaphang ka jingïaineh bad ka jingbishar hok, bad nga rwai ïa ka sha me, A Trai.

SALM 112:4

Ka jingshai ka tyngshaiñ ha kaba dum na ka bynta ki briew kiba bha, na ka bynta kito kiba dap da ka jingisynei, kiba bha sbun bad kiba hok.

SALM 112:9

U ai kylluid ïa kiba kyrduh, bad ka jingbhasbun jong u kam ju duh; un long uba donbor bad uba ïoh burom.

SALM 37:26

Ha ki por baroh u ai ei bad u ai kylliang sha kiwei, bad ki khun ki kti jong u ki long ka jingkyrkhu.

SALM 73:28

Hynrei ïa nga, katno kaba phylla ban don hajan U Blei, ban shem ka jingïada bad U Trai U Nongsynshar bad ban pynbna ïa baroh kaba u la leh!

PROBERB 21:3

Leh ïa kaei kaba dei bad kaba beit; kaba kham pynsngewbha ïa U Trai ban ïa kaba wallam sha u ïa ki jingkñia.

EKLESIASTIS 12:13

Hadien kane baroh, don tang kawei ban ong: To tiengburom ïa U Blei, bad kohnguh ïa ki hukum jong u, namar dei ïa kane keiñ ba la thaw ïa u briew.

ISAÏAH 56:1

U Trai u ong ha ki briew jong u, “Leh ïa kaei kaba hok bad kaba dei, naba shen ngan pynim ïa phi.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 66:2

Ma nga hi nga la thaw ïa ka pyrthei baroh kawei! Nga shem sngewbha bad kito kiba sngewrit bad kiba kylla-kaba-mut, kiba sheptieng ïa nga bad kiba kohnguh ïa nga.

JEREMAÏAH 22:16

U bishar hok ïa kiba duk, bad baroh ki ïaid beit bad u. Kata ka long ka jingmut ban ithuh ïa U Trai.

JEREMAÏAH 22:3

“Ma nga, U Trai, nga hukum ïa phi ban leh ïa kaei kaba hok bad kaba beit. Ïada ïa u briew uba shah thok na uta uba shukor ïa u. Wat lehbeiñ ne banbeiñ ïa ki nongwei, ki khunswet, ne ki riewkynthei, bad wat pynïap ïa ki briew kiba lui lui ha kane ka jaka kaba khuid.

JEREMAÏAH 9:23

U Trai u ong, “Ki rangbah bastad kim dei ban kob sarong ïa ka jingstad jong ki, lymne ki rangbah bakhlaiñ ïa ka jingkhlaiñ jong ki, lymne ki rangbah bariewspah ïa ka spah jong ki.

SNGEWSYNEI 3:26

Kumta ka long kaba bha tam ïa ngi ban ap ha ka jingïaishah — ban ap ïa u ban pynim ïa ngi —

ESEKIEL 16:63

Ngan map ïa ki jingbakla baroh kiba pha la leh, hynrei phan kynmaw ïa ki bad sngewlehrain palat ban ang ïa la ka shyntur.” U Trai Nongsynshar u la kren.

ESEKIEL 33:14

Nga lah ban maham ïa u briew uba sniew ba u dei ban ïap, hynrei lada u sangeh na kaba leh pop bad leh ïa kaei kaba dei bad kaba bha —

DANIEL 4:37

“Bad mynta, ma nga, u Nebukhadnessar, nga ïaroh, nga pyndon burom, bad nga ai burom ïa U Syiem jong ka Bneng. Kaei kaei baroh kaba u leh ka long kaba dei bad kaba hok, bad u lah ban pynhiar ïa uno uno uba leh sarong.”

HOSIA 12:6

Kumta mynta, ko ki khun ki ksiew u Jakob, shaniah ha U Blei jong phi bad wan phai pat sha u. Long kiba ïaineh bad kiba lehhok, bad ap da kaba ïaishah ïa U Blei jong phi ban leh.

HOSIA 6:6

Nga kwah ïa ka jingieit baneh jong phi, ym ka jingkñia da ki mrad. Nga kham kwah ba ki briew jong nga kin ithuh ïa nga ban ïa ki jingainguh thang sha nga.

LEBITIKOS 26:41

bad kiba la pynlong ruh ïa nga ban phai pyrshah ïa ki bad pynsakma ïa ki sha ka jinglongmraw ha ka ri ki nongshun jong ki. Khatduh, ynda ki khun ki ksiew jong phi ki la pyndem rit ïa lade bad ki la shah pynshitom namar ka pop bad ka jingïaleh pyrshah jong ki,

AMOS 5:24

Pynban, ai ba ka jingbishar hok kan tuid kum ka wahduid, bad ka jinglehhok kum ka wah ka bym ju rngad.

MIKAH 6:9

Ka long ka jingstad ban sheptieng ïa U Trai. U pyrta ïa ka nongbah, “To shahshkor phi ki briew kiba ïalum ha ka nongbah!

SEPHANAÏAH 2:3

To phai noh sha U Trai, phi baroh ki briew kiba sngewrit, kiba kohnguh ïa ki hukum jong u. To leh ïa kaei kaba dei, bad to pynrit ïa lade ha khmat U Trai. Lehse phin lait na ka jingpynshitom ha ka sngi haba U Trai u pyn-i ïa ka jingbitar jong u.

