MIKAH 6:2 - Khasi CL Bible (BSI)

² Phi ki lumbah, phi ki nongrim bymjukut jong ka khyndew, to shahshkor ïa ka jingmudui jong U Trai! U Trai u don ka jingmudui pyrshah ïa la ki briew. Un wanrah ïa ka jingkynnoh pyrshah ïa ki Israel.

KA BAIBL

² To sngew, ko phi ki lum, ïa ka jingïasaid nia U Trai, bad phi ki nongrim ki baskhem ka khyndew: naba U Trai u don ka jingïasaid nia bad la ki briew, bad un ïasaid bad ki Israel.

MIKAH 6:2 ပူးပေါင်းရင်းမြစ်များ

2 SAMUEL 22:16

Ka trai duriaw ka paw tyngkreiñ bad ïa ki nongrim jong ka pyrthei ruh la pynpaw, haba U Trai u kynteit ïa ki nongshun jong u, bad u kyrhuh ïa ki ha ka jingbitar.

2 SAMUEL 22:8

Nangta ka khyndew ka kyiuh bad khynñiuh; ki nongrim jong ka suiñbneng ki khih bad ki kyiuh, namar ba U Blei u la bitar!

SALM 104:5

Me la buh ïa ka pyrthei ha ki nongrim baskhem, bad yn ym pynkhih shuh ïa ka.

PROBERB 8:29

bad pynbeit ïa ki um ka duriaw ba kin ym kiew palat ban ïa kaba u la ong. Nga la don hangta mynba u buh ïa ki nongrim ka pyrthei.

ISAÏAH 1:18

U Trai u ong, “Mynta, to ngin pynbeit ïa kane ka kam. Pha la khah saw da ka pop, hynrei ngan sait ïa pha ban khuid kum ka ïor. La ki jingkhah tngit jong pha ki saw hain hain, phan lieh kum u shñiuh langbrot.

ISAÏAH 3:13

U Trai u la kloi ban kren ïa ka kam jong u, u long uba la kloi ban bishar ïa ki briew jong u.

ISAÏAH 43:26

“Ïa ngin ïaleit sha ïingbishar; wallam ïa ka jingmudui jong phi! Buh ïa ka kam jong phi ban pynshisha ba phi long ha kaba dei!

ISAÏAH 5:3

Kumta mynta u paralok jong nga u ong: “Ma phi ki briew kiba shong ha Jerusalem bad Judah, to bishar hapdeng jong nga bad ka bri sohwaiñ jong nga.

JEREMAÏAH 2:9

“Bad kumta ma nga, U Trai ngan buh biang ïa ka mokotduma pyrshah ïa ki briew jong nga. Ngan wanrah ki jingmudui pyrshah ïa ki khun ki ksiew jong ki.

JEREMAÏAH 25:31

U Trai un tian bishar pyrshah ïa ki jaitbynriew; un wallam ïa ki briew baroh ha ka jingbishar, bad ïa kiba bymman un pynïap, U Trai u la kren.’ ”

JEREMAÏAH 31:37

Lada ha kawei ka sngi ïa ka suiñbneng la lah ban thew bad ïa ki nongrim ka pyrthei la ïitbniah, tang kata hi ka ban pynlong ba un kyntait ïa ki paid Israel namar baroh kaba ki la leh. U Trai u la kren.

HOSIA 12:2

U Trai u don ka jingmudui ban wanlam pyrshah ïa ki paid Judah; un pynshitom ruh ïa ka Israel na ka bynta ka rukom leh ki briew jong ka. Un ainong ïa ki na ka bynta kaei ba ki la leh.

HOSIA 12:3

U kpa tymmen jong ki u Jakob u la ïaleh ïa u hynmen synrap jong u, u Iso, katba baroh ar ngut ki dang don hapoh ka kpoh ka kmie jong ki; haba u Jakob u la nang san, u ïaleh pyrshah ïa U Blei —

HOSIA 4:1

U Trai u don ka jingkynnoh pyrshah ïa ki briew kiba shong ha ka ri. To sngap, ko Israel, ïa kaei kaba u ong: “Ym don jingïaineh ne ka jingieit ha ka ri, Bad ki briew kim pdiang ïa nga kum U Blei.

MIKAH 6:1

To shahshkor ïa ka jingmudui U Trai pyrshah ïa ki Israel. To khie, A Trai, bad wanrah ïa ka jingmudui jong me; to ai ba ki lumbah bad ki lumrit kin ïohsngew ïa kaei kaba me ong.

DEUTERONOMI 32:22

Ka jingbitar jong nga kan meh lep kum ka ding, bad kan thang duh katba don ha sla pyrthei. Kan pur de shaduh ñiamra, bad kan thang ïa ki tynrai jong ki lumbah.

DEUTERONOMI 4:26

Nga khot ïa ka bneng bad ïa ka khyndew ban sakhi pyrshah ïa phi ba, lada phim kohnguh ïa nga, phin sa jah noh shen na kata ka ri; phin ym im slem ha kata ka ri sha shiliang ka Jordan ïa kaba phin sa ïohkynti. Yn sa pynjot thiaw ïa phi.