MIKAH 6:7 - Khasi CL Bible (BSI)

⁷ Hato U Trai un sngewbha lada nga wallam sha u da ki hajar ki langbrot lane da ka umphniang Olib kaba tuid khlem kut? Hato ngan ai ha u da u khun nyngkong jong nga ban siew na ka bynta ki pop jong nga?

KA BAIBL

⁷ U Trai un sngewbha ha ki hajar ki langbrot shynrang, lane ha shiphew hajar ki wah umphniang? ngan ai ïa uba la kha nyngkong jong nga namar ka jingpalat jong nga, ïa u soh ka met jong nga namar ka pop ka mynsiem jong nga?

MIKAH 6:7 ပူးပေါင်းရင်းမြစ်များ

2 SYIEM 16:3

U kñia wat ïa u khun la jong kum ka jingainguh thang ïa ki bleithaw, da kaba pyrthuh bud ïa ki jingleh kiba ijli jong ki briew ïa kiba U Trai u la beh na ka ri katba ki khun Israel ki dang tur shaphrang.

2 SYIEM 21:6

U kñia ïa la u khun kum ka jingainguh thang. U khan bad u leh myntor, bad u ïasyllok bad ki nongpeit kti bad ki nongleh byrtong. U la leh pop palat pyrshah ïa U Trai bad pynkhih bitar ïa u.

2 SYIEM 23:10

U syiem Josaïah ruh u la ñiewsang ïa ka Topheth, ka jaka mane thala ha Them Hinnom, khnang ba yn ym don uwei ruh u ban kñia ïa la u khun ne ka khun kum ka jingainguh thang ïa u blei Molekh.

2 SYIEM 3:27

Kumta u shim ïa u khun nyngkong jong u, uba dei ban long syiem hadien jong u, bad u la tyrwa ïa u halor ka kynroh shnong kum ka jingkñia sha u blei Moab. Ki Israel ki la sngewshyrkhei bad kumta ki la kynran na ka nongbah bad ki la leit phai sha la ka ri.

Ka Kitab U Job 29:6

Ki masi bad ki blang jong nga ki la ai shibun ka dud, bad ki dieng Olib ki la san ha ki khyndew jong ki jaka maw.

SALM 50:9

Bad pynban ngam donkam ïa ki masi kyrtong na ki kper jong phi lane ïa ki blang na ki kynhun blang jong phi;

SALM 51:16

Mem kwah ïa ki jingkñia, ne ngan jin da la ai ïa ki; mem sngewbha ïa ki jingainguh thang.

SALM 51:18

A Blei, to lehbha ïa ka Seïon bad to ïarap ïa ka; to tei pat ïa ki kynroh ka Jerusalem.

PROBERB 15:8

U Trai u sngewbha haba ki briew kiba bha ki duwai, hynrei u isih ïa ki jingkñia kiba ki bymman ki wallam ha u.

PROBERB 21:3

Leh ïa kaei kaba dei bad kaba beit; kaba kham pynsngewbha ïa U Trai ban ïa kaba wallam sha u ïa ki jingkñia.

ISAÏAH 1:1

Kane ka kitab ka don ki khubor shaphang ka Judah bad ka Jerusalem kaba U Blei u la pynpaw ha u Isaïah u khun jong u Amos ha ka por ha kaba u Ussaïah, u Jotham, u Ahas bad u Hesekaïah ki long ki syiem ka Judah.

ISAÏAH 40:16

Baroh ki mrad ha ki khlaw jong ka Lebanon kim pat biang na ka bynta ka jingkñia sha U Blei jong ngi, bad ki dieng jong ka ki khyndiat eh ban pynmeh ïa ka ding.

JEREMAÏAH 19:5

bad ki la tei ki duwan ïa u Baal khnang ban thang ïa ki khun jong ki ha ka ding kum ki jingkñia. Ngam ju hukum ïa ki ban leh ïa kane; kam shym rung hi ruh ha ka jingpyrkhat jong nga.

JEREMAÏAH 6:20

Nga salia aïu ïa ka jingiwbih kaba ki wallam ïa nga na Sheba, lane ki musla na ka ri bajngai? Ngan ym pdiang ïa ki jingainguh jong ki lane ban sngewbha ha ki jingkñia jong ki.

JEREMAÏAH 7:31

Ha ka Them Hinnom ki la tei ka duwan ba la khot ka Topheth, khnang ba ki lah ban kñia ïa ki khun shynrang bad ki khun kynthei jong ki hapoh ka ding. Ngam shym la hukum ïa ki ban leh ïa kane — kam shym la rung wat ha ka jingpyrkhat jong nga.

ESEKIEL 23:37

Ki la klim bad pynïap briew — kaba klim bad ki bleithaw bad ka jingpynïap ïa ki khun kiba la kha na ka bynta jong nga. Ki kñia ïa ki khun jong nga ha ki bleithaw jong ki.

HOSIA 5:6

Ki shim ïa ki langbrot bad ki jingri jong ki ban ai kum ki jingkñia sha U Trai hynrei kane kan ym wanrah jingbha ei ei ïa ki. Kin ym shem ïa u namar u la iehnoh ïa ki.

HOSIA 6:6

Nga kwah ïa ka jingieit baneh jong phi, ym ka jingkñia da ki mrad. Nga kham kwah ba ki briew jong nga kin ithuh ïa nga ban ïa ki jingainguh thang sha nga.

LEBITIKOS 18:21

Wat ai noh ïano ïano na ki khun jong me ba yn pyndonkam ha ka jingmane ïa u blei Molekh, naba kata kan pynjahburom ïa ka kyrteng U Blei, U Trai.

LEBITIKOS 20:1

U Trai u ong ha u Moses,

AMOS 5:22

Haba phi wallam sha nga ïa ki jingainguh thang bad ki jingainguh bam jong phi, ngan ym pdiang ïa ki; ngan ym pdiang ïa ki jingri ba phi la pynsngaid ban wallam sha nga kum ki jingainguh.

PHILEMON 1:12

Nga phah pat sha me ïa u mynta, lem bad u ka long lem ka dohnud jong nga.

NONGBISHAR 11:31

ngan kñia ïa ka jingainguh da u briew ne ka briew ba mih nyngkong eh na ka ïing jong nga ban wan tan ïa nga, ynda nga wan phai na ka jingjop. Ngan ai ha me ïa uta ne kata ka briew kum ka jingainguh thang.”

NONGBISHAR 11:39

Hadien ar bnai ka wan phai sha la u kpa. U leh kumba u la kular ha U Trai, bad ka la ïap haba ka dang sotti. Kane ka la long ka thymmei ïa ka ban bud kum ka rukom ha Israel

1 SAMUEL 15:22

Te u Samuel u ong, “Kaei kaba U Trai u kham sngewbha: ka jingkohnguh ne ki jingainguh bad ki jingkñia? Ka kham bha ban kohnguh ïa u ban ïa kaba kñia ha u ïa ka langbrot kaba kynsai tam.