MIKAH 6:6 - Khasi CL Bible (BSI)

⁶ Da-ei ngan wallam sha U Trai, U Blei ka bneng, haba nga wan ban mane ïa u? Hato ngan wallam sha u da ki khun masi bakynsai tam kum ki jingainguh thang?

KA BAIBL

⁶ Da ei ngan wan ha khmat U Trai, bad ba ngan dem ha khmat U Blei U Bahakhlieh? ngan wan ha khmat jong u da ki jingainguh thang, da ki khun masi kiba shi snem?

MIKAH 6:6 ပူးပေါင်းရင်းမြစ်များ

2 SAMUEL 21:3

Kumta u Dabid u khot hajir ïa ki paid Gibeon bad u ong ha ki, “Kaei ngan leh na ka bynta jong phi? Nga kwah ban pynbeit noh ïa ka jingbakla ïa kaba la leh ïa phi, khnang ba phin kyrkhu ïa ki briew jong U Trai?”

SALM 116:12

Kaei nga lah ban ai ïa U Trai namar ka jinglehbha jong u baroh ïa nga?

SALM 22:29

Baroh ki briew kiba sarong kin dem ngon ha u; baroh ki briew kin dem ngon ha khmat jong u.

SALM 95:2

To ngin ïawan ha khmat jong u da ka jingainguh bad rwai kmen da ki jingrwai ïaroh!

SALM 95:6

Ale, to ngin ïadem ngon bad mane ïa u; to ngin ïadem khohsiew ha khmat U Trai, U Nongthaw jong ngi!

EKSODOS 12:5

Lah ban jied da ka langbrot ne da ka blang, tangba u dei ban long u shynrang uba shisnem bad u bym don kano kano ka jingduna.

EKSODOS 23:15

Ha u bnai Abib, u bnai ha uba phi la mihnoh na ka ri Ijipt, rakhe ïa Ka Jingkhawai Niam U Kpu Bakhlem Thiat ha ka rukom kaba nga la hukum ïa phi. Ha ki hynñiew sngi jong kane ka Jingkhawai Niam, wat bam ïa uno uno u kpu ba la khleh thiat. Wat ju wan mane ïa nga khlem da wallam kano kano ka jingainguh.

PROBERB 15:8

U Trai u sngewbha haba ki briew kiba bha ki duwai, hynrei u isih ïa ki jingkñia kiba ki bymman ki wallam ha u.

PROBERB 21:3

Leh ïa kaei kaba dei bad kaba beit; kaba kham pynsngewbha ïa U Trai ban ïa kaba wallam sha u ïa ki jingkñia.

ISAÏAH 40:16

Baroh ki mrad ha ki khlaw jong ka Lebanon kim pat biang na ka bynta ka jingkñia sha U Blei jong ngi, bad ki dieng jong ka ki khyndiat eh ban pynmeh ïa ka ding.

JEREMAÏAH 6:20

Nga salia aïu ïa ka jingiwbih kaba ki wallam ïa nga na Sheba, lane ki musla na ka ri bajngai? Ngan ym pdiang ïa ki jingainguh jong ki lane ban sngewbha ha ki jingkñia jong ki.

ESEKIEL 46:9

“Haba ki briew ki wan ban mane ïa U Trai ha kano kano ka Jingkhawai Niam, kito kiba rung na ka khyrdop bashaphang shatei kin mih na ka khyrdop bashaphang shathie hadien ba ki la dep mane, bad kito kiba rung na ka khyrdop bashaphang shathie kin mih na ka khyrdop bashaphang shatei. Yn ym don uno uno uba lah ban mih na kajuh ka lynti kaba u la rung, hynrei un mih na ka khyrdop kaba marpyrshah.

DANIEL 3:26

Kumta u Nebukhadnessar u la leit kiew sha ka jingkhang jong ka lawar ding baklang bad u la pyrta, “Ko Shadrakh! Ko Meshakh! Ko Abednego! Ko shakri jong U Blei Bahakhlieh Tam Eh! To mihnoh shabar!” Bad kumta hi ki la wan mih shabar.

DANIEL 4:9

Ko Belteshassar, u rangbah jong ki nongbatai kupar, nga tip ba u mynsiem jong ki blei bakhuid u don hapoh jong me, bad ba me shemphang ïa ki jingmaïan baroh. Kane ka long ka jingphohsniew jong nga. To ïathuh ïa nga kaei ka jingmut jong ka.