SEKHARAÏAH 7:9

“La slem bah nga la ai ïa kine ki hukum ha ki briew jong nga: ‘Phi dei ban peit ba ïa ka jinglehhok la pyndep, bad phi dei ban pyn-i ka jingbhasbun bad ka jingisynei iwei ïa iwei pat.

MATHAÏOS 5:3

“Suk kito kiba tip ba ki long kiba duk ha kaba kynja mynsiem; ka Hima ki bneng ka long ka jong ki!

MATHAÏOS 5:7

Suk kito kiba isynei ïa kiwei pat; U Blei un isynei ïa ki!

LOUKAS 10:42

hynrei, tang kawei kaba donkam. Ka Mari ka la jied ïa kaei kaba dei, bad yn ym shim noh ïa kata na ka.”

LOUKAS 11:42

“A katno kaba shyrkhei ïa phi ki Pharisi! Phi ai sha U Blei ïa kawei na ki shiphew jong ki jhur pynbang jingbam, kum u pudina bad u rue bad baroh kiwei pat ki jait jhur, hynrei phi leh klet ïa ka jinglehhok bad ka jingieit ïa U Blei. Ïa kine phi la dei ban leh, khlem da leh klet ïa kiwei pat.

LOUKAS 12:14

U Jisu u la jubab ïa u, “Ko paralok jong nga, mano ba la ai ha nga ka bor ban bishar lane ban pynbynta ïa ka jingdon jingem hapdeng jong phi ar ngut?”

LOUKAS 6:36

Long kiba sngewsynei kumba U Kpa jong phi u long uba sngewsynei.

Ka Shithi U Paul Sha Ki Nong Rom 7:16

Naba kaei kaba nga leh, ka dei kaei kaba ngam kwah ban leh, kane ka pyn-i ba nga ïamynjur ba ka Hukum ka long kaba dei.

Ka Shithi U Paul Sha Ki Nong Rom 9:20

Hynrei phi, phi long uei, ko paralok jong nga, ban jubab kylla ïa U Blei? U khiew khyndew um lah ban kylli ïa u briew uba la thaw ïa u, “Balei ba me thaw ïa nga kumne?”

1 KORINTH 7:16

Kumno phin lah ban sngewthikna, ko phi ka tnga kaba long ka bangeit, ba phin ym lah ban pynim ïa la u tnga? Lane kumno phin sngewthikna, ko phi u tnga uba long uba bangeit, ba phin ym lah ban pynim ïa la ka tnga?

EPHESOS 4:32

Pynban, to lehsbun bad long jemnud iwei ïa wei pat, bad to ïamap iwei ïa iwei pat, kumba U Blei u la map ïa phi ha U Khrist.

DEUTERONOMI 27:10

kumta kohnguh ïa u bad sumar ïa ki hukum jong u ïa kiba nga la ai ha phi mynta ka sngi.”

DEUTERONOMI 30:15

“Mynta ka sngi nga ai ba phin jied napdeng kaba bha bad kaba sniew, napdeng ka jingim bad ka jingïap.

KOLOSSAI 3:12

Phi long ki briew jong U Blei; u la ieit bad jied ïa phi na ka bynta jong u hi. Kumta te, phi dei ban kup ïa lade da ka jingsngewsynei, ka jingbhasbun, ka jingsngewrit, ka jingjemnud, bad ka jingïaishah.

2 THESSALONI 2:16

Ai ba U Jisu Khrist Uba U Trai jong ngi da lade hi bad U Blei uba U Kpa jong ngi, uba la ieit ïa ngi, bad ha ka jingaiei jong u un ai ha ngi ka jingshlur baneh bad ka jingkyrmen baskhem,

JAKOB 2:20

Phi kiba bieit! Hato phi kwah ban da pyn-i ba ka jingngeit khlem ki kam ka long ka bymmyntoi?

JOSHUA 24:14

“Mynta te,” u Joshua u bteng, “pyndonburom ïa U Trai, bad shakri ïa u da kaba sngur bad kaba shisha. Iehnoh syndon ïa ki blei ba ki kpa tymmen jong phi ki la ju mane ha Mesopotamia bad ha Ijipt, bad shakri tang ïa U Trai.

1 PETROS 3:8

Kum ban pynkut: Phi baroh to ïadon kajuh ka jingmut bad kajuh ka jingsngew, to ïa-ieit iwei ïa iwei pat kum shi para, bad to long kiba sbun mynsiem bad kiba sngewrit iwei ïa iwei pat.

1 SAMUEL 12:23

Ïa nga shimet, U Trai um shah da lei lei ba ngan leh pop pyrshah ïa u da kaba sangeh noh ban duwai na ka bynta jong phi. Pynban ngan hikai ïa phi ïa kaei kaba bha bad kaba dei ïa phi ban leh.

1 SAMUEL 15:22

Te u Samuel u ong, “Kaei kaba U Trai u kham sngewbha: ka jingkohnguh ne ki jingainguh bad ki jingkñia? Ka kham bha ban kohnguh ïa u ban ïa kaba kñia ha u ïa ka langbrot kaba kynsai tam.