MIKAH 6:4 - Khasi CL Bible (BSI)

⁴ Nga la wan ïalam noh ïa phi na ka ri Ijipt; nga la pyllait ïa phi na ka jinglongmraw; nga la phah ïa u Moses, u Aaron, bad ka Miriam ban ïalam ïa phi.

KA BAIBL

⁴ Naba nga la wallam ïa me na ka ri Ijipt, bad nga la pyllait ïa me na ka ïing ka jinglongmraw; bad nga la phah ïa u Moses, u Aaron, bad ka Miriam ha shuwa jong me.

MIKAH 6:4 ပူးပေါင်းရင်းမြစ်များ

2 SAMUEL 7:23

Ym don kawei pat ka jaitbynriew ha ka pyrthei kaba kum ki Israel, ïa kiba me la pyllait im na ka jinglongmraw ban pynlong ïa ki, ki briew jong me hi. Kiei kiei kiba khraw bad kiba phylla me la leh na ka bynta jong ki, ki la pynphriang ïa ka nam jong me kylleng satlak ka pyrthei. Me la beh noh ïa kiwei pat ki jaitbynriew bad ïa ki blei jong ki katba ki briew jong me ki nang ïaid shaphrang, ki briew ïa kiba me la pyllaitluid na Ijipt ban long ki jong me hi.

SALM 77:20

Me la ïalam ïa la ki briew kum u nongap langbrot, ha ka jingkhmih u Moses bad u Aaron.

EKSODOS 12:51

Ha kata ka sngi U Trai u ïalam noh ïa ki Israel na ka ri Ijipt.

EKSODOS 20:2

“Nga long U Trai U Blei jong phi uba la wan ïalam ïa phi na ka ri Ijipt, ka ri ha kaba phi la long ki mraw.

EKSODOS 3:10

Mynta nga phah ïa me sha u Pharaoh khnang ba men ïalam noh ïa ki Israel, ki briew jong nga, na Ijipt.”

EKSODOS 4:10

Hynrei u Moses u ong, “Em, ko Trai, wat phah ïa nga. Ngam ju long u nongkren ba-pnah, bad ngam shym long kum uwei na kita naduh ba me la sdang ban kren ïa nga. Nga long u bym pnah ban kren, uba suki bad uba thlun.”

EKSODOS 4:16

U un long u nongpynkren lem jong me bad un kren ha u paidbah na ka bynta jong me. Nangta me pat men long kum U Blei, da kaba ïathuh ha u aïu un ong.

EKSODOS 6:27

Dei ruh ma ki kiba la ong ha u Pharaoh ban pyllait noh ïa ki Israel.

JEREMAÏAH 32:21

Da ki kambah bad ki jingphylla kiba la pynsngewshyrkhei ïa ki nongshun jong ngi, me la pyndonkam ïa ka bor bad ka borbah jong me ban wallam ïa ki briew jong me, ki Israel, na ka ri Ijipt.

AMOS 2:10

Nga la wan ïalam ruh ïa phi na ka ri Ijipt, nga la ïalam ïa phi sawphew snem lyngba ka ri shyiap bad nga la ai ïa phi ïa ka ri ki Amor ba phin ïohkynti.

JINGKHEIÑ 12:1

U Moses u la shongkurim ïa ka kynthei nong Kush bad ka Miriam bad u Aaron ki wad dong ïa u na ka bynta kata.

JINGKHEIÑ 33:1

Kane ka jingïathuh harum ka ai ïa ki kyrteng jong ki jaka kiba ki Israel ki sher dara hadien ba ki la mihnoh na Ijipt ha ki jait jong ki hapoh ka jingïalam jong u Moses bad u Aaron.

KI KAM 7:36

U la ïalam ïa ki briew na ka ri Ijipt, u da leh ki kambah bad ki kamphylla ha ka ri Ijipt bad ha ka Duriaw Basaw bad haduh sawphew snem ha ka ri shyiap.

DEUTERONOMI 15:15

Kynmaw ba phi ruh phi la long ki mraw ha Ijipt bad U Trai U Blei jong phi u la pyllait ïa phi; dei namar kata ba nga ai ha phi mynta ka sngi ïa kane ka hukum.

DEUTERONOMI 24:18

Kynmaw ba phi la long ki mraw ha Ijipt bad ba U Trai U Blei jong phi u la pyllait ïa phi; dei namar kata ba nga la ai ha phi ïa kane ka hukum.

DEUTERONOMI 4:20

Hynrei phi, phi dei ki briew kiba u la pyllait im na Ijipt, ka pajwa kaba klang da ka ding. U la wan ïalam ïa phi ban pynlong ïa phi ki briew jong u hi, kumne kumba phi long mynta.

DEUTERONOMI 4:34

Ju don mo u blei uba nud ban leit shim ïa ka jaitbynriew napdeng kawei pat ka jaitbynriew bad pynlong ïa ka, ka jong u hi, kumba U Trai U Blei jong phi u la leh ïa phi ha Ijipt? Phi la ïohi da la ki khmat ba u la pyndonkam ïa la ka borbah; u la wallam ïa ki khlam bad ïa ka thma, u la leh ïa ki kambah bad ki kamphylla, bad u la pynjia ïa kiei kiei kiba ishyrkhei.

DEUTERONOMI 5:6

‘Nga long U Trai U Blei jong phi, uba la pyllait im ïa phi na ka ri Ijipt, ha kaba phi la long ki mraw.

DEUTERONOMI 7:8

Hynrei ka long namar ba U Trai u ieit ïa phi bad u bat ïa la ka kular kaba u la ai ha ki kpa tymmen jong phi, bad namar kata u la ïalam noh ïa phi da ka borbah jong u bad u la pyllait na ka jinglongmraw ïa phi na u Pharaoh u syiem ka Ijipt.

DEUTERONOMI 9:26

Bad nga la duwai, ‘A Trai Nongsynshar, wat pynjot ïa la ki briew, ki briew kiba me la pyllait bad ïalam na Ijipt da ka jingkhlaiñ bad ka borbah jong me.

1 SAMUEL 12:6

U Samuel u ong shuh shuh, “U dei U Trai keiñ uba la thung ïa u Moses bad u Aaron bad uba la wan ïalam ïa ki kpa tymmen jong phi na Ijipt.