DANIEL 5:18

“U Blei Bahakhlieh Tam Eh u la pynlong ïa u Nebukhadnessar, u kpa jong me, u syiem uba khraw bad ai ha u ka burom bad ka jinglong syiem.

DANIEL 5:21

La beh noh ïa u na ka imlang ka sahlang u bynriew, bad ka jingmut jingpyrkhat jong u ka la long kum u mrad. U la shong la sah bad ki kada khlaw, u la bam phlang kum u masi dab bad u la thiah ha ka jaka bym don jingkah khlem kano kano ka ban ïada ïa u na ka umjer. Ha kaba khatduh u la pdiang ba U Blei Bahakhlieh Tam Eh u synshar ïa baroh ki hima ki briew bad u lah ban ai ïa ki ha uno uno uba u jied.

HOSIA 5:6

Ki shim ïa ki langbrot bad ki jingri jong ki ban ai kum ki jingkñia sha U Trai hynrei kane kan ym wanrah jingbha ei ei ïa ki. Kin ym shem ïa u namar u la iehnoh ïa ki.

AMOS 5:22

Haba phi wallam sha nga ïa ki jingainguh thang bad ki jingainguh bam jong phi, ngan ym pdiang ïa ki; ngan ym pdiang ïa ki jingri ba phi la pynsngaid ban wallam sha nga kum ki jingainguh.

MATHAÏOS 19:16

Shisien uwei u briew u la wan sha U Jisu. “Ko Nonghikai,” u la kylli, “kaei kaba bha kaba nga dei ban leh ba ngan ïoh ïa ka jingim bymjukut?”

MARKOS 12:33

Bad u briew u dei ban ieit ïa U Blei da ka dohnud jong u baroh bad da ka jingmut jong u baroh bad da ka bor jong u baroh; bad u dei ban ieit ïa la u paramarjan kumba u ieit ïa lade. Ka long kaba kham donkam ban kohnguh ïa kine ki ar tylli ki hukum ban ïa kaba ai jingainguh da ki mrad bad kiwei ki jingkñia sha U Blei.”

MARKOS 5:7

“Ko Jisu, U Khun jong U Blei Bahakhlieh Tam Eh! Me kwah aïu bad nga? Nga kyrpad ïa me ban ym pynshitom ïa nga!”

LOUKAS 10:25

U nonghikai ka Hukum u la wan bad u la pyrshang ban riam ïa U Jisu. “Ko Nonghikai,” u la kylli, “kaei nga dei ban leh ban ïohpdiang ïa ka jingim bymjukut?”

ÏOANNIS 6:26

U Jisu u la jubab, “Nga ong ha phi ïa ka jingshisha: Phi ïawad ïa nga namar ba phi la bam ïa u kpu bad phi la ïoh baroh kaba phi kwah, ym namar ba phi la sngewthuh shai ïa ki kambah jong nga.

KI KAM 16:17

Ka la bud ïa u Paul bad ïa ngi, ka da pyrta, “Kine ki briew ki long ki shakri U Blei Bahakhlieh Tam Eh! Ki pynbna ha phi kumno ba yn pynim ïa phi!”

KI KAM 16:30

Nangta u la ïalam noh ïa ki shabar bad u la kylli, “Ko rangbah, kaei nga dei ban leh ba yn pynim ïa nga?”

KI KAM 2:37

Haba ki paidbah ki la ïohsngew ïa kane, ki la khuslai shikatdei eh bad ki la ong ha u Petros bad ha kiwei pat ki apostol, “Kaei kaba ngin leh, ko para?”

EPHESOS 3:14

Namar kane ka daw, nga dem khohsiew ha khmat U Kpa,

HEBRU 10:11

Man la u lyngdoh Jiw, u trei ïa la ka kam man ka sngi bad ai kijuh ki jingkñia man ka por; hynrei kine ki jingkñia kim lah ban kit noh ïa ki pop.

1 SAMUEL 15:22

Te u Samuel u ong, “Kaei kaba U Trai u kham sngewbha: ka jingkohnguh ne ki jingainguh bad ki jingkñia? Ka kham bha ban kohnguh ïa u ban ïa kaba kñia ha u ïa ka langbrot kaba kynsai tam.